ଆସିବ 100 ଟଙ୍କିଆ କଏନ୍ ! ଲେଖା ରହିବ ‘ମନ କି ବାତ୍'
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରେଡିଓରେ ଆରମ୍ଭ କରିଥିବା 'ମନ କି ବାତ୍' କାର୍ଯ୍ୟକ୍ରମ 100 ଏପିସୋଡ୍ ପୂରଣ କରିବାକୁ ଯାଉଛି । ଏହି ଅବସରରେ ପିଏମ ମୋଦୀ 100 ଟଙ୍କାର ଏକ ସ୍ୱତନ୍ତ୍ର ମୁଦ୍ରା ଜାରି କରିବେ ।
ମିଡିଆ ରିପୋର୍ଟ ଅନୁଯାୟୀ, 'ମନ୍ କି ବାତ୍' ମୁଦ୍ରା ଅତ୍ୟନ୍ତ ସ୍ୱତନ୍ତ୍ର ହେବ । ଏହା ଉପରେ ମାଇକ୍ରୋଫୋନ୍ ର ତିତ୍ର ରହିବ ଏବଂ ବର୍ଷ ସ୍ଥାନରେ 2023 ଲେଖାଯିବ । ଏହି ମୁଦ୍ରାରେ 'ମନ୍ କି ବାତ୍ 100' ମଧ୍ୟ ଲେଖାଯିବ । ତେବେ ଏହାର କୌଣସି ଚିତ୍ର ଏପର୍ଯ୍ୟନ୍ତ ପ୍ରକାଶ ପାଇନାହିଁ ।
ମୁଦ୍ରାର ଉପର ଭାଗରେ ଅଶୋକ ସ୍ତମ୍ଭର ସିଂହ ରହିବ, ଯାହା ତଳେ ସତ୍ୟମେବ ଜୟତେ ଲେଖାଯିବ । ଏହା ବ୍ୟତୀତ 'ଭାରତ' ହିନ୍ଦୀ-ଇଂରାଜୀରେ ଲେଖାଯିବ ।
ବିଶେଷ କଥା ହେଉଛି ଏହି ମୁଦ୍ରାରେ ଟଙ୍କାର ପ୍ରତୀକ ମଧ୍ୟ ତିଆରି ହେବ । ଏହି ମୁଦ୍ରା ତିଆରି ପାଇଁ ରୂପା, ତମ୍ବା, ନିକେଲ ଏବଂ ଜିଙ୍କ ବ୍ୟବହାର କରାଯାଇଛି । ଏହାର ଗୋଲାକାର 44 ମିମି ।
'ମନ କି ବାତ୍' କାର୍ଯ୍ୟକ୍ରମ ପିଏମ ମୋଦୀ 3 ଅକ୍ଟୋବର 2014 ରେ ଆରମ୍ଭ ହୋଇଥିଲା । ସେବେଠାରୁ ମାସର ଶେଷ ରବିବାର ଦିନ ପିଏମ ମୋଦୀ ଜନସାଧାରଣଙ୍କ ସହ 'ମନ କି ବାତ୍' କଥା ହୋଇଥିଲେ । 30 ଅପ୍ରଲରେ ଏହା 100 ଟି ଏପିସୋଡ ପୂରଣ କରିବା ନେଇ ଅନେକ ସ୍ଥାନରେ ସ୍ୱତନ୍ତ୍ର ବ୍ୟବସ୍ଥା କରାଯିବ ।
Click it and Unblock the Notifications
Sign in with Google