Click it and Unblock the Notifications
MUST READ
-
-
-
-
-
-
ବିମାନରେ ବଢୁଛି ବିଶୃଙ୍ଖଳା, କ୍ୟାବିନ୍ କ୍ରୁ ଙ୍କୁ ଦୁର୍ବବ୍ୟବହାର କରି ଯାତ୍ରୀ ଗିରଫ
ଏୟାର ଇଣ୍ଡିଆରେ ଯାତ୍ରୀଙ୍କ ଦୁର୍ବବ୍ୟବହାର ପରେ ବର୍ତ୍ତମାନ ସ୍ପାଇସ୍ ଜେଟ୍ ବିମାନରେ ଏପରି ଏକ ଖବର ଆସିଛି । ଜଣେ ଯାତ୍ରୀ କ୍ୟାବିନ୍ କ୍ରୁ ଙ୍କ ସହ ଅଶୋଭନୀୟ ଆଚରଣ କରିବା ଅଭିଯୋଗରେ 2 ଜଣ ଯାତ୍ରୀଙ୍କୁ ବିମାନରୁ ଓହ୍ଲାଇ ଦିଆଯାଇଛି ।
ନୂଆଦିଲ୍ଳୀ: ଗତ କିଛି ଦିନ ହେବ ବିମାନରେ ଯାତ୍ରୀଙ୍କ ବିଶୃଙ୍ଖଳା ଖବର ବାରମ୍ବାର ସାମ୍ନାକୁ ଆସୁଛି । ଏୟାର ଇଣ୍ଡିଆରେ ଯାତ୍ରୀଙ୍କ ଦୁର୍ବବ୍ୟବହାର ପରେ ବର୍ତ୍ତମାନ ସ୍ପାଇସ୍ ଜେଟ୍ ବିମାନରେ ଏପରି ଏକ ଖବର ଆସିଛି । ଜଣେ ଯାତ୍ରୀ କ୍ୟାବିନ୍ କ୍ରୁ ଙ୍କ ସହ ଅଶୋଭନୀୟ ଆଚରଣ କରିବା ଅଭିଯୋଗରେ 2 ଜଣ ଯାତ୍ରୀଙ୍କୁ ବିମାନରୁ ଓହ୍ଲାଇ ଦିଆଯାଇଛି ।
ଦିଲ୍ଲୀରୁ ହାଇଦ୍ରାବାଦ୍ ଯାଉଥିବା ସ୍ପାଇସ୍ଜେଟ୍ ବିମାନରେ ମହିଳା କ୍ୟାବିନ୍ କ୍ରୁଙ୍କ ସହ ଜଣେ ଯାତ୍ରୀ ଅସଦାଚାରଣ କରିଥିବା ଅଭିଯୋଗ ହୋଇଛି । ଏହା ପରେ ଯାତ୍ରୀଙ୍କୁ ଗିରଫ କରାଯାଇଛି । ଗିରଫ ଯାତ୍ରୀ ଅବସର ଆଲାମ ବୋଲି ଜଣାପଡ଼ିଛି ।
ମିଳିଥିବା ସୂଚନାନୁଯାୟୀ ବୋର୍ଡିଂ ସମୟରେ ଗତକାଲି ଜଣେ ଯାତ୍ରୀ କ୍ୟାବିନ କର୍ମଚାରୀଙ୍କୁ ହଇରାଣ କରିଥିଲେ ଏବଂ ଖରାପ ବ୍ୟବହାର କରିଥିଲେ । ଫଳରେ କ୍ୟାବିନ ସଦସ୍ୟ ଜଣଙ୍କ କାନ୍ଦି ପକାଇଥିଲେ । ଏହି କାରଣ ପାଇଁ ସମ୍ପୃକ୍ତ ଯାତ୍ରୀ ଏବଂ ତାଙ୍କର ଅନ୍ୟ ଜଣେ ସହଯାତ୍ରୀଙ୍କୁ ବିମାନରୁ ଓହ୍ଲାଇ ଦିଆଯାଇ ସୁରକ୍ଷା ସଂସ୍ଥାକୁ ହସ୍ତାନ୍ତର କରାଯାଇଥିଲା ।
ସେହି ସମୟର ଏକ ଭିଡିଓ ବି ସୋଶାଲ ମିଡିଆରେ ଭାଇରାଲ୍ ହେବାରେ ଲାଗିଛି । ଭିଡିଓରେ ଯାତ୍ରୀ ଜଣକ କ୍ୟାବନ କ୍ରିୟୁଙ୍କ ଉପରେ ବଡ଼ ପାଟିରେ ଚିଲାଉଥିବା ବି ଭିଡିଓରେ ଦେଖିବାକୁ ମିଳିଛି ।
