ସ୍ୱାଧୀନତାର 75 ବର୍ଷ ପୂର୍ତ୍ତିରେ ସୁଭାଷ ଚନ୍ଦ୍ର ବୋଷଙ୍କ ଅବଶେଷ ଘରକୁ ଫେରାଇ ଆଣିବାକୁ ଝିଅଙ୍କ ଦାବି

ଦେଶର ସ୍ୱାଧୀନତାର 75 ବର୍ଷ ଅବସରରେ ତାଙ୍କ ପିତାଙ୍କ ମୃତଦେହ ଭାରତକୁ ଫେରାଇ ଆଣିବାକୁ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଝିଅ ଅନୀତା ବୋଷ ଫାଫ ଦାବି କରିଛନ୍ତି ।

Published: Monday, August 15, 2022, 13:26 [IST]

ନୂଆଦିଲ୍ଲୀ : ଦେଶର ସ୍ୱାଧୀନତାର 75 ବର୍ଷ ଅବସରରେ ତାଙ୍କ ପିତାଙ୍କ ମୃତଦେହ ଭାରତକୁ ଫେରାଇ ଆଣିବାକୁ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଝିଅ ଅନୀତା ବୋଷ ଫାଫ ଦାବି କରିଛନ୍ତି । 18 ଅଗଷ୍ଟ 1945 ରେ ଏକ ବିମାନ ଦୁର୍ଘଟଣାରେ ନେତାଜୀ ସୁଭାଷ ଚନ୍ଦ୍ର ବୋଷଙ୍କର ମୃତ୍ୟୁ ହୋଇଥିଲା । ତାଙ୍କର ମୃତଦେହ ଜାପାନ କର୍ତ୍ତୃପକ୍ଷଙ୍କ ଦ୍ୱାରା ସଂଗ୍ରହ କରାଯାଇ ଟୋକିଓର ରେନକୋଜି ମନ୍ଦିରରେ ସଂରକ୍ଷିତ କରାଯାଇଥିଲା । ଏଠାରେ ରଖାଯାଇଥିବା ପ୍ରତିମୂର୍ତ୍ତିକୁ ଏଠାରେ ତିନି ପିଢୀର ପୁରୋହିତମାନେ ଦେଖାଶୁଣା କରୁଛନ୍ତି ।

ଅନୀତା ବୋଷ ଫାଫ ଯିଏକି 79 ବର୍ଷ ଏବଂ ଜର୍ମାନୀରେ ରୁହନ୍ତି । ସେ କହିଛନ୍ତି ଯେ ଜାପାନର ରାଜଧାନୀରେ ନେତାଜୀଙ୍କ ଡିଏନ୍ଏ ସଂରକ୍ଷିତ ହୋଇଛି ଏବଂ ମୁଁ ତାଙ୍କୁ ଫେରାଇ ଆଣିବାକୁ ଚେଷ୍ଟା କରିବାକୁ ପ୍ରସ୍ତୁତ ଅଛି । ଅନୀତା ବୋଷ କହିଛନ୍ତି ଯେ ଜାପାନର ମନ୍ଦିରରେ ରଖାଯାଇଥିବା ନେତାଜୀଙ୍କ ଅସ୍ତି ପରୀକ୍ଷା କରାଯିବା ଉଚିତ୍ । ମନ୍ଦିର ପୁରୋହିତ ଏବଂ ଜାପାନ ସରକାର ଏଥିରେ କୌଣସି ଆପତ୍ତି ନାହିଁ । ଏପରିକି ସେ ଏହାକୁ ହସ୍ତାନ୍ତର କରିବାକୁ ପ୍ରସ୍ତୁତ ଅଛନ୍ତି ।

