ପାକିସ୍ତାନକୁ ଗୁପ୍ତ ସୂଚନା ପଠାଉଥିଲା ବୈଦେଶିକ ବ୍ୟାପାର ମନ୍ତ୍ରଣାଳୟର ଡ୍ରାଇଭର
ବୈଦେଶିକ ମନ୍ତ୍ରଣାଳୟର ଜଣେ ଡ୍ରାଇଭରଙ୍କୁ ଜବାହରଲାଲ ନେହେରୁ ଭବନରୁ ଦିଲ୍ଲୀ ପୋଲିସର କ୍ରାଇମ ଶାଖା ଗିରଫ କରିଛି । ଡ୍ରାଇଭର ପାକିସ୍ତାନ ପାଇଁ ଗୁପ୍ତଚର ଭାବେ କାମ କରିଥିବା ଅଭିଯୋଗ ହୋଇଛି ।
ନୂଆଦିଲ୍ଲୀ : ବୈଦେଶିକ ମନ୍ତ୍ରଣାଳୟର ଜଣେ ଡ୍ରାଇଭରଙ୍କୁ ଜବାହରଲାଲ ନେହେରୁ ଭବନରୁ ଦିଲ୍ଲୀ ପୋଲିସର କ୍ରାଇମ ଶାଖା ଗିରଫ କରିଛି । ଡ୍ରାଇଭର ପାକିସ୍ତାନ ପାଇଁ ଗୁପ୍ତଚର ଭାବେ କାମ କରିଥିବା ଅଭିଯୋଗ ହୋଇଛି । ଦିଲ୍ଲୀ ପୋଲିସକୁ ମିଳିଥିବା ସୂତ୍ର ଅନୁଯାୟୀ, ସେ ଟଙ୍କା ବଦଳରେ ପାକିସ୍ତାନକୁ ଗୁପ୍ତ ସୂଚନା ଦେଉଥିଲା ।
କୁହାଯାଉଛି ଯେ ଡ୍ରାଇଭର ଜଣକ ଟଙ୍କା ବଦଳରେ ପାକିସ୍ତାନର ଜଣେ PIO କୁ ସୂଚନା ଏବଂ ଡକ୍ୟୁମେଣ୍ଟ ପଠାଉତିଲା । ଏହାକୁ ହନିଟ୍ରାପ୍ ସହିତ ଜଡିତ ବୋଲି କୁହାଯାଉଛି । ଦିଲ୍ଲୀ ପୋଲିସର ସୂଚନାନୁସାରେ, ପାକିସ୍ତାନୀ ଗୁପ୍ତଚର ବୈଦେଶିକ ମନ୍ତ୍ରଣାଳୟର ଡ୍ରାଇଭରକୁ ଫସାଇବା ପାଇଁ ଏକ ଜାଲ୍ ଆଇଡି ବ୍ୟବହାର କରିଥିଲା ।
ଦିଲ୍ଲୀ ପୋଲିସ ଓ ତଦନ୍ତକାରୀ ସଂସ୍ଥା ଦ୍ୱାରା ତାକୁ ଗିରଫ କରାଯାଇଛି । କେଉଁ କେଉଁ ଗୁରୁତ୍ୱପୂର୍ଣ୍ଣ ତଥ୍ୟ ସେ ଆଇଏସଆଇକୁ ପଠାଇଛି ତା ଉପରେ ଯାଞ୍ଚ କରାଯାଉଛି ।
Click it and Unblock the Notifications
Sign in with Google