ତୃତୀୟ ଲହର : ଦେଶରେ 1000 ରୁ ଅଧିକ ଡାକ୍ତର କରୋନା ସଂକ୍ରମିତ, ଉଦବେଗ ପ୍ରକାଶ କଲେ ବିଶେଷଜ୍ଞ
ମହାମାରୀର ତୃତୀୟ ଲହରରେ ଯଦିଓ ସଂକ୍ରମଣ ହେତୁ ଜୀବନ ପ୍ରତି ବିପଦ କମ୍ ବୋଲି କୁହାଯାଉଛି, କିନ୍ତୁ ଚିନ୍ତାର କାରଣ ହେଉଛି ଏଥର ବହୁ ସଂଖ୍ୟକ ଡାକ୍ତର କରୋନା ସଂକ୍ରମିତ ହେଉଛନ୍ତି । ବର୍ତ୍ତମାନ ପର୍ଯ୍ୟନ୍ତ ଦେଶରେ 1000 ଡାକ୍ତର ସଂକ୍ରମଣର ଶିକାର ହୋଇଛନ୍ତି ।
ନୂଆଦିଲ୍ଲୀ : କରୋନା ଭାଇରସ ମହାମାରୀର ତୃତୀୟ ଲହର ଦେଶରେ ପହଞ୍ଚିଛି । ଗତ 24 ଘଣ୍ଟା ମଧ୍ୟରେ କୋଭିଡ -19 ର 1 ଲକ୍ଷ 17 ହଜାରରୁ ରୁ ଅଧିକ ରୋଗୀ ଚିହ୍ନଟ ହେବା ସହ 302 ଜଣ ସଂକ୍ରମିତଙ୍କ ମୃତ୍ୟୁ ହୋଇଛି । ଏହି ସମୟ ମଧ୍ୟରେ ଦେଶରେ ଓମିକ୍ରୋନ୍ ର ମାମଲା ମଧ୍ୟ ଦ୍ରୁତ ଗତିରେ ବୃଦ୍ଧି ପାଉଛି । ମହାମାରୀର ତୃତୀୟ ଲହରରେ ଯଦିଓ ସଂକ୍ରମଣ ହେତୁ ଜୀବନ ପ୍ରତି ବିପଦ କମ୍ ବୋଲି କୁହାଯାଉଛି, କିନ୍ତୁ ଚିନ୍ତାର କାରଣ ହେଉଛି ଏଥର ବହୁ ସଂଖ୍ୟକ ଡାକ୍ତର କରୋନା ସଂକ୍ରମିତ ହେଉଛନ୍ତି । ବର୍ତ୍ତମାନ ପର୍ଯ୍ୟନ୍ତ ଦେଶରେ 1000 ଡାକ୍ତର ସଂକ୍ରମଣର ଶିକାର ହୋଇଛନ୍ତି ।
ଦକ୍ଷିଣ ଆଫ୍ରିକାରେ ଓମିକ୍ରନ୍ର ପ୍ରଥମ ମାମଲା ରିପୋର୍ଟ ହେବା ପରେ ସେଠାରୁ ସମଗ୍ର ବିଶ୍ୱରେ କରୋନା ମାମଲା ବଢିବାରେ ଲାଗିଲା । ଡାକ୍ତରୀ ବିଶେଷଜ୍ଞମାନେ କହିଛନ୍ତି ଯେ ଓମିକ୍ରନ୍ ଭାରିଆଣ୍ଟ କମ୍ ବିପଜ୍ଜନକ ଏବଂ ଏହାର ଲକ୍ଷଣ ଶୀଘ୍ର ଜଣାପଡ଼େନାହିଁ । କିନ୍ତୁ ଏହା ପୂର୍ବର ସମସ୍ତ ଭାରିଆଣ୍ଟ ଅପେକ୍ଷା ଅଧିକ ବେଗରେ ବିସ୍ତାର କରୁଛି । ବିଶେଷଜ୍ଞମାନେ ପରାମର୍ଶ ଦେଇଛନ୍ତି ଯେ ଲୋକମାନେ COVID ପ୍ରୋଟୋକଲ୍କୁ କଠୋର ଭାବରେ ଅନୁସରଣ କରିବା ଉଚିତ୍ । ବାରମ୍ବାର ହାତ ଧୋଇବା, ମାସ୍କ ପିନ୍ଧିବା, ଜନଗହଳି ପୂର୍ଣ୍ଣ ସ୍ଥାନରୁ ଦୂରେଇ ରହିବା, ଅନ୍ୟମାନଙ୍କ ମଧ୍ୟରେ ସାମାଜିକ ଦୂରତା ବଜାୟ ରଖିବା ଆଜି ବି ଆବଶ୍ୟକ ।
ବିଶେଷଜ୍ଞମାନେ ଏହା ମଧ୍ୟ କହିଛନ୍ତି ଯେ ଯଦିଓ ସଂକ୍ରମଣ ସାମାନ୍ୟ, ତଥାପି ବହୁ ସଂଖ୍ୟକ ଡାକ୍ତର ଅତ୍ୟଧିକ ସଂକ୍ରାମକ ରୋଗର ଶିକାର ହେଉଛନ୍ତି । ଆଜି ପର୍ଯ୍ୟନ୍ତ ନର୍ସ, ମେଡିକାଲ୍ ଛାତ୍ରଙ୍କ ସମେତ 1000 ରୁ ଅଧିକ ଡାକ୍ତର ଏବଂ ମେଡିକାଲ କର୍ମଚାରୀ ସଂକ୍ରମିତ ହୋଇଛନ୍ତି ।
ଚଣ୍ଡିଗଡ଼ରେ 196 ଡାକ୍ତର ଏବଂ କର୍ମଚାରୀ କରୋନା ସଂକ୍ରମିତ ହୋଇଥିବା ବେଳେ ଝାଡଖଣ୍ଡରେ 180 ଡାକ୍ତର ଏବଂ ସ୍ୱାସ୍ଥ୍ୟ କର୍ମୀ, ବିହାରର 200 ଡାକ୍ତର ଏବଂ ଡାକ୍ତରୀ ଛାତ୍ର, ପଶ୍ଚିମବଙ୍ଗରୁ 70 ରୁ ଅଧିକ ଡାକ୍ତର ଏବଂ ନର୍ସ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ସେହିପରି ଉତ୍ତରପ୍ରଦେଶରେ 25 ମେଡିକାଲ କର୍ମଚାରୀ ଏବଂ ଡାକ୍ତର ମଧ୍ୟ କରୋନା ସଂକ୍ରମିତ ହୋଇଛନ୍ତି ।
Click it and Unblock the Notifications
Sign in with Google