ବଢୁଛି ବିପଦ, ହିମାଚଳରୁ ଚିହ୍ନଟ ହେଲା ମଙ୍କିପକ୍ସ ଲକ୍ଷଣ, ରୋଗୀଙ୍କର ନାହିଁ ବିଦେଶୀ ଭ୍ରମଣ ଇତିହାସ
ହିମାଚଳ ପ୍ରଦେଶର ଜଣେ ବ୍ୟକ୍ତିଙ୍କଠାରେ ମଙ୍କିପକ୍ସର ଲକ୍ଷଣ ଦେଖିବାକୁ ମିଳିଛି । ଏହାପରେ ସ୍ୱାସ୍ଥ୍ୟ ବିଭାଗ ସତର୍କ ହୋଇଛି । ସେହି ବ୍ୟକ୍ତିଙ୍କ ନମୁନାକୁ ପୁଣେର ଏକ ଲ୍ୟାବକୁ ପରୀକ୍ଷା ପାଇଁ ପଠାଯାଇଛି ।
ଶିମଲା : ବିଶ୍ୱର ଅନେକ ଦେଶରେ ମଙ୍କିପକ୍ସ ଭାଇରସ ସଂକ୍ରମଣ ମାମଲା ବୃଦ୍ଧି ପାଉଥିବା ବେଳେ ଭାରତରେ ମଧ୍ୟ ଏହା ଚିହ୍ନଟ ହେବାରେ ଲାଗିଛି । ବଢୁଥିବା ମାମଲା ବର୍ତ୍ତମାନ ଲୋକଙ୍କୁ ଭୟଭୀତ କରୁଛି । ଏହି ସମୟରେ, ହିମାଚଳ ପ୍ରଦେଶର ଜଣେ ବ୍ୟକ୍ତିଙ୍କଠାରେ ମଙ୍କିପକ୍ସର ଲକ୍ଷଣ ଦେଖିବାକୁ ମିଳିଛି । ଏହାପରେ ସ୍ୱାସ୍ଥ୍ୟ ବିଭାଗ ସତର୍କ ହୋଇଛି । ସେହି ବ୍ୟକ୍ତିଙ୍କ ନମୁନାକୁ ପୁଣେର ଏକ ଲ୍ୟାବକୁ ପରୀକ୍ଷା ପାଇଁ ପଠାଯାଇଛି । ସ୍ୱାସ୍ଥ୍ୟ ବିଭାଗ ଏକ ପ୍ରେସ ବିବୃତ୍ତିରେ ଏହି ସୂଚନା ଦେଇଛି ।
ଏହି ବ୍ୟକ୍ତି ହିମାଚଳର ବଦ୍ଦୀ ଅଞ୍ଚଳର ବାସିନ୍ଦା । 21 ଦିନ ପୂର୍ବରୁ ତାଙ୍କ ଠାରେ ସଂକ୍ରମଣର ଲକ୍ଷଣ ଦେଖାଦେଇଥିଲା, କିନ୍ତୁ ସେ ଏବେ ମଧ୍ୟ ସୁସ୍ଥ ଅଛନ୍ତି । ସ୍ୱାସ୍ଥ୍ୟ ବିଭାଗ କହିଛି ଯେ ସତର୍କତାମୂଳକ ଭାବେ ତାଙ୍କୁ ଆଇସୋଲେନ୍ ରେ ରଖାଯାଇଛି ଏବଂ ଆଖପାଖ ଅଞ୍ଚଳ ଉପରେ ନଜର ରଖାଯାଉଛି ।
ଏହା ମଧ୍ୟ କୁହାଯାଇଛି ଯେ ବ୍ୟକ୍ତିଙ୍କର ବିଦେଶ ଭ୍ରମଣର କୌଣସି ଇତିହାସ ନାହିଁ । ଜୁଲାଇ 27 ରେ, ଦେଶରେ ମଙ୍କିପକ୍ସର ଚାରିଟି ମାମଲା ଚିହ୍ନଟ ହୋଇଛି । ସେଥିମଧ୍ୟରୁ ତିନୋଟି କେରଳରୁ ଏବଂ ଗୋଟିଏ ଦିଲ୍ଲୀରୁ ଆସିଛି । କେନ୍ଦ୍ର ସରକାର ଶୁକ୍ରବାର ଦିନ ଲୋକସଭାରେ ଏହି ସୂଚନା ଦେଇଛନ୍ତି ।