PFI ଉପରେ NIA ର ଦୃଢ କାର୍ଯ୍ୟାନୁଷ୍ଠାନ, ବିହାର-ୟୁପି ସମେତ 17 ଟି ସ୍ଥାନରେ ଏକକାଳୀନ ଚଢାଉ

Updated: Tuesday, April 25, 2023, 14:30 [IST]

ନୂଆଦିଲ୍ଲୀ : ଭାରତରେ ନିଷିଦ୍ଧ ସଂଗଠନ ପପୁଲାର୍ ଫ୍ରଣ୍ଟ ଅଫ୍ ଇଣ୍ଡିଆ (PFI) ଉପରେ ପୁଣିଥରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିଛି NIA । ଉତ୍ତରପ୍ରଦେଶ, ମଧ୍ୟପ୍ରଦେଶ ଏବଂ ବିହାର ସମେତ ଅନେକ ରାଜ୍ୟରେ PFI ର 17 ଟି ସ୍ଥାନ ଉପରେ NIA ଏକକାଳୀନ ଚଢାଉ କରିଛି ।

ସୂଚନା ଅନୁଯାୟୀ, ବିହାରରେ ସର୍ବାଧିକ 12 ଟି ସ୍ଥାନ ଉପରେ ଏନଆଇଏ ଚଢାଉ କରିଛି । ନିଷିଦ୍ଧ ସଂଗଠନ ପପୁଲାର ଫ୍ରଣ୍ଟ ଅଫ୍ ଇଣ୍ଡିଆ ସଂପର୍କରେ ଏନଆଇଏ ଦରଭଙଅଗା ସହରର ଉର୍ଦ୍ଦୁ ବଜାରର ଦନ୍ତ ଚିକିତ୍ସକ ଡ଼ ସାରିକ ରଜା ଏବଂ ସିଂହୱାରା ପୋଲିସ ଷ୍ଟେସନ ଅନ୍ତର୍ଗତ ଶଙ୍କରପୁର ଗାଁର ବାସିନ୍ଦା ମେହବୁବଙ୍କ ଉପରେ NIA ଚଢାଉ କରିଛି ।

କେନ୍ଦ୍ର ଗୃହ ମନ୍ତ୍ରଣାଳୟ ଗତ ବର୍ଷ ସେପ୍ଟେମ୍ବରରେ ପପୁଲାର ଫ୍ରଣ୍ଟ ଅଫ୍ ଇଣ୍ଡିଆ (ପିଏଫ୍ଆଇ) ଏବଂ ଏହାର ସହଯୋଗୀମାନଙ୍କୁ 'ବେଆଇନ୍ ସଙ୍ଗଠନ' ଭାବରେ ଘୋଷଣା କରିଥିଲା। କିନ୍ତୁ ଗୁଇନ୍ଦା ସଂସ୍ଥା ରିପୋର୍ଟ ଗ୍ରହଣ କରିଛି ଯେ PFI ପୁଣି ଥରେ ଏହାର ସକ୍ରିୟତା ବୃଦ୍ଧି କରିଛି ।

ଏନଆଇଏ ଅନୁସନ୍ଧାନରୁ ଜଣାପଡିଛି ଯେ ପିଏଫଆଇ ଉପରେ ନିଷେଧାଦେଶ ସତ୍ତ୍ୱେ ସଂଗଠନର ନେତା ତଥା କାର୍ଯ୍ୟକର୍ତ୍ତାମାନେ ହିଂସାବାଦୀ ଉଗ୍ରବାଦୀତାର ଆଦର୍ଶ ପ୍ରଚାର କରିବାରେ ଲାଗିଛନ୍ତି ଏବଂ ଅପରାଧ କରିବା ପାଇଁ ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ବ୍ୟବସ୍ଥା ମଧ୍ୟ କରୁଛନ୍ତି ।

ମହାରାଷ୍ଟ୍ରର ପୁଣେରେ ଏକ ସ୍କୁଲ କୋଠାର ଦୁଇ ମହଲା କୋଠା ଉପରେ ଚଢାଉ କରିବାର କିଛି ଦିନ ପରେ ଏନଆଇଏ କାର୍ଯ୍ୟାନୁଷ୍ଠାନ ହୋଇଛି । ଏଠାରେ ମୁସଲମାନ ଯୁବକମାନଙ୍କୁ କଟ୍ଟରପନ୍ଥୀ ପାଇଁ ଉତ୍ସାହିତ କରିବା ତଥା ନିର୍ଦ୍ଦିଷ୍ଟ ସମ୍ପ୍ରଦାୟର ନେତା ତଥା ସଂଗଠନକୁ ଟାର୍ଗେଟ କରିବା ପାଇଁ ପିଏଫଆଇ କ୍ୟାମ୍ପ ଚଳାଇ ଶିକ୍ଷା ଦେଉଥିଲା ।

କଣ ଏହି PFI ?

ପପୁଲାର ଫ୍ରଣ୍ଟ ଅଫ୍ ଇଣ୍ଡିଆ ଅର୍ଥାତ୍ PFI 17 ଫେବୃଆରୀ 2007 ରେ ଗଠିତ ହୋଇଥିଲା । ଦକ୍ଷିଣ ଭାରତର ତିନୋଟି ମୁସଲମାନ ସଂଗଠନ ମିଶ୍ରଣ କରି ଏହି ସଂଗଠନ ଗଠନ କରାଯାଇଥିଲା । ଏଥିମଧ୍ୟରେ କେରଳର ନ୍ୟାସନାଲ ଡେମୋକ୍ରାଟିକ୍ ଫ୍ରଣ୍ଟ, କର୍ଣ୍ଣାଟକ ଫୋରମ୍ ଫର୍ ଡିଗ୍ନିଟି ଏବଂ ତାମିଲନାଡୁର ମଣିଥା ନୀତି ପସରାଇ ସାମିଲ ହୋଇଥିଲା । ନିଷେଧାଦେଶ ପୂର୍ବରୁ PFI ଦାବି କରିଥିଲା ଯେ ଏହି ସଂଗଠନ ଦେଶର 23 ଟି ରାଜ୍ୟରେ ସକ୍ରିୟ ଅଛି । ଷ୍ଟୁଡେଣ୍ଟସ୍ ଇସଲାମିକ୍ ମୁଭମେଣ୍ଟ ଅର୍ଥାତ୍ SIMI ଉପରେ ନିଷେଧାଦେଶ ପରେ, PFI ଦ୍ରୁତ ଗତିରେ ବୃଦ୍ଧି ପାଇଲା । କର୍ଣ୍ଣାଟକ, କେରଳ ପରି ଦକ୍ଷିଣ ଭାରତୀୟ ରାଜ୍ୟରେ ଏହି ସଂଗଠନର ଅନେକ ସ୍ଥାନ ରହିଛି ବୋଲି କୁହାଯାଉଛି । ଏହାର ଅନେକ ଶାଖା ମଧ୍ୟ ଅଛି । ଏହାର ଗଠନ ପରଠାରୁ PFI ସାମାଜିକ ବିରୋଧୀ ତଥା ଜାତୀୟ ବିରୋଧୀ କାର୍ଯ୍ୟକଳାପ ଅଭିଯୋଗର ସମ୍ମୁଖୀନ ହୋଇଛି ।