ନାରୋଦା ହତ୍ୟାକାଣ୍ଡ ମାମଲାରେ ଅଭିଯୁକ୍ତଙ୍କୁ ଦୋଷ ମୁକ୍ତ କରିବା ନେଇ ଟାର୍ଗେଟ୍ କଲେ ଓୱେସି

Published: Friday, April 21, 2023, 10:47 [IST]

ନରୋଦା ଗାମ ହତ୍ୟା ମାମଲାରେ ଅହମ୍ମଦାବାଦ ସ୍ୱତନ୍ତ୍ର କୋର୍ଟ ସମସ୍ତ ଅଭିଯୁକ୍ତଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି । ବିଜେପି ଏହି ନିଷ୍ପତ୍ତିକୁ ସ୍ୱାଗତ କରିଥିବାବେଳେ ବିରୋଧୀ ଦଳ ଏହାକୁ ନେଇ ଟାର୍ଗେଟ୍ କରିଛନ୍ତି । ଏଆଇଏମ୍ଆଇଏମ୍ ମୁଖ୍ୟ ଅସଦୁଦ୍ଦିନ ଓୱାଇସିଙ୍କ ପ୍ରତିକ୍ରିୟା ସାମ୍ନାକୁ ଆସିଛି ।

ଗୋଟିଏ ଟ୍ୱିଟର ଜବାବରେ ଓୱେସି ରାହତ ଇନ୍ଦୋରୀଙ୍କ ଏକ କବିତା ଲେଖି ଟାର୍ଗେଟ୍ କରିଛନ୍ତି । ସେ ଲେଖିଛନ୍ତି -

ଯେଉଁ ବାଟ ଦେଇ ଯିବ ଧୂଆଁ ବିସ୍ତାର କରିଦିଅ,
ୟଏଉଁଠି ପହଞ୍ଚ ଧମାଲ୍ କରିଦିଅ ।
ରାଜନୀତି ତୁମକୁ ଅଧିକାର ଦେଇଛି,
ସବୁଜ ଜମିକୁ ଲାଲ୍ କରିଦିଅ ।

ତୁମେ ଆବେଦନ, ତୁମେ ଯୁକ୍ତି, ତୁମେ ସାକ୍ଷୀ, ତୁମେ ଓକିଲ । ଯାହାକୁ ଚାହୁଁଛ ହାରାମ କହିଦିଅ, ଯାହାକୁ ଚାହୁଁଛ ହଲାଲ୍ କରିଦିଅ ।

ଓୱେସି ଏହି ଟ୍ୱିଟରେ କାହାର ନାମ ନାହାଁନ୍ତି । କିନ୍ତୁ ତାଙ୍କ ଆକ୍ରମଣ ମୋଦୀ ସରକାର ଏବଂ ବିଜେପି ଉପରେ ଥିଲା । ଏହି ଘଟଣା ଘଟିବା ସମୟରେ ଗୁଜୁରାଟରେ ବିଜେପି ସରକାର ଥିଲା । ଏପରିକି ମୁଖ୍ୟମନ୍ତ୍ରୀ ଚେୟାରରେ ନରେନ୍ଦ୍ର ମୋଦୀଙ୍କ ଥିଲେ ।

କଣ ଥିଲା ମାମଲା ?

ଫେବୃଆରୀ 2002 ରେ ଗୋଦ୍ରା ଘଟଣା ପରେ ହିନ୍ଦୁ ସଂଗଠନମାନେ ବନ୍ଦ ଡାକରା ଦେଇଥିଲେ । ଯାହା ଅଧୀନରେ ବିଭିନ୍ନ ସ୍ଥାନରେ ପ୍ରଦର୍ଶନ କରାଯାଇଥିଲା । କେତେକ ବିକ୍ଷୋଭକାରୀ ନାରୋଦା ଠାରେ ପଥର ଫିଙ୍ଗିବା ସହ ଦୋକାନ ବନ୍ଦ ହୋଇଥିଲା । ଏହି ସମୟରେ ନରୋଦାରେ ପରିସ୍ଥିତି ବିଗିଡି ଯାଇଥିଲା ଏବଂ ସେଠାରେ ହିଂସା ଆରମ୍ଭ ହୋଇଥିଲା । ଆନ୍ଦୋନକାରୀମାନେ ବହୁ ମୁସଲମାନଙ୍କ ଘରେ ନିଆଁ ଲଗାଇ ଦେଇଥିଲେ । ଯେଉଁଥିରେ 11 ଜଣଙ୍କର ମୃତ୍ୟୁ ହୋଇଥିଲା । ଏହି ମାମଲାର ତଦନ୍ତ ସୁପ୍ରିମକୋର୍ଟଙ୍କ ଦ୍ୱାରା ଗଠିତ ଏସଆଇଟିକୁ ହସ୍ତାନ୍ତର କରାଯାଇଥିଲା । ଏସଆଇଟି ଏହି ଦଙ୍ଗାରେ ପ୍ରଥମ ମାୟା କୋଡନାନୀଙ୍କ ମୁଖ୍ୟ ଅଭିଯୁକ୍ତ କରିଥିଲା । ଯିଏକି ରାଜ୍ୟ ସରକାରରେ ପୂର୍ବତନ ମନ୍ତ୍ରୀ ଥିଲେ ।

Published On April 21, 2023