ଭାରତରେ ଆସିବ ଓମିକ୍ରନର ଲହର, ଦୈନିକ କେତେ ରହିବ ମାମଲା ? ତଥ୍ୟ ରଖିଲେ ଆଇଆଇଟି ବୈଜ୍ଞାନିକ
ଆଇଆଇଟି କାନପୁର ଏବଂ ହାଇଦ୍ରାବାଦର ବୈଜ୍ଞାନିକମାନେ ଭାରତର ଓମିକ୍ରନ୍ରୁ ସଂକ୍ରମଣର ଲହରର ଶିଖରରେ ପହଞ୍ଚିବା ଏବଂ ତା'ପରେ ଏହାର ନିୟନ୍ତ୍ରଣକୁ ଆସିବା ଉପରେ ଏକ ଅନୁସନ୍ଧାନ କରିଛନ୍ତି ।
ନୂଆଦିଲ୍ଲୀ : ଭାରତରେ କରୋନା ଭାଇରସର ଓମିକ୍ରନ୍ ଭାରିଆଣ୍ଟ ସଂକ୍ରମିତ ରୋଗୀଙ୍କ ସଂଖ୍ୟା ଏପର୍ଯ୍ୟନ୍ତ 213 ରେ ପହଞ୍ଚିଛି । ଦିନକୁ ଦିନ ମାମଲା ବୃଦ୍ଧି ପାଉଛି ଏବଂ ମହାରାଷ୍ଟ୍ର, ଦିଲ୍ଲୀରେ ସର୍ବାଧିକ ମାମଲା ରହିଛି । ଦକ୍ଷିଣ ଆଫ୍ରିକାରେ ଆତଙ୍କ ସୃଷ୍ଟି କରିବା ପରେ ଏହି ଭାରିଆଣ୍ଟ ବ୍ରିଟେନ ଏବଂ ଆମେରିକାକୁ ଭୟଭୀତ କରିବା ଆରମ୍ଭ କରିଛି । ପ୍ରତିଦିନ ବହୁ ସଂଖ୍ୟକ ଲୋକ ଏହି ନୂତନ ଭାରିଆଣ୍ଟର ସଂକ୍ରମିତ ହେଉଛନ୍ତି । ଏହା ଉପରେ ଅନେକ ଗବେଷଣା ହୋଇଛି ଯେ ଏହା ଡେଲଟା ଭାରିଆଣ୍ଟ ଅପେକ୍ଷା ଅତି କମରେ ତିନି ଗୁଣ ଦ୍ରୁତ ଗତିରେ ବ୍ୟାପିଛି । ତେଣୁ ଭାରତରେ ପୁଣି ଥରେ ସତର୍କତା ଉପରେ ଧ୍ୟାନ ଦିଆଯାଉଛି ଏବଂ ପ୍ରତ୍ୟେକ ପରିସ୍ଥିତି ଅନୁଯାୟୀ ନିଜକୁ ସତର୍କ ରହିବାକୁ କେନ୍ଦ୍ର ସରକାର କହିଛନ୍ତି । ଏହି ସମୟରେ, ଆଇଆଇଟି କାନପୁର ଏବଂ ହାଇଦ୍ରାବାଦର ବୈଜ୍ଞାନିକମାନେ ଭାରତର ଓମିକ୍ରନ୍ରୁ ସଂକ୍ରମଣର ଲହରର ଶିଖରରେ ପହଞ୍ଚିବା ଏବଂ ତା'ପରେ ଏହାର ନିୟନ୍ତ୍ରଣକୁ ଆସିବା ଉପରେ ଏକ ଅନୁସନ୍ଧାନ କରିଛନ୍ତି, ଯାହା ଅନୁଯାୟୀ ଭାରତରେ ଓମିକ୍ରନ୍ର ସଂକ୍ରମଣ 2022 ମସିହା ଫେବୃଆରୀରେ ପହଞ୍ଚିପାରେବୋଲି କୁହାଯାଉଛି ।
