କର୍ଣ୍ଣାଟକରେ ମାମଲାରେ ମଲାଲାଙ୍କ ପ୍ରତିକ୍ରିୟା - ‘ହିଜାବ ପିନ୍ଧିଥିବା ଝିଅମାନଙ୍କୁ କଲେଜରେ ପ୍ରବେଶ ନକରାଇବା ନିଷ୍ପତ୍ତି ଭୟାବହ'
ଏହିପରି ହିଜାବ୍ କିମ୍ବା ଅଧ୍ୟୟନ ମଧ୍ୟରୁ ଗୋଟିଏ ବାଛିବାକୁ କୁହାଯିବା ଭୟଙ୍କର ଅଟେ । ଏହା ଉପରେ ଭାରତ ସରକାର ଏବଂ ରାଜନେତାଙ୍କ ହସ୍ତକ୍ଷେପ ଦାବି କରିଛନ୍ତି ମଲାଲା ।
ନୂଆଦିଲ୍ଲୀ : କର୍ଣ୍ଣାଟକର ବିଭିନ୍ନ ବିଦ୍ୟାଳୟ ଓ ମହାବିଦ୍ୟାଳୟରେ ହିଜାବ ପିନ୍ଧିଥିବା ଛାତ୍ରୀଙ୍କୁ ପ୍ରବେଶ ନ କରାଇବା ନେଇ ନୋବେଲ ଶାନ୍ତି ପୁରସ୍କାର ବିଜେତା ମଲାଲା ୟୁସୁଫଜାଇ ଉଦବେଗ ପ୍ରକାଶ କରିଛନ୍ତି । ସେ ଏହି ବିଷୟରେ ଟ୍ୱିଟ୍ କରି କହିଛନ୍ତି ଯେ ଏହିପରି ହିଜାବ୍ କିମ୍ବା ଅଧ୍ୟୟନ ମଧ୍ୟରୁ ଗୋଟିଏ ବାଛିବାକୁ କୁହାଯିବା ଭୟଙ୍କର ଅଟେ । ଏହା ଉପରେ ଭାରତ ସରକାର ଏବଂ ରାଜନେତାଙ୍କ ହସ୍ତକ୍ଷେପ ଦାବି କରିଛନ୍ତି ମଲାଲା ।
ଟ୍ୱିଟରରେ କର୍ଣ୍ଣାଟକ ହିଜାବ ବିବାଦ ସହ ଜଡିତ ଏକ ଷ୍ଟୋରୀ ସେୟାର କରି ମଲାଲା ଲେଖିଛନ୍ତି - "ଛାତ୍ରୀମାନେ କହୁଛନ୍ତି ଯେ କଲେଜ ଆମକୁ ଅଧ୍ୟୟନ ଏବଂ ହିଜାବ ମଧ୍ୟରେ ଗୋଟିଏ ବାଛିବାକୁ ବାଧ୍ୟ କରୁଛି । ଝିଅମାନଙ୍କୁ ହିଜାବ ପିନ୍ଧି ସ୍କୁଲ ଯିବାକୁ ବାରଣ କରାଯିବା ଆଶ୍ଚର୍ଯ୍ୟଜନକ ଅଟେ । ମହିଳାମାନଙ୍କୁ ପୋଷାକକୁ ନେଇ ଅନେକ ସମୟରେ ଅସୁବିଧାର ସମ୍ମୁଖୀନ ହେବାକୁ ପଡେ । ଭାରତର ନେତାମାନେ ମୁସଲମାନ ମହିଳାଙ୍କ ମାର୍ଜିତତାକୁ ରୋକିବା ପାଇଁ ଆଗକୁ ଆସିବା ଉଚିତ୍ ।"
“College is forcing us to choose between studies and the hijab”.
Refusing to let girls go to school in their hijabs is horrifying. Objectification of women persists — for wearing less or more. Indian leaders must stop the marginalisation of Muslim women. https://t.co/UGfuLWAR8I
— Malala (@Malala) February 8, 2022
ଆପଣଙ୍କୁ କହି ରଖୁଛୁ 25 ବର୍ଷୀୟ ମଲାଲା ୟୁସୁଫଜାଇ ପାକିସ୍ତାନର ସ୍ୱାତର ନିବାସୀ । ବାଳିକା ଶିକ୍ଷା ପାଇଁ ଲେଖିଥିବାରୁ ତାଙ୍କୁ 2012 ରେ ତାଲିବାନ ଯୋଦ୍ଧାମାନେ ଗୁଳି ମାରିଥିଲେ । ଏହା ପରେ ସେ ଇଂଲଣ୍ଡରେ ରହୁଛନ୍ତି ।
କର୍ଣ୍ଣାଟକର ଉଡ୍ଡୁପି ଏବଂ ଅନ୍ୟାନ୍ୟ ସହରରେ ଛାତ୍ରୀମାନଙ୍କୁ ହିଜାବ ପିନ୍ଧି କ୍ଲାସରେ ଯୋଗଦେବାକୁ ବାରଣ କରାଯାଇଛି । ଯାହା ପରେ ଛାତ୍ରୀମାନେ ଅନେକ ସ୍ଥାନରେ ପ୍ରଦର୍ଶନ କରିଛନ୍ତି । ଏହାପରେ କେତେକ ଛାତ୍ର ଗେରୁଆ ଗାମୁଛା ପକାଇ ଜୟ ଶ୍ରୀ ରାମ ନାରା ଲଗାଇ ହିଜାବ ପିନ୍ଧିଥିବା ଛାତ୍ରୀଙ୍କୁ ଘେରି ରହିଥିବାର ଭିଡ଼ିଓ ମଧ୍ୟ ସାମ୍ନାକୁ ଆସିଛି । ଯେଉଁ କାରଣରୁ ଏହି ପ୍ରସଙ୍ଗ କେବଳ କର୍ଣ୍ଣାଟକରେ ନୁହେଁ ସମଗ୍ର ଦେଶରେ ଆଲୋଚନା ହେଉଛି । ବିଶେଷକରି ମଙ୍ଗଳବାର ଦିନ ଜଣେ ଛାତ୍ରୀଙ୍କ ଭିଡିଓ ସାମ୍ନାକୁ ଆସିଛି ।
ଉଡ୍ଡୁପିର ଜଣେ ଛାତ୍ରୀ ରେଶମା ମଧ୍ୟ ଏହି ପ୍ରସଙ୍ଗରେ କର୍ଣ୍ଣାଟକ ହାଇକୋର୍ଟରେ ଆବେଦନ କରିଛନ୍ତି । ଏହି ଆବେଦନରେ ସେ ହିଜାବ ପିନ୍ଧି କ୍ଲାସକୁ ଯିବାକୁ ଅନୁମତି ମାଗିଛନ୍ତି । କୋର୍ଟ ଏହାର ଶୁଣାଣି କରୁଛନ୍ତି । ମଙ୍ଗଳବାର ଦିନ ଏହି ଶୁଣାଣି ହଇଥିଲା, ବୁଧବାର ଦିନ କୋର୍ଟ ପୁଣି ଶୁଣାଣି କରିବେ ।
Click it and Unblock the Notifications
Sign in with Google