ଦେଖାଦେବ କରୋନା ଭାଇରସର ଆଉ ଏକ ଭାରିଆଣ୍ଟ, 'ଡେଲଟା ଭାରିଆଣ୍ଟ' ଅପେକ୍ଷା ହେବ ଅଧିକ ବିପଜ୍ଜନକ : ବିଶେଷଜ୍ଞଙ୍କ ଚେତାବନୀ
କରୋନା ଭାଇରସର ଏହି ନୂଆ ଭାରିଆଣ୍ଟକୁ 'ସୁପର ଭାରିଆଣ୍ଟ' କୁହାଯାଉଛି, ଯାହା 2022 ମସିହାରେ ଦେଖାଯିବାର ଆଶଙ୍କା ରହିଛି । ବୈଜ୍ଞାନିକମାନେ ଏହାର ନାମ COVID-22 ରଖିଛନ୍ତି ଏବଂ ଏଥିପ୍ରତି ସତର୍କ ରହିବାକୁ ବିଶ୍ୱକୁ ମଧ୍ୟ ଚେତାବନୀ ଦେଇଛନ୍ତି ।
ନୂଆଦିଲ୍ଲୀ : ଏପର୍ଯ୍ୟନ୍ତ କରୋନା ଭାଇରସର ଅନେକ ବିପଜ୍ଜନକ ଭାରିଆଣ୍ଟ ଦେଖାଦେଇଛି । ଯାହାକୁ ନେଇ ବୈଜ୍ଞାନିକମାନେ ଚିନ୍ତିତ ଅଛନ୍ତି । ଯେତେବେଳେ ସମଗ୍ର ବିଶ୍ୱ ଏହି ମହାମାରୀ ସହିତ ଲଢେଇ କରୁଛି, କୋରାନ ପୁଣି ଥରେ ଏହାର ରୂପ ପରିବର୍ତ୍ତନ କରିଛି । କରୋନା ଭାଇରସର ଏହି ନୂଆ ଭାରିଆଣ୍ଟକୁ 'ସୁପର ଭାରିଆଣ୍ଟ' କୁହାଯାଉଛି, ଯାହା 2022 ମସିହାରେ ଦେଖାଯିବାର ଆଶଙ୍କା ରହିଛି । ବୈଜ୍ଞାନିକମାନେ ଏହାର ନାମ COVID-22 ରଖିଛନ୍ତି ଏବଂ ଏଥିପ୍ରତି ସତର୍କ ରହିବାକୁ ବିଶ୍ୱକୁ ମଧ୍ୟ ଚେତାବନୀ ଦେଇଛନ୍ତି ।
ଉଲ୍ଲେଖନୀୟ ବିଷୟ ହେଉଛି, ଭାରତରେ କରୋନା ମହାମାରୀ ସମ୍ଭାବ୍ୟ ତୃତୀୟ ଲହରକୁ ଦୃଷ୍ଟିରେ ରଖି କେନ୍ଦ୍ର ଏବଂ ରାଜ୍ୟ ସରକାର ଉପଯୁକ୍ତ ପଦକ୍ଷେପ ନେଉଛନ୍ତି । ଏହି ସମୟରେ, କୋଭିଡ -22 ଭାରିଆଣ୍ଟ ସରକାରଙ୍କ ଚିନ୍ତା ବଢାଇ ଦେଇଛି । ମିଡିଆ ରିପୋର୍ଟ ଅନୁଯାୟୀ, ଜ୍ୟୁରିଖର ଇମ୍ୟୁନୋଲୋଜିଷ୍ଟ୍ ପ୍ରଫେସର ସାଇ ରେଡ୍ଡୀ କହିଛନ୍ତି ଯେ ବର୍ତ୍ତମାନ ଅନେକ ଷ୍ଟ୍ରେନ୍ ଅଛି ଏବଂ ଏହାର ମିଶ୍ରଣରେ ଏକ ନୂତନ ଏବଂ ଅଧିକ ବିପଜ୍ଜନକ ଭାରିଆଣ୍ଟ ଆସିପାରେ ।
