କରୋନା ସହ ଯୁଦ୍ଧରେ ଡାକ୍ତରମାନେ ଏକ ଉଦାହରଣ ସୃଷ୍ଟି କରିଛନ୍ତି, 'ଦେବଦୂତ' ହୋଇ ଲୋକଙ୍କ ଜୀବନ ରକ୍ଷା କରିଛନ୍ତି : ପ୍ରଧାନମନ୍ତ୍ରୀ
ଜାତୀୟ ଡାକ୍ତର ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶର ଡାକ୍ତର ସମ୍ପ୍ରଦାୟ ସହ ଜଡିତ ଲୋକଙ୍କୁ ସମ୍ବୋଧିତ କରିଛନ୍ତି । ଇଣ୍ଡିଆନ୍ ମେଡିକାଲ୍ ଆସୋସିଏସନ୍ (ଆଇଏମ୍ଏ) ଦ୍ୱାରା ଏହି କାର୍ଯ୍ୟକ୍ରମ ଆୟୋଜିତ ହୋଇଛି ।
ନୂଆଦିଲ୍ଲୀ : ଜାତୀୟ ଡାକ୍ତର ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶର ଡାକ୍ତର ସମ୍ପ୍ରଦାୟ ସହ ଜଡିତ ଲୋକଙ୍କୁ ସମ୍ବୋଧିତ କରିଛନ୍ତି । ଇଣ୍ଡିଆନ୍ ମେଡିକାଲ୍ ଆସୋସିଏସନ୍ (ଆଇଏମ୍ଏ) ଦ୍ୱାରା ଏହି କାର୍ଯ୍ୟକ୍ରମ ଆୟୋଜିତ ହୋଇଛି ।
ପ୍ରତିବର୍ଷ ଜୁଲାଇ 1 ରେ ସାରା ଦେଶରେ ଜାତୀୟ ଡାକ୍ତର ଦିବସ ପାଳନ କରାଯାଏ । ଏହି ଦିନଟି ହେଉଛି ଦେଶର ମହାନ ଡାକ୍ତର ତଥା ପଶ୍ଚିମବଙ୍ଗର ଦ୍ୱିତୀୟ ମୁଖ୍ୟମନ୍ତ୍ରୀ ଡକ୍ଟର ବିଧାନଚନ୍ଦ୍ର ରୟଙ୍କ ଜନ୍ମଦିନ ଏବଂ ମୃତ୍ୟୁ ବାର୍ଷିକୀ । ତାଙ୍କ ସ୍ମୃତିରେ ଏହି ଦିନ ପାଳନ କରାଯାଏ ।
ପ୍ରଧାନମନ୍ତ୍ରୀ ମୋଦୀ ତାଙ୍କ ସମ୍ବୋଧନରେ କହିଛନ୍ତି ଯେ ଡାକ୍ତରମାନଙ୍କୁ ଭଗବାନଙ୍କ ଅନ୍ୟ ଏକ ରୂପ କୁହାଯାଇଛି । ସେ କହିଛନ୍ତି ଯେ କରୋନା ସମୟରେ ଆମର ଡାକ୍ତରମାନେ ଯେଉଁଭଳି ଭାବରେ ଦେଶ ସେବା କରିଛନ୍ତି, ତାହା ନିଜେ ଏକ ପ୍ରେରଣା । ମୁଁ 130 କୋଟି ଭାରତୀୟଙ୍କର ସମସ୍ତ ଡାକ୍ତରଙ୍କୁ ଧନ୍ୟବାଦ ଦେଉଛି । ପ୍ରଧାନମନ୍ତ୍ରୀ ମୋଦୀ ଆହୁରି କହିଛନ୍ତି ଯେ ଏପରି ଅନେକ ଲୋକ ଥିବେ ଯାହାର ଜୀବନ ନିଶ୍ଚିତ କିଛି ସଙ୍କଟରେ ପଡିଥାଇପାରେ, ହୁଏତ କୌଣସି ରୋଗ କିମ୍ବା ଦୁର୍ଘଟଣାର ଶିକାର ହୋଇଥାଇ ପାରନ୍ତି କିମ୍ବା ବେଳେବେଳେ ଆମେ ଅନୁଭବ କରୁ ଯେ ଆମେ ନିଜର