ଗାଲୱାନ୍ ଭ୍ୟାଲି ବିବାଦକୁ ପୁରିଲା ବର୍ଷେ, ଲେହରେ ଶହୀଦଙ୍କୁ ଶ୍ରଦ୍ଧାଞ୍ଜଳି ଦେଲେ ସେନା
ଗଲୱାନ ସଂଘର୍ଷକୁ ଏକ ବର୍ଷ ପୂର୍ତ୍ତି ଅବସରରେ ଭାରତୀୟ ସେନାର ଫାୟାର ଆଣ୍ଡ ଫ୍ୟୁରି କର୍ପ ଲେହର ଯୁଦ୍ଧ ମେମୋରିଆଲରେ ଶହୀଦମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।
ଲେହ : ପୂର୍ବ ଲଦାଖରେ ଅବସ୍ଥିତ ଗଲୱାନ୍ ଉପତ୍ୟକାରେ ଭାରତ ଏବଂ ଚୀନ୍ ସୈନ୍ୟବାହିନୀ ମଧ୍ୟରେ ହୋଇଥିବା ସଂଘର୍ଷକୁ ଆଜି ଏକ ବର୍ଷ ପୁରିଛି । ଗଲୱାନ ସଂଘର୍ଷକୁ ଏକ ବର୍ଷ ପୂର୍ତ୍ତି ଅବସରରେ ଭାରତୀୟ ସେନାର ଫାୟାର ଆଣ୍ଡ ଫ୍ୟୁରି କର୍ପ ଲେହର ଯୁଦ୍ଧ ମେମୋରିଆଲରେ ଶହୀଦମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଏହି ସଂଘର୍ଷରେ ଭାରତୀୟ ସେନାର 20 ସୈନିକ ସହିଦ ହୋଇଥିଲେ । ଯାହା ପରେ ଦୁଇ ଦେଶ ମଧ୍ୟରେ ପ୍ରବଳ ତିକ୍ତତା ଦେଖାଦେଇଥିଲା ।
ପ୍ରତିରକ୍ଷା ଲୋକସମ୍ପର୍କ ୟୁନିଟ୍ (PRO), ଶ୍ରୀନଗର ସୂଚନା ଦେଇଛନ୍ତି ଯେ ପୂର୍ବ ଲଦାଖର ଗଲୱାନ୍ ଉପତ୍ୟକାରେ ଭାରତୀୟ ଏବଂ ଚୀନ୍ ସୈନ୍ୟବାହିନୀ ମଧ୍ୟରେ ହୋଇଥିବା ସଂଘର୍ଷର ପ୍ରଥମ ବାର୍ଷିକୀରେ ଫାୟାର ଏବଂ ଫ୍ୟୁରି କର୍ପସ ଶହୀଦମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛି । ଫାୟାର ଏବଂ ଫ୍ୟୁରି କର୍ପସ ମେଜର ଜେନେରାଲ ଅକ୍ଷୟ କୌଶିକ 15 ଜୁନ୍ ମଙ୍ଗଳବାର ଦିନ ଲେହର ଯୁଦ୍ଧ ମେମୋରିଆଲରେ ପୁଷ୍ପମାଲ୍ୟ ଅର୍ପଣ କରି ଗଲୱାନ ସହିଦମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।
ଏ ବାବଦରେ ଜାରି ବିବୃତ୍ତିରେ କୁହାଯାଇଛି ଯେ ଅଦ୍ୟାବଧି ଚୀନ୍ ଆକ୍ରୋଶର ସମ୍ମୁଖୀନ ହୋଇ 20 ଜଣ ଭାରତୀୟ ସୈନିକ ଆମ ଦେଶକୁ ରକ୍ଷା କରିବା ପାଇଁ ପ୍ରାଣ ହରାଇଥିଲେ । ଏହି ଉଚ୍ଚ ସାହସୀ ସୈନିକମାନଙ୍କ ନିକଟରେ ଜେଶ ଚିରଦିନ ପାଇଁ କୃତଜ୍ଞ ରହିବ । ଗଲୱାନ ଉପତ୍ୟକାରେ ହୋଇଥିବା ଏହି ହିଂସାତ୍ମକ ସଂଘର୍ଷ ପରେ ଭାରତ ଏବଂ ଚୀନ୍ ମଧ୍ୟରେ ତିକ୍ତତା ଶିଖରରେ ପହଞ୍ଚି ସଶସ୍ତ୍ର ସଂଘର୍ଷରେ ପରିଣତ ହୋଇଥିଲା ।
Click it and Unblock the Notifications
Sign in with Google