ଜାନୁଆରୀ 22 ରେ ହିଁ ପିଲା ଜନ୍ମ କରିବାକୁ ଚାହୁଁଛନ୍ତି ଗର୍ଭବତୀ, ଡାକ୍ତରଙ୍କ ଉପରେ ଡେଲିଭରୀ ପ୍ରେସର...
Ram Mandir Pran Pratistha: ବର୍ଷ ବର୍ଷ ଧରି ଅପେକ୍ଷାରେ ଥିବା କୋଟି କୋଟି ଭକ୍ତଙ୍କ ଆଶା ପୂରଣ ହେବାକୁ ଯାଉଛି । ଶେଷରେ ଖୁବ୍ ଶୀଘ୍ର ରାମ ମନ୍ଦିର ନିର୍ମାଣ କାମ ସରିବା ସହ ରାମଲାଲାଙ୍କ ସ୍ଥାପନା କରାଯିବ । ଏହି ପ୍ରାଣ ପ୍ରତିଷ୍ଠା ଦେଶ ବିଦେଶରେ ଥିବା ରାମ ଭକ୍ତମାନଙ୍କ ପାଇଁ ସବୁଠାରୁ ବଡ ଉତ୍ସବ ।
ଏଭଳି ପରିସ୍ଥିତିରେ ଗର୍ଭବତୀ ମହିଳାମାନଙ୍କ ମଧ୍ୟରେ 22 ଜାନୁଆରୀରେ ନିଜର ପିଲା ପ୍ରସବ କରିବାକୁ ଚାହୁଁଛନ୍ତି । ସମସ୍ତ ଗର୍ଭବତୀ ରାମଲାଲା ଆସିବା ଦିନ ନିଜ ପରିବାରରେ ଏକ ସନ୍ତାନ ଜନ୍ମ ପାଇଁ ଇଚ୍ଛା କରୁଛନ୍ତି ।
ରାମ ମନ୍ଦିର ନିର୍ମାଣ ପାଇଁ ଉତ୍ସାହ ଏତେ ବୃଦ୍ଧି ପାଇଛି ଯେ ଉତ୍ତର ପ୍ରଦେଶ ସମେତ ଅଯୋଧ୍ୟାରେ ଗର୍ଭବତୀ ମା ମାନେ 22 ଜାନୁଆରୀ ଶୁଭ ତାରିଖରେ ନିଜ ସନ୍ତାନକୁ ଜନ୍ମ ଦେବାକୁ ଡାକ୍ତରମାନଙ୍କୁ ଅନୁରୋଧ କରୁଛନ୍ତି । କିଛି ଲୋକ ମଧ୍ୟ ସେମାନଙ୍କର ଡେଲିଭରୀ ତାରିଖ ଘୁଞ୍ଚାଇ ରାମ ମନ୍ଦିର ପ୍ରାଣ ପ୍ରତିଷ୍ଠା ସମାରୋହ ସହ ପିଲା ଜନ୍ମ କରିବାକୁ ଚାହୁଁଛନ୍ତି ।
କେବଳ ଏତିକି ନୁହେଁ, ଯେଉଁମାନେ ଏହି ଗୁରୁତ୍ୱପୂର୍ଣ୍ଣ ଦିନରେ ସନ୍ତାନ ଜନ୍ମ ଦେବେ, ସେମାନେ ନିଜ ସନ୍ତାନଙ୍କ ନାମ ପ୍ରଭୁ ରାମଙ୍କ ନାମରେ ନାମିତ କରିବାକୁ ସ୍ଥିର କରୁଛନ୍ତି । କେବଳ ଅଯୋଧ୍ୟାରେ ନୁହେଁ, ଉତ୍ତର ପ୍ରଦେଶର ସମସ୍ତ ଜିଲ୍ଲାର ଡାକ୍ତରଖାନାରେ ଜାନୁଆରୀ 22 ରେ ସି-ସେକ୍ସନ୍ ଅର୍ଥାତ୍ ସିଜରିଆନ୍ ଡେଲିଭରୀ ପାଇଁ ଲୋକମାନେ ଅନୁରୋଧ କରିଥିବା ଜଣାଯାଇଛି ।