କାହାକୁ ହରାଇବୁ ? ଆଜି ଯେତେବେଳେ ଦେଶ କରୋନା ବିରୋଧରେ ଏତେ ବଡ ଯୁଦ୍ଧ କରୁଛି, ଡାକ୍ତରମାନେ ଦିନରାତି ପରିଶ୍ରମ କରି ଲକ୍ଷ ଲକ୍ଷ ଲୋକଙ୍କ ଜୀବନ ରକ୍ଷା କରିଛନ୍ତି । ପ୍ରଧାନମନ୍ତ୍ରୀ ଡାକ୍ତରମାନଙ୍କୁ 'ଦୂତ' ବୋଲି କହିଥିଲେ ।
ମୋଦୀ କହିଛନ୍ତି, ଚଳିତ ବର୍ଷ ସ୍ୱାସ୍ଥ୍ୟ କ୍ଷେତ୍ର ପାଇଁ ବଜେଟ୍ ଆବଣ୍ଟନ ଦ୍ୱିଗୁଣିତ ହୋଇଛି ଅର୍ଥାତ୍ ଦୁଇ ଲକ୍ଷ କୋଟିରୁ ଅଧିକ ରହିଛି । ବର୍ତ୍ତମାନ ଯେଉଁ କ୍ଷେତ୍ରରେ ସ୍ୱାସ୍ଥ୍ୟ ସୁବିଧା ଅଭାବ ରହିଛି ସେହି କ୍ଷେତ୍ରରେ ସ୍ୱାସ୍ଥ୍ୟ ଭିତ୍ତିଭୂମିକୁ ମଜବୁତ କରିବା ପାଇଁ ଆମେ 50 ହଜାର କୋଟି ଟଙ୍କାର ଏକ କ୍ରେଡିଟ୍ ଗ୍ୟାରେଣ୍ଟି ଯୋଜନା ପ୍ରସ୍ତୁତ କରିଛୁ । ସେ ଆହୁରି କହିଛନ୍ତି ଯେ 2014 ପର୍ଯ୍ୟନ୍ତ, ଯେଉଁଠାରେ ଦେଶରେ କେବଳ 6 ଟି AIIMS ଥିଲା, ଏହି 7 ବର୍ଷରେ 15 ଟି ନୂଆ AIIMS ର କାର୍ଯ୍ୟ ଆରମ୍ଭ ହୋଇଛି । ମେଡିକାଲ କଲେଜ ସଂଖ୍ୟା ମଧ୍ୟ ପ୍ରାୟ ଦେଢଗୁଣ ବୃଦ୍ଧି ପାଇଛି । ଏହାର ଫଳ ସ୍ୱରୂପ, ଅଳ୍ପ ସମୟ ମଧ୍ୟରେ ସ୍ନାତକୋତ୍ତର ସିଟ୍ ଦେଢ ଗୁଣରୁ ଅଧିକ ବୃଦ୍ଧି ପାଇଛି, ପିଜି ସିଟ୍ 80 ପ୍ରତିଶତ ବୃଦ୍ଧି ପାଇଛି ।
ପ୍ରଧାନମନ୍ତ୍ରୀ ମୋଦୀ ଆହୁରି ମଧ୍ୟ କହିଛନ୍ତି ଯେ ଆମେ ଦେଖିଥିବା ଆଉ ଏକ ଭଲ କଥା ହେଉଛି ଯୋଗ ବିଷୟରେ ସଚେତନତା ସୃଷ୍ଟି କରିବା ପାଇଁ ମେଡିକାଲର ଲୋକମାନେ ବହୁ ଆଗକୁ ଆସିଛନ୍ତି । ଯୋଗର ପ୍ରଚାର ପ୍ରସାର ପାଇଁ ସ୍ୱାଧୀନତା ପରେ ଗତ ଶତାବ୍ଦୀରେ କରା ହେବାକୁ ଥୁବା କାମ ବର୍ତ୍ତମାନ କରାଯାଉଛି । ପ୍ରଧାନମନ୍ତ୍ରୀ କହିଛନ୍ତି ଯେ ଆପଣ (ଡାକ୍ତର) ରୋଗୀଙଅକ ସେବା ତଥା ଦେଖାଶୁଣା କରୁଛନ୍ତି, ସେହି ଦୃଷ୍ଟିରୁ ଆପଣମାନେ ବିଶ୍ୱରେ ସବୁଠାରୁ ଆଗରେ ।
Click it and Unblock the Notifications
Sign in with Google