ଜାମ୍ମୁ କାଶ୍ମୀରରେ ଆତଙ୍କବାଦୀ ଗୁଳିରେ ପୋଲିସ କର୍ମୀ ସହିଦ, ଝିଅ ଗୁରୁତର
ଜାମ୍ମୁ କାଶ୍ମୀରରେ ଆତଙ୍କବାଦୀମାନେ ଶ୍ରୀନଗରର ସୌରା ଅଞ୍ଚଳରେ ଜଣେ ପୋଲିସ କର୍ମଚାରୀଙ୍କ ଘର ବାହାରେ ଗୁଳି ଚଳାଇଥିଲେ । ଏହି ଆକ୍ରମଣରେ ଆହତ ପୋଲିସ କର୍ମୀଙ୍କ ମୃତ୍ୟୁ ହୋଇଛି । ତାଙ୍କ ଝିଅ ଗୁରୁତର ଆହତ ହୋଇଛନ୍ତି ।
ନୂଆଦିଲ୍ଲୀ : ଜାମ୍ମୁ କାଶ୍ମୀରରେ ଆତଙ୍କବାଦୀମାନେ ଶ୍ରୀନଗରର ସୌରା ଅଞ୍ଚଳରେ ଜଣେ ପୋଲିସ କର୍ମଚାରୀଙ୍କ ଘର ବାହାରେ ଗୁଳି ଚଳାଇଥିଲେ । ଏହି ଆକ୍ରମଣରେ ଆହତ ପୋଲିସ କର୍ମୀଙ୍କ ମୃତ୍ୟୁ ହୋଇଛି । ତାଙ୍କ ଝିଅ ଗୁରୁତର ଆହତ ହୋଇଛନ୍ତି । ଏହା ପରେ ଜାମ୍ମୁ ପୋଲିସ ସର୍ଚ୍ଚ ଅପରେସନ୍ ଜାରି ରଖିଛି ।
ଆତଙ୍କବାଦୀ ଆକ୍ରମଣ ପରେ ଆହତ ପୋଲିସ ଏବଂ ତାଙ୍କ ଝିଅଙ୍କୁ SKIMS ଡାକ୍ତରଖାନାକୁ ନିଆଯାଇଥିଲା । କିନ୍ତୁ ଡାକ୍ତରଖାନାରେ ପହଞ୍ଚିବା ପୂର୍ବରୁ ପୋଲିସ କର୍ମୀଙ୍କ ମୃତ୍ୟୁ ହୋଇଥିଲା । ସହିଦ ପୋଲିସ୍ କର୍ମୀ ସୈଫୁଲ୍ଲା କାଦ୍ରି ବୋଲି ଜଣାପଡିଛି । ଏହି ସମୟରେ, ଘଟଣା ପରେ ଜାମ୍ମୁ କାଶ୍ମୀର ପୋଲିସ ଏହି ଅଞ୍ଚଳକୁ ଘେରି ରହି ଆତଙ୍କବାଦୀଙ୍କୁ ଖୋଜିବା ଆରମ୍ଭ କରିଛି ।
ମଙ୍ଗଳବାର ଦିନ ଆତଙ୍କବାଦୀମାନେ ଆକ୍ରମଣ କରିଥିବା ବେଳେ ସୈଫୁଲ୍ଲା ଏବଂ ତାଙ୍କ ଝିଅ ସେମାନଙ୍କ ଘର ବାହାରେ ଥିଲେ । ତାଙ୍କୁ ଟାର୍ଗେଟ୍ କରି ଆତଙ୍କବାଦୀ ଗୁଳି ଚାଳାଇଥିଲେ । ଭୟରେ ତାଙ୍କ ଝିଅ ପୋଲିସ୍ କର୍ମୀଙ୍କୁ ଜାବୁଡ଼ି ଧରିଥିଲା । ଏହି ସମୟରେ ତାଙ୍କ ଦେହରେ ମଧ୍ୟ ଗୁଳି ବାଜିଥିଲା ।