ପ୍ରୟାଗରାଜରେ କୋଠା ଭୁଶୁଡି 5 ମୃତ, ମୃତକଙ୍କ ସମ୍ପର୍କୀୟଙ୍କୁ 4 ଲକ୍ଷ ଟଙ୍କା ସହାୟତା ଘୋଷଣା କଲେ ଯୋଗୀ

ଉତ୍ତରପ୍ରଦେଶର ସଙ୍ଗମ ନଗରୀରେ ବର୍ଷା ହେତୁ ପୁରୁଣା କୋଠା ଭୁଶୁଡ଼ି ପଡ଼ିଥିବା ଫଳରେ 5 ଜଣଙ୍କର ମୃତ୍ୟୁ ହୋଇଥିବା ଖବର ସାମ୍ନାକୁ ଆସୁଛି । ଏଥିସହିତ 14 ଜଣ ଆହତ ହୋଇଛନ୍ତି ।

ପ୍ରୟାଗରାଜ : ଉତ୍ତରପ୍ରଦେଶର ସଙ୍ଗମ ନଗରୀରେ ବର୍ଷା ହେତୁ ପୁରୁଣା କୋଠା ଭୁଶୁଡ଼ି ପଡ଼ିଥିବା ଫଳରେ 5 ଜଣଙ୍କର ମୃତ୍ୟୁ ହୋଇଥିବା ଖବର ସାମ୍ନାକୁ ଆସୁଛି । ଏଥିସହିତ 14 ଜଣ ଆହତ ହୋଇଛନ୍ତି । ଆହତମାନଙ୍କୁ ସ୍ୱରୂପରାନୀ ହସ୍ପିଟାଲରେ ଭର୍ତ୍ତି କରାଯାଇଛି । ଉଦ୍ଧାର କାର୍ଯ୍ୟ ଜାରି ରହିଛି ।

ଏହି ଘଟଣାରେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଦୁଃଖ ପ୍ରକାଶ କରିବା ସହ ମୃତକଙ୍କ ପରିବାରକୁ 4 ଲକ୍ଷ ଟଙ୍କା ଲେଖାଏଁ ଅନୁକମ୍ପା ରାଶି ପ୍ରଦାନ କରିବାକୁ ଘୋଷଣା କରିଛନ୍ତି । ଏଥିସହିତ ଆହତଙ୍କ ମାଗଣା ଚିକିତ୍ସା କରିବାକୁ ନିର୍ଦ୍ଦେଶ ଦେଇଛନ୍ତି ।

ଡେପୁଟି ସିଏମ୍ କେଶବ ପ୍ରସାଦ ମୌର୍ଯ୍ୟ ଟ୍ୱିଟ୍ କରି ଲେଖିଛନ୍ତି, ଭଗବାନ ତାଙ୍କ ପାଦରେ ବିଦାୟୀ ଆତ୍ମାମାନଙ୍କୁ ସ୍ଥାନ ଦିଅନ୍ତୁ ଏବଂ ପରିବାର ସଦସ୍ୟଙ୍କୁ ଏହି କ୍ଷତି ସହିବାକୁ ଶକ୍ତି ଦିଅନ୍ତୁ । ଏଥିସହିତ ଆହତଙ୍କ ମାଗଣା ଚିକିତ୍ସା କରିବାକୁ ନିର୍ଦ୍ଦେଶନାମା ଦିଆଯାଇଛି ଏବଂ ମୃତକଙ୍କ ପରିବାରକୁ 4 ଲକ୍ଷ ଟଙ୍କା ଆର୍ଥିକ ସହାୟତା ଘୋଷଣା କରାଯାଇଛି ।

English summary

Prayagraj building collapses, 5 dead, 14 injured