ଅନୀତା ବୋଷ କହିଛନ୍ତି ଯେ ଡିଏନ୍ଏ ଶରୀରର ଅବଶିଷ୍ଟାଂଶରୁ ସୁରକ୍ଷିତ ରହିଲେ ଆଧୁନିକ ଟେକ୍ନୋଲୋଜି ମାଧ୍ୟମରେ ଯେକୌଣସି କଷ୍ଟସାଧ୍ୟ DNA ପରୀକ୍ଷା କରାଯାଇପାରୁଛି । ଯେଉଁମାନେ ତଥାପି ସନ୍ଦେହ କରୁଛନ୍ତି ଯେ ନେତାଜୀଙଅକ ମୃତ୍ୟୁ 18 ଅଗଷ୍ଟ 1945 ରେ ହୋଇନାହିଁ, ଟୋକିଓ ମନ୍ଦିରରେ ଥିବା ଅବଶିଷ୍ଟାଂଶଗୁଡିକ ନେଚାଜୀଙ୍କର କି ନୁହେଁ ତାହା ବୈଜ୍ଞାନିକ ଭାବରେ ଜାଣିବା ପାଇଁ ଏହା ସେମାନଙ୍କ ପାଇଁ ଏକ ସୁଯୋଗ ।
ନେଟାଜୀଙ୍କ ଝିଅ କହିଛନ୍ତି ଯେ ରେନକୋଜି ମନ୍ଦିର ଏବଂ ଜାପାନ ସରକାର ଏଭଳି ପରୀକ୍ଷା ପାଇଁ ପ୍ରସ୍ତୁତ, ଯେପରି ଭାରତ ସରକାରଙ୍କ ଅନୁସନ୍ଧାନ ଦଲିଲରେ ଉଲ୍ଲେଖ କରାଯାଇଛି ।

ଆମେ ଆପଣଙ୍କୁ କହି ରଖୁଛୁ ନେତାଜୀଙ୍କ ମୃତ୍ୟୁ ସହ ଜଡିତ ରହସ୍ୟ ଉନ୍ମୋଚନ କରିବା ପାଇଁ ଜଷ୍ଟିସ୍ ମୁଖାର୍ଜୀ ଆୟୋଗ ଗଠନ କରାଯାଇଥିଲା, ଯାହା ଏହାର ରିପୋର୍ଟ ଦେଇଥିଲା । ଅନୀତା ବୋଷ କହିଛନ୍ତି ଯେ ବର୍ତ୍ତମାନ ସ୍ୱାଧୀନତାର 75 ତମ ବାର୍ଷିକୀ ଅବସରରେ ନେତାଜୀଙ୍କ ମୃତଦେହ ଫେରାଇ ଆଣିବାକୁ ଆମେ ପ୍ରସ୍ତୁତ ହେବା ଉଚିତ୍ । ଯେହେତୁ ସେ ସ୍ୱାଧୀନ ଭାରତରେ ରହିପାରିନଥିଲେ, ତେଣୁ ତାଙ୍କର ଅବଶେଷକୁ ସ୍ୱାଧୀନ ଭାରତର ଦେଶକୁ ଫେରାଇ ଆଣିବା ଉଚିତ୍ ।

ନେତାଜୀଙ୍କ ଜୀବନରେ ଭାରତର ସ୍ୱାଧୀନତାଠାରୁ କିଛି ଅଧିକ ଗୁରୁତ୍ୱପୂର୍ଣ୍ଣ ନଥିଲା, ଯଦିଓ ସେ ସ୍ୱାଧୀନତା ଅନୁଭବ କରିପାରିନଥିଲେ କିନ୍ତୁ ତାଙ୍କ ମୃତଦେହକୁ ଭାରତର ମାଟିକୁ ଫେରାଇ ଆଣିବାକୁ ହେବ ।

ସୂଚନାଯୋଗ୍ୟ ଯେ ବ୍ରିଟିଶମାନଙ୍କ ସହ ଲଢିବା ପାଇଁ ନେତାଜୀ ଆଜାଦ ହିନ୍ଦ ଫୌଜ ଗଠନ କରିଥିଲେ । ନେତାଜୀଙ୍କ ପରିବାରର ଏକମାତ୍ର ସଦସ୍ୟ ହେଉଛନ୍ତି ଅନୀତା ଯିଏ ବିଶ୍ୱାସ କରନ୍ତି ଯେ ବିମାନ ଦୁର୍ଘଟଣାରେ ନେତାଜୀଙ୍କର ମୃତ୍ୟୁ ହୋଇଥିବାବେଳେ ତାଙ୍କ ପରିବାରର ଅନ୍ୟ କିଛି ସଦସ୍ୟ କହିଛନ୍ତି ଯେ ସେ ଏହି ଦୁର୍ଘଟଣାରୁ ବର୍ତ୍ତିଯାଇଥିଲେ ।

Published On August 15, 2022