ନାଗାଲାଣ୍ଡ ହିଂସା : ରାଜଧାନୀ କୋହିମାରେ NSF ର ବିଶାଳ ସମାବେଶ, AFSPA ହଟାଇବାକୁ ଦାବି

ନାଗା ଷ୍ଟୁଡେଣ୍ଟସ ଫେଡେରେଶନ (ଏନଏସଏଫ) ଶୁକ୍ରବାର ଦିନ ରାଜଧାନୀ କୋହିମାରେ ଏକ ବିଶାଳ ସମାବେଶର ଆୟୋଜନ କରିଛି । ଯେଉଁଥିରେ ପ୍ରାଣ ହରାଇଥିବା ବ୍ୟକ୍ତିଙ୍କ ପାଇଁ ନ୍ୟାୟ ଦାବି ଏବଂ AFSPA ଆଇନ ରଦ୍ଦ ପାଇଁ ଦାବି କରାଯାଇଥିଲା ।

Published: Friday, December 17, 2021, 17:17 [IST]

କୋହିମା : ଚଳିତ ମାସ ଆରମ୍ଭରେ ନାଗାଲାଣ୍ଡର ମୋନ୍ ଜିଲ୍ଲାରେ ସେନା ଗୁଳିରେ 14 ଜଣ ସାଧାରଣ ନାଗରିକଙ୍କ ମୃତ୍ୟୁ ହୋଇଥିଲା । ଯଦିଓ ପରେ ସେନା ଏବଂ ସରକାର କ୍ଷମା ପ୍ରାର୍ଥନା କରିଛନ୍ତି, ଭୁଲକୁ ସ୍ୱୀକାର କରିଛନ୍ତି, କିନ୍ତୁ ରାଜ୍ୟରେ ଏହି ଘଟଣାର ବିରୋଧ ଜାରି ରହିଛି । ନାଗା ଷ୍ଟୁଡେଣ୍ଟସ ଫେଡେରେଶନ (ଏନଏସଏଫ) ଶୁକ୍ରବାର ଦିନ ରାଜଧାନୀ କୋହିମାରେ ଏକ ବିଶାଳ ସମାବେଶର ଆୟୋଜନ କରିଛି । ଯେଉଁଥିରେ ପ୍ରାଣ ହରାଇଥିବା ବ୍ୟକ୍ତିଙ୍କ ପାଇଁ ନ୍ୟାୟ ଦାବି ଏବଂ AFSPA ଆଇନ ରଦ୍ଦ ପାଇଁ ଦାବି କରାଯାଇଥିଲା ।

ଖବର ଅନୁଯାୟୀ, କ୍ରମାଗତ ତିନି ଦିନ ଧରି ଚାଲିଥିବାରୁ ଶୁକ୍ରବାରର ପ୍ରଦର୍ଶନ ଗୁରୁତ୍ୱପୂର୍ଣ୍ଣ ହୋଇଥିଲା । ଏଥିରୁ ଏହା ସ୍ପଷ୍ଟ ହୋଇଛି ଯେ ଏହି ପ୍ରସଙ୍ଗରେ ନାଗା ଲୋକଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଉଛି । ଶୁକ୍ରବାର ଦିନ ବହୁ ସଂଖ୍ୟକ ଲୋକ ରାସ୍ତାକୁ ଓହ୍ଲାଇଥିଲେ । ସମସ୍ତଙ୍କ ହାତରେ 'ଟେକ୍ ବ୍ୟାକ୍ AFSPA' ଭଳି ପୋଷ୍ଟର ଥିଲା । ଏହାପୂର୍ବରୁ ଗୁରୁବାର ଦିନ ମୋନ୍ ଜିଲ୍ଲାରେ ବନ୍ଦ ଆହ୍ୱାନ ଦିଆଯାଇଥିଲା । ଫଳରେ ସମସ୍ତ ସରକାରୀ ଏବଂ ବେସରକାରୀ କାର୍ଯ୍ୟାଳୟ ବନ୍ଦ ରହିଥିଲା ।ଏଥିସହିତ ଯାନବାହାନର ଚଳାଚଳ ମଧ୍ୟ ବ୍ୟାହତ ହୋଇଥିଲା ।

ଅନ୍ୟ ପଟେ କୋନ୍ୟାକ ସଂଘ (କୋନ୍ୟାକ ନାଗା ଜନଜାତିର ସର୍ବୋଚ୍ଚ ସଂସ୍ଥା) ସୋମାଠାରେ ଆନ୍ଦୋଳନ ଆରମ୍ଭ କରିଥିଲା । କୌଣସି ପ୍ରକାରର ଜାତୀୟ କାର୍ଯ୍ୟରେ ସେମାନେ ଅଂଶଗ୍ରହଣ କରିବେ ନାହିଁ ବୋଲି ସଂଗଠନ କହିଛି । ଏହା ବ୍ୟତୀତ ସେନାର ସାଧାରଣ ନାଗରିକ କାର୍ଯ୍ୟକ୍ରମରେ ସ୍ଥାନୀୟ ଲୋକଙ୍କର କୌଣସି ଅଂଶଗ୍ରହଣ ରହିବ ନାହିଁ ଏବଂ ୟୁନିଅନ୍ ଏହି ଅଞ୍ଚଳରେ ନିଯୁକ୍ତି ଡ୍ରାଇଭ୍ କୁ ଅନୁମତି ଦେବ ନାହିଁ । ମୋନ୍ ଜିଲ୍ଲା ବ୍ୟତୀତ ରାଜ୍ୟର ପୂର୍ବ ଭାଗରେ ଥିବା କିଫିର, ତୁଏନସାଙ୍ଗ, ନୋକଲାକ ଏବଂ ଲୋଙ୍ଗଲେଙ୍ଗରେ ମଧ୍ୟ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଲୋକମାନେ ସେମାନଙ୍କର ଦୋକାନ ବନ୍ଦ ମଧ୍ୟ ରଖିଥିଲେ ।

ସୂନାଯୋଗ୍ୟ, ମୋନ୍ ଜିଲ୍ଲାରେ ଆତଙ୍କବାଦୀଙ୍କୁ ଧରିବା ପାଇଁ ଭାରତୀୟ ସେନା କମାଣ୍ଡୋମାନେ ଅଭିଯାନ ଚଳାଇଥିଲେ । ଏହି ସମୟରେ ସେହି ରାସ୍ତା ଦେଇ ଏକ କାର ଆସିଥିଲା । ସୈନିକମାନେ ତାଙ୍କୁ ଅଟକାଇବାକୁ ସଙ୍କେତ ଦେଇଥିଲେ, କିନ୍ତୁ ସେ ଦ୍ରୁତ ଗତିରେ ପଳାଇବାକୁ ଚେଷ୍ଟା କରିଥଲା । ଯାହା ପରେ ସେନା ଗୁଳି ଚଳାଇଥିଲେ । ଯେଉଁଥିରେ ଅନେକ ଲୋକଙ୍କର ମୃତ୍ୟୁ ହୋଇଥିଲା । ପରେ ସେଠାରେ ହିଂସା ହୋଇଥିଲା, ଫଳରେ ସେନାକୁ ଗୁଳି ଚଳାଇବାକୁ ପଡିଥିଲା । ଏହି ଘଟଣାରେ ଏପର୍ଯ୍ୟନ୍ତ 14 ଜଣ ପ୍ରାଣ ହରାଇଛନ୍ତି ବୋଲି ସରକାର କହିଛନ୍ତି ।

Published On December 17, 2021