ଟିକା ଅପେକ୍ଷା ପ୍ରାକୃତିକ ପ୍ରତିରୋଧକ ଶକ୍ତି ଅଧିକ ପ୍ରଭାବଶାଳୀ, ଡେଲଟା ଭାରିଆଣ୍ଟ ସମୟରେ କରାଯାଇଥିବା ଅନୁସନ୍ଧାନରୁ ପ୍ରକାଶ
କରୋନାରୁ ସୁସ୍ଥ ହେବା ପରେ ଶରୀରରେ ସୃଷ୍ଚି ହେଉଥିବା ପ୍ରାକୃତିକ ପ୍ରତିରୋଧକ ଶକ୍ତି ଟିକା ଅପେକ୍ଷା ଭଲ ବୋଲି କୁହାଯାଇଛି । ତଥାପି, ଅନୁସନ୍ଧାନର ଲେଖକମାନେ ଚେତାବନୀ ଦେଇଛନ୍ତି ଯେ ଟୀକାକରଣ କରି ନଥିବା ଲୋକମାନେ ଡାକ୍ତରଖାନାରେ ଭର୍ତ୍ତି ହେବା ଆଶଙ୍କା ଅଧିକ ।
ନୂଆଦିଲ୍ଲୀ : ପ୍ରାକୃତିକ ପ୍ରତିରୋଧକ ଶକ୍ତି ସମ୍ବନ୍ଧରେ ଏକ ଅଧ୍ୟୟନ ରିପୋର୍ଟ ପ୍ରକାଶ ପାଇଛି ଯେଉଁଥିରେ କୁହାଯାଇଛି ଯେ ଆମେରିକାର ଯେଉଁମାନଙ୍କର ଭଲ ରୋଗ ପ୍ରତିରୋଧକ ଶକ୍ତି ରହିଥିଲା କିନ୍ତୁ ଟୀକାକରଣ କରାଯାଇ ନଥିଲା ଏବଂ କରୋନା ଆକ୍ରାନ୍ତ ହୋଇଥିଲେ ଉଭୟ ଡୋଜ ନେଇଥିବା ଏବଂ ପୂର୍ବରୁ ସଂକ୍ରମିତ ହୋଇନଥିବା ବ୍ୟକ୍ତିଙ୍କ ତୁଳନାରେ ଅଧିକ ସୁରକ୍ଷିତ ଥିଲେ । କରୋନାରୁ ସୁସ୍ଥ ହେବା ପରେ ଶରୀରରେ ସୃଷ୍ଚି ହେଉଥିବା ପ୍ରାକୃତିକ ପ୍ରତିରୋଧକ ଶକ୍ତି ଟିକା ଅପେକ୍ଷା ଭଲ ବୋଲି କୁହାଯାଇଛି । ତଥାପି, ଅନୁସନ୍ଧାନର ଲେଖକମାନେ ଚେତାବନୀ ଦେଇଛନ୍ତି ଯେ ଯେଉଁମାନେ ଟୀକାକରଣ କରିଛନ୍ତି ସେମାନଙ୍କ ତୁଳନାରେ, ଟୀକାକରଣ କରି ନଥିବା ଲୋକମାନେ ଡାକ୍ତରଖାନାରେ ଭର୍ତ୍ତି ହେବା, ଦୀର୍ଘ ଦିନ ଧରି କରୋନା ପ୍ରଭାବ ଏବଂ ମୃତ୍ୟୁର ଆଶଙ୍କା ଅଧିକ ।
ଆମେରିକାର ରୋଗ ନିୟନ୍ତ୍ରଣ ଏବଂ ନିରାକରଣ କେନ୍ଦ୍ର ଏକ ବିବୃତ୍ତିରେ କହିଛି ଯେ କୋଭିଡ 19 ଭାଇରସ କ୍ରମାଗତ ଭାବରେ ବଦଳୁଛି । ଏହା ମଧ୍ୟ କହିଛି ଯେ ଟୀକାକରଣ ଏବଂ ସଂକ୍ରମଣ ପରେ ମିଳୁଥିବା ସୁରକ୍ଷା ସ୍ତରରେ ଅଧ୍ୟୟନ ସମୟରେ ପରିବର୍ତ୍ତନ ପରିଲକ୍ଷିତ ହୋଇଛି । ତଥାପି, କରୋନାକୁ ଏଡାଇବା ପାଇଁ ଟୀକାକରଣ ହେଉଛି ନିରାପଦ ଉପାୟ । ଏହି ନୂତନ ଅନୁସନ୍ଧାନରେ ନ୍ୟୁୟର୍କ ଏବଂ କାଲିଫର୍ଣ୍ଣିଆର ରୋଗୀମାନଙ୍କୁ 30 ମେ ରୁ 30 ନଭେମ୍ବର 2021 ମଧ୍ୟରେ ଅନ୍ତର୍ଭୁକ୍ତ କରାଯାଇଥିଲା ।
ଏହି ବିଶ୍ଳେଷଣ ଓମିକ୍ରନ୍ ଭାରିଆଣ୍ଟର ଆଗମନ ପୂର୍ବରୁ କରାଯାଇଥିଲା । ଓମିକ୍ରନ୍ ଭାରିଆଣ୍ଟ ଉଭୟ ଟିକା ନେଇଥିବା ଏବଂ ସଂକ୍ରମଣ ପରବର୍ତ୍ତୀ ପ୍ରତିରୋଧକ ଥିବା ଲୋକଙ୍କୁ ସଂକ୍ରମିତ କରିଥିଲା । ଅକ୍ଟୋବର ପ୍ରାରମ୍ଭରେ, ଦେଖାଯାଇଥିଲା ଯେ ଟୀକାକରଣ ହୋଇଥିବା ଲୋକ ଯେଉଁମାନେ କରୋନା ସଂକ୍ରମିତ ହୋଇନଥିଲେ ସେମାନଙ୍କ ସଂଖ୍ୟା ତୁଳନାରେ କରୋନା ସଂସ୍ପର୍ଶରେ ଆସି ଟୀକାକରମ କରାଇ ନଥିବା ଲୋକଙ୍କ ତୁଳନାରେ କମ୍ ଥିଲା । କାଲିଫର୍ଣ୍ଣିଆରେ ଏହି ହାର 6 ଗୁଣା ଏବଂ ନ୍ୟୁୟର୍କରେ 5 ଗୁଣ କମ୍ ଥିଲା ।
Click it and Unblock the Notifications
Sign in with Google