ଲକ୍ଷ୍ମୀପୁର ଖେରୀ ମାମଲାକୁ ନେଇ ମନ୍ତ୍ରୀଙ୍କ ଉପରେ ଏଫଆଇଆର ଏବଂ ବରଖାସ୍ତ ଦାବିରେ ସୁପ୍ରିମକୋର୍ଟରେ ଆବେଦନ
ଉତ୍ତରପ୍ରଦେଶର ଲକ୍ଷ୍ମୀପୁର ଖେରୀ ଜିଲ୍ଲାରେ ଅକ୍ଟୋବର 3 ରେ ଘଟିଥିବା ଘଟଣ ସୁପ୍ରିମକୋର୍ଟରେ ପହଞ୍ଚିଛି । ବାସ୍ତବରେ ଚାଷୀଙ୍କ ଉପରେ ଗାଡ଼ି ଚଢାଇଥିବା ମନ୍ତ୍ରୀଙ୍କ ବିରୋଧରେ ଏଫଆଇଆର ପଞ୍ଜିକରଣ କରିବାକୁ ସୁପ୍ରିମକୋର୍ଟରେ ଏକ ପିଟିସନ ଦାଖଲ କରାଯାଇଛି ।
ନୂଆଦିଲ୍ଲୀ : ଉତ୍ତରପ୍ରଦେଶର ଲକ୍ଷ୍ମୀପୁର ଖେରୀ ଜିଲ୍ଲାରେ ଅକ୍ଟୋବର 3 ରେ ଘଟିଥିବା ଘଟଣ ସୁପ୍ରିମକୋର୍ଟରେ ପହଞ୍ଚିଛି । ବାସ୍ତବରେ ଚାଷୀଙ୍କ ଉପରେ ଗାଡ଼ି ଚଢାଇଥିବା ମନ୍ତ୍ରୀଙ୍କ ବିରୋଧରେ ଏଫଆଇଆର ପଞ୍ଜିକରଣ କରିବାକୁ ସୁପ୍ରିମକୋର୍ଟରେ ଏକ ପିଟିସନ ଦାଖଲ କରାଯାଇଛି । ଏହି ଆବେଦନରେ କୁହାଯାଇଛି ଯେ ମାନ୍ୟବର ସୁପ୍ରିମକୋର୍ଟ ଗୃହ ମନ୍ତ୍ରଣାଳୟ ଏବଂ ଲକ୍ଷ୍ମୀପୁର ଖେରୀ ମାମଲାରେ ପୋଲିସକୁ ନିର୍ଦ୍ଦେଶ ଦେବା ଉଚିତ ଯେ ଅପରାଧୀଙ୍କ ବିରୋଧରେ ଏଫଆଇଆର ପଞ୍ଜିକରଣ କରି ଦଣ୍ଡିତ କରାଯିବା ଉଚିତ ।
ଦୁଇ ଓକିଲ ଶିବକୁମାର ତ୍ରିପାଠୀ ଏବଂ ସିଏସ୍ ପଣ୍ଡା ଏହି ମାମଲାକୁ ସୁପ୍ରିମକୋର୍ଟଙ୍କ ନିକଟକୁ ନେଇଛନ୍ତି । ଏହି ଓକିଲମାନେ ମଧ୍ୟ ଏହି ଘଟଣାର ସିବିଆଇ ତଦନ୍ତ ଦାବି କରିଛନ୍ତି । ଏହା ମଧ୍ୟ କୁହାଯାଇଛି ଯେ ସୁପ୍ରିମକୋର୍ଟଙ୍କ ତତ୍ତ୍ୱାବଧାନରେ ଏହି ତଦନ୍ତ କରାଯାଉ । ଏହି ଘଟଣାରେ ଏଫଆଇଆର ପଞ୍ଜୀକୃତ ହେବା ଉଚିତ ଏବଂ ଅଭିଯୁକ୍ତ ମନ୍ତ୍ରୀ ଅଜୟ କୁମାର ମିଶ୍ର ଏବଂ ତାଙ୍କ ପୁଅଙ୍କୁ ଦଣ୍ଡ ଦିଆଯାଉ ବୋଲି ଆଇନଜୀବୀମାନେ ଦାବି କରିଛନ୍ତି ।
A petition is filed in Supreme Court seeking direction to the Ministry of Home Affairs & police to register FIR and "punish the ministers" involved in the Lakhimpur Kheri incident during farmers' protest in Uttar Pradesh on October 3. pic.twitter.com/cun0B0AEPD
— ANI (@ANI) October 5, 2021
ଲକ୍ଷ୍ମୀପୁର ଘଟଣାକୁ ନେଇ ରାଜନୈତିକ ସଂଗ୍ରାମ ଜାରି
ଆପଣଙ୍କୁ କହି ରଖୁଛୁ, ଲକ୍ଷ୍ମୀପୁର ଘଟଣାକୁ ନେଇ ସାରା ଦେଶରେ ରାଜନୀତି ଚାଲିଛି । ପୀଡିତାଙ୍କ ପରିବାରକୁ ଭେଟିବାକୁ ସ୍ଥିର କରିଥିବା ବିରୋଧୀ ଦଳର ନେତାମାନଙ୍କୁ ଲକ୍ଷ୍ମୀପୁର ଯିବାକୁ ପ୍ରଶାସନ ଅନୁମତି ଦେଉନାହିଁ । ଏ ସମ୍ପର୍କରେ ଶାସକ ଦଳ ଏବଂ ବିରୋଧୀ ଦଳ ମଧ୍ୟରେ ବାକ୍ ଯୁଦ୍ଧ ଚାଲିଛି । ୟୁପି ପୋଲିସ ପ୍ରଥମେ ପ୍ରିୟଙ୍କା ଗାନ୍ଧୀଙ୍କୁ ଅଟକ ରଖି ପରେ ଗିରଫ କରିଛି । ଲକ୍ଷ୍ଖୀପୁର ଘଟଣା ସମ୍ପର୍କରେ ପଞ୍ଜାବରେ ନବଜୋତ ସିଂ ସିଦ୍ଧୁ ମଧ୍ୟ ବିରୋଧ ପ୍ରଦର୍ଶନ କରିଥିଲେ । ଯଦି ପ୍ରିୟଙ୍କାଙ୍କୁ ମୁକ୍ତ କରା ନ ଯାଏ ତେବେ ସେ ଆସନ୍ତାକାଲି ଲକ୍ଷ୍ମୀପୁର ଯିବେ ବୋଲି ସିଦ୍ଧୁ ଘୋଷଣା କରିଛନ୍ତି ।
Click it and Unblock the Notifications
Sign in with Google