ପ୍ରଫେସର ସାଇ ରେଡ୍ଡୀ କହିଛନ୍ତି ଯେ ବର୍ତ୍ତମାନର ଷ୍ଟ୍ରେନ୍ ମିଶ୍ରଣ ଏକ ନୂତନ ତଥା ବିପଜ୍ଜନକ ମହାମାରୀ ହୋଇପାରେ । କରୋନା ଭାଇରସ ବିଶେଷ ଭାବରେ ଡେଲଟା, ବିଟା ଏବଂ ଗାମା ଭାରିଆଣ୍ଟଗିଡିକ ଏକାଠି ହେବାର ଏକ ବଡ଼ ସମ୍ଭାବନା ଅଛି, ଯେଉଁଥିରୁ COVID-22 ଭାରିଆଣ୍ଟ ସାମ୍ନାକୁ ଆସିପାରେ । କରୋନାର ବର୍ତ୍ତମାନ ପରିସ୍ଥିତି ଅପେକ୍ଷା ଆଗାମୀ ସମୟରେ ଆହୁରି ଖରାପ ହୋଇପାରେ । ଏନେଇ ଶୀଘ୍ର ଟୀକାକରଣ କରାଯିବା ଆବଶ୍ୟକ ବୋଲି ସାଇ ରେଡ୍ଡୀ ଚେତାବନୀ ଦେଇଛନ୍ତି ।
ପ୍ରଫେସର ସାଇ ରେଡ୍ଡୀ ଆହୁରି ମଧ୍ୟ ଚେତାବନୀ ଦେଇଛନ୍ତି ଯେ ଆଗାମୀ ସମୟରେ ଟୀକାକରଣ ଏବଂ ବୁଷ୍ଟର୍ ଡୋଜର ଆବଶ୍ୟକତା ପଡ଼ିବ । ଟୀକାକରଣ ଉପରେ କେବଳ ବିଶ୍ୱ ନିର୍ଭର କରିପାରିବ ନାହିଁ । କୋଭିଡ -22 ର ଆଗମନ ସହିତ ଆମେ ବର୍ତ୍ତମାନ ଦେଖୁଥିବା ପରିସ୍ଥିତି, ଏହାଠାରୁ ଖରାପ ହୋଇପାରେ । ଲଗାତାର କରୋନା ନିଜର ରୂପ ବଦଳାଉଥିବା ବେଳେ ଆଗାମୀ କିଛି ବର୍ଷ ମଧ୍ୟରେ କରୋନା ପାଇଁ ଏକରୁ ଅଧିକ ଟୀକାକରଣ ପାଇଁ ଆମକୁ ପ୍ରସ୍ତୁତ ହେବାକୁ ପଡିବ । ସେ କହିଛନ୍ତି ଯେ COVID-22 ପ୍ରକାର ଏକ ବଡ଼ ବିପଦ ସୃଷ୍ଟି କରିବାର ସମ୍ଭାବନା ଥିବାରୁ ବିଶ୍ୱକୁ ପ୍ରସ୍ତୁତ ହେବାକୁ ପଡିବ । ରେଡ୍ଡୀ ଦାବି କରିଛନ୍ତି, ଏହି ଭାରିଆଣ୍ଟକୁ ଆମେ ଚିହ୍ନଟ କରିବା ସହ ଟୀକା ପ୍ରସ୍ତୁତକାରୀମାନେ ଏହା ଉପରେ ଗବେଷଣା କରି ଶୀଘ୍ର ଟୀକା ପ୍ରସ୍ତୁତ କରିବା ଆବଶ୍ୟକ । ନୂଆ ଭାରିଆଣ୍ଟ ବିସ୍ତାର ହେବା ସମସ୍ତଙ୍କ ପାଇଁ ବିପଜ୍ଜନକ ହୋଇପାରେ ।
Click it and Unblock the Notifications
Sign in with Google