ଖାଲି ଜୀବନ ନୁହେଁ ଚାକିରୀ ବି ନେଲା କରୋନା : ବେକାରୀ ହେଲେ 1 କୋଟି ଭାରତୀୟ !
ସାରା ବିଶ୍ୱକୁ କବଳିତ କରିଛି କରୋନା ମହାମାରୀ । କରୋନାର ଦ୍ୱିତୀୟ ଲହର ସିଧାସଳଖ ଲୋକଙ୍କ ରୋଜଗାର ଉପରେ ପ୍ରଭାବ ପକାଇଛି । ଦ୍ୱିତୀୟ ଲହର ଯୋଗୁଁ ଦେଶରେ ଏକ କୋଟିରୁ ଅଧିକ ଲୋକ ଚାକିରୀ ହରାଇଛନ୍ତି ।
ନୂଆଦିଲ୍ଲୀ : ସାରା ବିଶ୍ୱକୁ କବଳିତ କରିଛି କରୋନା ମହାମାରୀ । କରୋନାର ଦ୍ୱିତୀୟ ଲହର ସିଧାସଳଖ ଲୋକଙ୍କ ରୋଜଗାର ଉପରେ ପ୍ରଭାବ ପକାଇଛି । ଦ୍ୱିତୀୟ ଲହର ଯୋଗୁଁ ଦେଶରେ ଏକ କୋଟିରୁ ଅଧିକ ଲୋକ ଚାକିରୀ ହରାଇଛନ୍ତି । ଗତ ବର୍ଷ ମହାମାରୀ ଆରମ୍ଭଠୁ ନେଇ ଏପର୍ଯ୍ୟନ୍ତ 97 ପ୍ରତିଶତ ପରିବାରର ଆୟରେ ହ୍ରାସ ହୋଇଛି । ଏନେଇ ସେଣ୍ଟର ଫର ମନିଟରିଂ ଇଣ୍ଡିଆନ ଇକୋନୋମି(ସିଏମଆଇଇ)ର ମୁଖ୍ୟ କାର୍ଯ୍ୟକାରୀ ଅଧିକାରୀ ମହେଶ ବ୍ୟାସ ସୂଚନା ଦେଇଛନ୍ତି ।
ସେ କହିଛନ୍ତି ଯେ, ମେ ମାସରେ ପ୍ରାୟ ଏକ କୋଟି ଭାରତୀୟଙ୍କୁ ଚାକିରୀ ହରାଇବାକୁ ପଡିଛି । ଆଉ ରୋଜଗାର ହରାଇବାର କାରଣ ହେଉଛି କୋଭିଡ୍-19ର ଦ୍ୱିତୀୟ ଲହର । ଏଥିସହିତ ସଂକ୍ରମଣର ଏବଂ କଟକଣା କମିଲେ ଅର୍ଥ ବ୍ୟବସ୍ଥାରେ ଆସ୍ତେ ଆସ୍ତେ ଉନ୍ନତି ହେବା ସହ କିଛି ମାତ୍ରାରେ ଲୋକଙ୍କ ସମସ୍ୟାର ସମାଧାନ ହୋଇପାରିବ । ଯେଉଁ ଲୋକ ରୋଜଗାର ହରାଇଛନ୍ତି ସେମାନଙ୍କୁ ନୂତନ ରୋଜଗାର ମିଳିବା ବହୁତ କଷ୍ଟ ।
ସୂଚନା ଅନୁସାରେ, ଗତ ବର୍ଷ କରୋନା ନିୟନ୍ତ୍ରଣ ପାଇଁ ଦେଶବ୍ୟାପୀ ଲାଗୁ ଲକଡାଉନ କାରଣରୁ ରୋଜଗାର ହାର 23.5 ପ୍ରତିଶତ ପହଞ୍ଚିଥିଲା । ଦ୍ୱିତୀୟ ଲହର ଶିଖରରେ ପହଞ୍ଚିଥିବାବେଳେ ରାଜ୍ୟଗୁଡିକରେ କଟକଣା ଧିରେ ଧିରେ ହଟିବାରେ ଲାଗିଛି । ଏହା ସହିତ ଆର୍ଥିକ ଗତିବିଧି ଆରମ୍ଭ ହେବାରେ ଲାଗିଛି ବୋଲି ଅନେକ ବିଶେଷଜ୍ଞ ମତ ରଖିଛନ୍ତି ।
Click it and Unblock the Notifications
Sign in with Google