କାନପୁରର ଗଣେଶ ଶଙ୍କର ବିଦ୍ୟାର୍ଥୀ ମେମୋରିଆଲ ମେଡିକାଲ କଲେଜର ପ୍ରସୂତି ଏବଂ ସ୍ତ୍ରୀ ବିଭାଗର ଦାୟିତ୍ୱରେ ଥିବା ସୀମା ଦ୍ୱିବେଦୀ କହିଛନ୍ତି ଯେ ସେ 12 ରୁ 14 ସିଜରିଆନ୍ ଡେଲିଭରୀ ପାଇଁ ଲିଖିତ ଅନୁରୋଧ ଗ୍ରହଣ କରିଛନ୍ତି । ଦ୍ୱିବେଦୀ କହିଛନ୍ତି ଯେ ଜାନୁଆରୀ 22 ରେ 35 ଟି ସିଜରିଆନ୍ ଅପରେସନ୍ ପାଇଁ ବ୍ୟବସ୍ଥା କରାଯାଉଛି ।
ରାମଲାଲଙ୍କ ସହିତ ନିଜ 'ଲାଲା'ର ଜନ୍ମ ପାଇଁ ଇଚ୍ଛା
ଅଯୋଧ୍ୟା ଜିଲ୍ଲା ମହିଳା ହସପିଟାଲର ଜଣେ ଡାକ୍ତର ଏକ ଘଣମାଧ୍ୟମକୁ କହିଛନ୍ତି, "ଏହା ଏକ ଅଦ୍ଭୁତ ଅନୁରୋଧ ଏବଂ ଦିନକୁ ଦିନ ଏହି ସଂଖ୍ୟା ବୃଦ୍ଧି ପାଉଛି । 100 ଶଯ୍ୟା ବିଶିଷ୍ଟ ଏହି ଡାକ୍ତରଖାନାରେ ପାଞ୍ଚଜଣ ସର୍ଜନ ଅଛନ୍ତି, ଯେଉଁମାନେ ଓପିଡିରେ ରୋଗୀଙ୍କୁ ମଧ୍ୟ ପରୀକ୍ଷା କରନ୍ତି । ହସ୍ପିଟାଲର ଚିକିତ୍ସା ଅଧିକାରୀ ଡ଼ ଅଳଙ୍କୃତା କହିଛନ୍ତି, "ଆମେ OPD ରେ ଦିନକୁ ପ୍ରାୟ 150 ରୁ 200 ରୋଗୀଙ୍କ ଚିକିତ୍ସା କରୁ । ଏମାନଙ୍କ ମଧ୍ୟରୁ ଅନେକ ଗର୍ଭବତୀ ଅଛନ୍ତି ।"
ଡାକ୍ତର କହିଛନ୍ତି ଯେ ହାରାହାରି ଦିନକୁ ଛଅରୁ ଆଠଟି ପ୍ରସବ ହୋଇଥାଏ । ଏଭଳି ପରିସ୍ଥିତିରେ ଗୋଟିଏ ଦିନରେ ପ୍ରସବ କରିବା ପ୍ରାୟ ଅସମ୍ଭବ, କାରଣ ଏହା କେବଳ ଡାକ୍ତରଖାନା ଉପରେ ଏକ ବଡ ବୋଝ ପକାଇବ ନାହିଁ, ବରଂ ମା ଏବଂ ଶିଶୁ ପାଇଁ ମଧ୍ୟ ବିପଦ ସୃଷ୍ଟି କରିପାରେ ।
ପିଲା ଭଲ ଭାଗ୍ୟ ସହିତ ଆଗକୁ ବଢିବା ଇଛା
ଅନେକ ମାଆ ବିଶ୍ୱାସ କରନ୍ତି ଯେ ଯଦି ସେମାନଙ୍କର ସନ୍ତାନ ଜାନୁଆରୀ 22 ରେ ଜନ୍ମ ହୁଏ, ତେବେ ସେମାନଙ୍କୁ ଶୁଭଫଳ ମିଳିବ । ଡାକ୍ତରମାନେ କହିଛନ୍ତି ଯେ ଗର୍ଭବତୀ ମାନେ ପ୍ରାୟତଃ ପୁରୋହିତଙ୍କ ଠାରୁ ଶୁଭ ତାରିଖ ଏବଂ ସମୟ ମାଗିଥାନ୍ତି ଏବଂ ସେହି ଦିନ ପ୍ରସବ ପାଇଁ ଅନୁରୋଧ କରନ୍ତି । ଜାନୁଆରୀ 22 ରେ ରାମ ଲାଲାଙ୍କ ପ୍ରାଣ ପ୍ରତିଷ୍ଠା ହେଉଥିବାରୁ ସେହି ସମୟରେ ଜନ୍ମ ହେଲେ ପିଲାର ଭବିଷ୍ୟତ ଭଲ ରହିବ ବୋଲି ଅନେକ ମା' ଆଶା କରୁଛନ୍ତି ।
Click it and Unblock the Notifications
Sign in with Google