ବିମାନରେ ମିଲିଲାନି ବୋମା, ଯାଞ୍ଚ ପରେ ଉଡ଼ାଣ ଭରିଲା ବିମାନ
ବିମାନରେ ବୋମା କିମ୍ବା ଅନ୍ୟ କିଛି ସନ୍ଦେହଜନକ ଜିନିଷ ମିଳି ନଥିବା ସ୍ପଷ୍ଟ ହୋଇଛି । ଏହା ପରେ ବିମାନକୁ ସକାଳ 10.30 ମିନିଟରେ ଉଡ଼ାଣ ଭରିବାକୁ ଅନୁମତି ମିଳିଛି ।
ଅହମ୍ମଦାବାଦ: ମସ୍କୋରୁ ଗୋଆ ଅଭିମୁଖେ ଉଡ଼ାଣ ଭରିଥିବା ବିମାନରେ ବୋମା ଥିବା ନେଇ ସୂଚନା ମିଳିବା ପରେ ଜରୁରୀ ଅବତରଣ କରାଯାଇ ଏହାକୁ ଯାଞ୍ଚ କରାଯାଇଛି । ଯାଞ୍ଚ ପରେ ବିମାନରେ ବୋମା କିମ୍ବା ଅନ୍ୟ କିଛି ସନ୍ଦେହଜନକ ଜିନିଷ ମିଳି ନଥିବା ସ୍ପଷ୍ଟ ହୋଇଛି । ଏହା ପରେ ବିମାନକୁ ସକାଳ 10.30 ମିନିଟରେ ଉଡ଼ାଣ ଭରିବାକୁ ଅନୁମତି ମିଳିଛି ।
ଆପଣଙ୍କୁ କହି ରଖୁଛୁ ମସ୍କୋରୁ ଗୋଆ ଆସୁଥିବା ବିମାନରେ ବୋମା ଥିବା ନେଇ ଇ-ମେଲ ଯୋଗେ ସୂଚନା ମିଳିବା ପରେ ଏଟିଏସ୍ ଏହାର ଜରୁରୀ ଅବତରଣ କରାଇଥିଲା । ବିମାନରୁ ଗୁଜୁରାଟର ଜାମନଗର ବିମାନ ବନ୍ଦରରେ ଅବତରଣ କରାଇ ସମସ୍ତ ଯାତ୍ରୀ ଓ କ୍ରୁ ସଦସ୍ୟଙ୍କୁ ସୁରକ୍ଷିତ ଭାବେ ବାହାର କରିଥିଲା । ଏହା ପରେ ସମ୍ପୂର୍ଣ୍ଣ ବିମାନ ସହ ପ୍ରତ୍ୟେକ ଯାତ୍ରୀଙ୍କ ବ୍ୟାଗ୍ ଯାଞ୍ଚ କରାଯାଇଥିଲା । ଏହା ପରେ ସେଠାରେ କୌଣସି ବୋମା କିମ୍ବା ସନ୍ଦେହଜନକ ଜିନିଷ ନଥିବା ସ୍ପଷ୍ଟ ହୋଇଥିଲା ।
'ବିମାନରେ ସର୍ଚ୍ଚ ଅପରେସନ୍ ଶେଷ ହୋଇଛି । ପ୍ରତ୍ୟେକ ଯାତ୍ରୀଙ୍କ ବ୍ୟାଗ ଯାଞ୍ଚ କରାଯିବା ସହ ବିମାନର ପ୍ରତ୍ୟେକ ସ୍ଥାନକୁ ଭଲଭାବେ ଖୋଜାଖୋଜି କରାଯାଇଥିଲା । ବିମାନଟି ବହୁତ ବଡ ଥିବାରୁ ଖୋଜିବା ରାତିସାରା ସର୍ଚ୍ଚ ଅପରେସନ୍ କରାଯାଇଥିଲା । ସମସ୍ତ ପ୍ରୋଟୋକଲ୍ ପରେ ବିମାନ ଉଡ଼ାଣ ଭରିବ ବୋଲି କହିଛନ୍ତି ଜାମନଗର ବିମାନବନ୍ଦରର ନିର୍ଦ୍ଦେଶକ ।