କୋନା ଓମିକ୍ରନ୍ ଭାରିଆଣ୍ଟ ପ୍ରଥମେ ଦକ୍ଷିଣ ଆଫ୍ରିକାରେ ଚିହ୍ନଟ ହୋଇଥିଲା, ଯେଉଁଠାରେ 15 ଡିସେମ୍ବରରେ ଦୈନିକ ମାମଲା ପ୍ରାୟ 23,000 ରେ ପହଞ୍ଚିଥିଲା । କିନ୍ତୁ, ବର୍ତ୍ତମାନ ଏହା 20,000 ତଳକୁ ଖସି ଆସିଛି । ଏହି ଭରିଆଣ୍ଟ ଯୋଗୁଁ ମୃତ୍ୟୁ ଏବେ ବି ଦୁଇ ଅଙ୍କରେ ଅଛି, କିନ୍ତୁ ଏହା କ୍ରମାଗତ ଭାବେ ବୃଦ୍ଧି ପାଉଛି । ଦୁଇ ଆଇଆଇଟି ପ୍ରଫେସର ଏହି ଆଧାରରେ ସେମାନଙ୍କର ଆକଳନ ଜଣାଇଛନ୍ତି । ଯେଉଁଥିରେ ଗୁରୁତ୍ୱପୂର୍ଣ୍ଣ ବିଷୟ ହେଉଛି ଯେ ଭାରତ ଚିନ୍ତା ନକରି ସତର୍କ ରହିବା ଆବଶ୍ୟକ । ତଥାପି, ଏହି ଭାରିଆଣ୍ଟ ବିଷୟରେ ଏହା ଏପର୍ଯ୍ୟନ୍ତ ସମ୍ପୂର୍ଣ୍ଣ ରୂପେ ସ୍ପଷ୍ଟ ହୋଇନାହିଁ ଯେ ଏହା ଟୀକାକରଣରୁ ଉତ୍ପନ୍ନ ପ୍ରାକୃତିକ ପ୍ରତିରୋଧକ ଶକ୍ତିକୁ କେତେ ପରିମାଣରେ ମାତ୍ ଦେଇପାରେ ।
ଆଇଆଇଟି ହାଇଦ୍ରାବାଦ ପ୍ରଫେସର ଏମ ବିଦ୍ୟାସାଗର ଏବଂ ଆଇଆଇଟି କାନପୁରର ମଣିନ୍ଦ୍ର ଅଗ୍ରୱାଲ ଏବଂ ପାଣ୍ଡେମିକ୍ ଟ୍ରାଜେକ୍ଟୋରୀ ଟ୍ରାକିଂ ସୂତ୍ର ମଡେଲର ସହ-ପ୍ରତିଷ୍ଠାତା ଇଣ୍ଡିଆ ଟୁଡେକୁ କହିଛନ୍ତି ଯେ ଭାରତରେ ଓମିକ୍ରନ୍ ଭାରିଆଣ୍ଟ କାରଣରୁ COVID ସଂକ୍ରମଣର ଦୈନିକ ମାମଲା 1.5 ଲକ୍ଷରୁ 1.8 ଲକ୍ଷରେ ପହଞ୍ଚିପାରେ । ଏହି ଆକଳନ ସବୁଠାରୁ 'ଖରାପ ସ୍ଥିତି' ଆଧାରରେ କରାଯାଇଛି । ଉଭୟ ଟିକା କିମ୍ବା ପ୍ରାକୃତିକ ରୂପରେ ଅର୍ଜନ ହୋଇଥିବା ପ୍ରତିରକ୍ଷା ପ୍ରତିରୋଧ ଶକ୍ତିକୁ ଏହା ମାତ୍ ଦେଲେ ଏପରି ପରିସ୍ଥିତି ହୋଇପାରେ ବୋଲି ଆକଳନ କରାଯାଇଛି ।
କେବଳ ଏତିକି ନୁହେଁ, ସେମାନେ ମଧ୍ୟ ପୂର୍ବାନୁମାନ କରିଛନ୍ତି ଯେ ହସ୍ପିଟାଲରେ ଭର୍ତ୍ତି ହେବା କମିବ ଏବଂ ସଂକ୍ରମଣର ଶିଖରରେ ପହଞ୍ଚିବା ପରେ ଏହା ମଧ୍ୟ ଦ୍ରୁତଗତିରେ ହ୍ରାସ ପାଇବ । ଏହି ବୈଜ୍ଞାନିକମାନେ ଏହା ମଧ୍ୟ କହିଛନ୍ତି ଯେ କରୋନାର ଏହି ଲହର ଦ୍ୱିତୀୟ ଲହର ଅପେକ୍ଷା କମ୍ ବିପଜ୍ଜନକ ହେବ ବୋଲି ଆଶା କରାଯାଉଛି ।
Click it and Unblock the Notifications
Sign in with Google