ନିର୍ବାଚନ ପରବର୍ତ୍ତୀ ହିଂସା ଯାଞ୍ଚ ପାଇଁ ଯାଦବପୁର ଯାଇଥିବା NHRC ଦଳ ଉପରେ ଆକ୍ରମଣ

ପଶ୍ଚିମବଙ୍ଗ ବିଧାନସଭା ନିର୍ବାଚନ ଫଳାଫଳ ପରେ ରାଜ୍ୟର ଅନେକ ସ୍ଥାନରେ ହିଂସା ହୋଇଥିଲା । ଏହାର ଅନୁସନ୍ଧାନ ପାଇଁ ଯାଦବପୁର ଯାଇଥିବା ଜାତୀୟ ମାନବ ଅଧିକାର ଆୟୋଗ (NHRC) ଦଳ ଆକ୍ରମଣର ଶିକାର ହୋଇଛନ୍ତି ।

Published: Tuesday, June 29, 2021, 20:13 [IST]

କୋଲକାତା : ପଶ୍ଚିମବଙ୍ଗ ବିଧାନସଭା ନିର୍ବାଚନ ଫଳାଫଳ ପରେ ରାଜ୍ୟର ଅନେକ ସ୍ଥାନରେ ହିଂସା ହୋଇଥିଲା । ଏହାର ଅନୁସନ୍ଧାନ ପାଇଁ ଯାଦବପୁର ଯାଇଥିବା ଜାତୀୟ ମାନବ ଅଧିକାର ଆୟୋଗ (NHRC) ଦଳ ଆକ୍ରମଣର ଶିକାର ହୋଇଛନ୍ତି । ଏହି ସମୟରେ ଆକ୍ରମଣକାରୀମାନେ ଦଳକୁ ତଦନ୍ତରୁ ନିବୃତ୍ତ ହେବା ଏବଂ ଫେରିଯିବା ପାଇଁ ସ୍ଲୋଗାନ ମଧ୍ୟ ଦେଇଥିଲେ ।

ଆୟୋଗର ଜଣେ ଅଧିକାରୀ କହିଛନ୍ତି, 'ଅନୁସନ୍ଧାନ ବେଳେ ଏହା ସାମ୍ନାକୁ ଆସିଛି ଯେ ନିର୍ବାଚନ ପରବର୍ତ୍ତୀ ହିଂସାରେ 40 ରୁ ଅଧିକ ଘର ନଷ୍ଟ କରାଯାଇଥିଲା । ଆମକୁ ମଧ୍ୟ ଏଠାରେ ଗୁଣ୍ଡାଙ୍କର ଆକ୍ରମଣର ସାମ୍ନା କରିବାକୁ ପଡିଛି ।' ଏହି ସମୟରେ ରାଜ୍ୟସଭା ସାଂସଦ ସ୍ୱପନ୍ ଦାସ ଗୁପ୍ତା NHRC ସଦସ୍ୟ ରାଜୀବ ଜୈନଙ୍କୁ ଚିଠି ଲେଖି ବଙ୍ଗଳା ହିଂସାକୁ ନେଇ ଉଦବେଗ ପ୍ରକାଶ କରିଥିଲେ ।

West Bengal: National Human Rights Commission (NHRC) team that visited Jadavpur to investigate post-poll violence was attacked.

"During probe, it has been found that more than 40 houses have been destroyed here. We are being attacked by goons," says an NHRC official. pic.twitter.com/iTUcBIZ2GU
— ANI (@ANI) June 29, 2021

ଏହାପୂର୍ବରୁ ରବିବାର ଦିନ ଜାତୀୟ ମାନବ ଅଧିକାର ଆୟୋଗ (NHRC) କମିଟିର ସଦସ୍ୟମାନେ ପଶ୍ଚିମବଙ୍ଗରେ ହୋଇଥିବା ନିର୍ବାଚନ ପରବର୍ତ୍ତୀ ହିଂସା ସହ ଜଡିତ ସମସ୍ୟା ତଥା ଅଭିଯୋଗ ଉପରେ ଆଲୋଚନା କରିବାକୁ ପୀଡ଼ିତ ଏବଂ ଅଭିଯୋଗକାରୀଙ୍କୁ ଡାକିଥିଲେ ।

ପରବର୍ତ୍ତୀ ଶୁଣାଣି ତାରିଖ ଜୁନ୍ 30 ସୁଦ୍ଧା NHRC କୁ କୋର୍ଟରେ ରିପୋର୍ଟ ଦାଖଲ କରିବାକୁ କୁହାଯାଇଛି । ପଶ୍ଚିମବଙ୍ଗରେ ନିର୍ବାଚନ ପରବର୍ତ୍ତୀ ହିଂସା ଅଭିଯୋଗର ଯାଞ୍ଚ କରିବା ପାଇଁ NHRC ଏକ ସାତ ଜଣିଆ ପ୍ୟାନେଲ୍ ଗଠନ କରିଥିଲା ଏବଂ ଏହି ହିଂସା ପାଇଁ ଦାୟୀ ଥିବା ଲୋକଙ୍କୁ ଚିହ୍ନଟ କରିବାକୁ ପ୍ୟାନେଲ୍ କୁ କହିଥିଲେ ।

Published On June 29, 2021