ବଢିଲା ସଞ୍ଜୟ ରାଉତଙ୍କ ଅଡ଼ୁଆ, ସେପ୍ଟେମ୍ବର 19 ପର୍ଯ୍ୟନ୍ତ ନ୍ୟାୟିକ ହେପାଜତରେ ରହିବେ

ମହାରାଷ୍ଟ୍ରର ଶିବସେନା ନେତା ସଞ୍ଜୟ ରାଉତଙ୍କ ଅଡ଼ୁଆ ପୁଣି ବଢିଛି । ବର୍ତ୍ତମାନ ସଞ୍ଜୟ ସେପ୍ଟେମ୍ବର 19 ପର୍ଯ୍ୟନ୍ତ ଜେଲରେ ରହିବେ । ମୁମ୍ବାଇର ଏକ ସ୍ୱତନ୍ତ୍ର କୋର୍ଟ ରାଜ୍ୟସଭା ସାଂସଦ ତଥା ଶିବସେନା ନେତା ସଞ୍ଜୟ ରାଉତଙ୍କ ନ୍ୟାୟିକ ହେପାଜତକୁ ବୃଦ୍ଧି କରିଛନ୍ତି ।

Published: Monday, September 5, 2022, 13:23 [IST]

ମୁମ୍ବାଇ : ମହାରାଷ୍ଟ୍ରର ଶିବସେନା ନେତା ସଞ୍ଜୟ ରାଉତଙ୍କ ଅଡ଼ୁଆ ପୁଣି ବଢିଛି । ବର୍ତ୍ତମାନ ସଞ୍ଜୟ ସେପ୍ଟେମ୍ବର 19 ପର୍ଯ୍ୟନ୍ତ ଜେଲରେ ରହିବେ । ମୁମ୍ବାଇର ଏକ ସ୍ୱତନ୍ତ୍ର କୋର୍ଟ ରାଜ୍ୟସଭା ସାଂସଦ ତଥା ଶିବସେନା ନେତା ସଞ୍ଜୟ ରାଉତଙ୍କ ନ୍ୟାୟିକ ହେପାଜତକୁ ବୃଦ୍ଧି କରିଛନ୍ତି ।

ମନି ଲଣ୍ଡ୍ରିଂ ମାମଲାରେ ଗିରଫ ହୋଇଥିବା ସଞ୍ଜୟ ରାଉତଙ୍କ ନ୍ୟାୟିକ ହେପାଜତ ଅବଧିକୁ ସେପ୍ଚେମ୍ବର 19 ପର୍ଯ୍ୟନ୍ତ ବୃଦ୍ଧି ହୋଇଛି । ପାତ୍ର ଚଲ୍ ମନି ଲଣ୍ଡ୍ରିଂ ମାମଲାରେ ଇଡି ରାଉତଙ୍କୁ ଅଗଷ୍ଟ 1 ତାରିଖରେ ଗିରଫ କରିଥିଲା ।

ସଞ୍ଜୟ ରାଉତ 9 ଦିନ ଧରି ଇଡି ହେପାଜତରେ ଥିଲେ, ପରେ ତାଙ୍କୁ ନ୍ୟାୟିକ ହେପାଜତକୁ ପଠାଯାଇଥିଲା । ପାତ୍ର ଚଲ୍ ମନି ଲଣ୍ଡରିଂ ମାମଲାର ଶୁଣାଣି ଆଜି ସ୍ୱତନ୍ତ୍ର କୋର୍ଟରେ ହୋଇଥିଲା । ଶୁଣାଣି ସମୟରେ ରାଉତଙ୍କ ପରିବାର ସଦସ୍ୟ ଏବଂ ସମର୍ଥକମାନେ ମଧ୍ୟ କୋର୍ଟରେ ଉପସ୍ଥିତ ଥିଲେ । ଏଥି ସହିତ ସଞ୍ଜୟ ରାଉତଙ୍କ ଓକିଲ ସୋମବାର କୋର୍ଟଙ୍କୁ କହିଛନ୍ତି ଯେ ସେ ଏପର୍ଯ୍ୟନ୍ତ ଜାମିନ ଆବେଦନ କରିନାହାଁନ୍ତି ।

ଏଥି ସହିତ ସଞ୍ଜୟ ରାଉତଙ୍କୁ କିଛି ସଂସଦ ଫର୍ମରେ ଦସ୍ତଖତ କରିବାକୁ ଏବଂ ଏହାର ଏକ ନକଲ କୋର୍ଟ ଏବଂ ଇଡି ପ୍ରଦାନ କରିବାକୁ କୋର୍ଟ ଅନୁମତି ଦେଇଛନ୍ତି ।

Published On September 5, 2022