କୃଷକଙ୍କ ଆଗରେ ମୁଣ୍ଡ ନୁଆଁଇଲେ ମୋଦୀ ସରକାର, ତିନୋଟି ନୂତନ କୃଷି ଆଇନ ପ୍ରତ୍ୟାହାର କରିବାକୁ ଘୋଷଣା କଲେ ପ୍ରଧାନମନ୍ତ୍ରୀ ମୋଦୀ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ସକାଳ 9 ଟାରେ ଦେଶକୁ ସମ୍ବୋଧିତ କରୁଥିବାବେଳେ ସମସ୍ତ ତିନୋଟି କୃଷି ଆଇନ ପ୍ରତ୍ୟାହାର କରିବା ନେଇ ଘୋଷଣା କରିଛନ୍ତି ।
ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ସକାଳ 9 ଟାରେ ଦେଶକୁ ସମ୍ବୋଧିତ କରୁଥିବାବେଳେ ସମସ୍ତ ତିନୋଟି କୃଷି ଆଇନ ପ୍ରତ୍ୟାହାର କରିବା ନେଇ ଘୋଷଣା କରିଛନ୍ତି । ପ୍ରଧାନମନ୍ତ୍ରୀ ମୋଦୀ ତାଙ୍କ ଅଭିଭାଷଣରେ କହିଛନ୍ତି ଯେ କୃଷକ ଏବଂ କୃଷିର ଅବସ୍ଥା ସୁଧାରିବା ପାଇଁ ଆମେ ନୂତନ କୃଷି ଆଇନ ଆଣିଛୁ, ଯାହା ଦ୍ୱାରା ବିଶେଷ ଭାବରେ କ୍ଷୁଦ୍ର ଚାଷୀମାନେ ଉପକୃତ ହେବେ ।
ପ୍ରଧାନମନ୍ତ୍ରୀ କହିଛନ୍ତି, ଆଇନ ଆଣିବା ପୂର୍ବରୁ ସଂସଦରେ ଆଲୋଚନା କରାଯାଇଥିଲା । ଦେଶର କୃଷକ, ସଂଗଠନ ମଧ୍ୟ ଏହାକୁ ସ୍ୱାଗତ କରିଥିଲେ ଏବଂ ସମର୍ଥନ କରିଥିଲେ, ଏଥିପାଇଁ ମୁଁ ସମସ୍ତଙ୍କୁ ବହୁତ କୃତଜ୍ଞ, କିନ୍ତୁ ବନ୍ଧୁଗଣ, ଆମ ସରକାର କୃଷକଙ୍କ କଲ୍ୟାଣ ପାଇଁ, ଦେଶର କୃଷି ଜଗତର ସ୍ୱାର୍ଥରେ, ଗ୍ରାମ, ଗରିବ। ପୂର୍ଣ୍ଣ ସମର୍ଥନ ସହିତ, ଏକ ଉତ୍ତମ ଉଦ୍ଦେଶ୍ୟ ସହିତ, ଆମେ ଏହି ନିୟମ ଆଣିଥିଲୁ କିନ୍ତୁ କିଛି କୃଷକଙ୍କୁ ଆମେ ଏପରି ପବିତ୍ର ଜିନିଷକୁ ସମ୍ପୂର୍ଣ୍ଣରୂପେ ବୁଝାଇ ପାରିଲୁ ନାହିଁ, ଆମେ ମଧ୍ୟ ସେମାନଙ୍କ ସହ କଥାବାର୍ତ୍ତା କରିବାକୁ ଚେଷ୍ଟା କଲୁ ଏବଂ ଏହି ନିୟମର ମହତ୍ତ୍ୱକୁ ବୁଝାଇବାକୁ ଚେଷ୍ଟା କଲୁ । କିନ୍ତୁ ଆମେ ସେମାନଙ୍କୁ ମନାଇବାରେ ଅସମର୍ଥ, ଏହି ମାମଲା ମଧ୍ୟ ସୁପ୍ରିମକୋର୍ଟକୁ ଗଲା । ତେଣୁ ବର୍ତ୍ତମାନ ଆମେ କୃଷି ଆଇନ ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଛୁ । ଏହି ବଡ ଘୋଷଣା ପରେ ପ୍ରଧାନମନ୍ତ୍ରୀ ମୋଦୀ ନିବେଦନ କରିଛନ୍ତି ଯେ ଆଇନକୁ ବିରୋଧ କରୁଥିବା କୃଷକମାନେ ବର୍ତ୍ତମାନ ନିଜ ଘରକୁ ଫେରି ଯାଆନ୍ତୁ, କ୍ଷେତକୁ ଯାଇ ଏକ ନୂଆ ଆରମ୍ଭ କରନ୍ତୁ ।
ଏନଡିଏ ସରକାର 2020 ମସିହାରେ ସଂସଦରେ ବିଲ ପାସ ହେବା ପରେ ମୋହର ମାରିଥିଲେ ରାଷ୍ଟ୍ରପତି ରାମନାଥ କୋବିନ୍ଦ । ନୂତନ ଚାଷୀ ଆଇନକୁ ନେଇ ଦେଶରେ ଏକ ପ୍ରକାର ଆନ୍ଦୋଳନର ଅଗ୍ନି ଲାଗିଥିଲା । ଆନ୍ଦୋଳନ, ହରକତ ଏପର୍ଯ୍ୟନ୍ତ ମଧ୍ୟ ଜାରି ରହିଛି । ଯାହା ସରକାରଙ୍କୁ ଏକ ପ୍ରକାର ଅକଳରେ ପକାଇଥିଲା । କୃଷି ଆଇନ ପ୍ରତ୍ୟାହାର ନେଇ କୌଣସି ମଧ୍ୟ ସୂଚନା ନଥିବାବେଳେ ଅଚାନକ ଏଭଳି ବଡ଼ ଘୋଷଣା କରିଥିଲେ ପ୍ରଧାନମନ୍ତ୍ରୀ ମୋଦୀ । ଚଳିତ ମାସରେ ହେବାକୁ ଥିବା ସଂସଦୀୟ ଅଧିବେଶନରେ ତିନି କୃଷି ଆଇନ ଉଚ୍ଛେଦ ପାଇଁ ସାମ୍ବିଧାନିକ ପ୍ରକ୍ରିୟା ଆରମ୍ଭ ହେବ ବୋଲି ସେ କହିଛନ୍ତି ।
Click it and Unblock the Notifications
Sign in with Google