ମଦର ଟେରେସାଙ୍କ ଏନଜିଓର FCRA ଲାଇସେନ୍ସକୁ ନବୀକରଣ କଲା କେନ୍ଦ୍ର
ମଦର ଟେରେସାଙ୍କ ସଂଗଠନ ମିଶନାରୀ ଅଫ୍ ଚାରିଟି ଦ୍ୱାରା ପ୍ରାପ୍ତ ବୈଦେଶିକ ଦାନ (FCRA) ପ୍ରମାଣପତ୍ରକୁ କେନ୍ଦ୍ର ଗୃହ ମନ୍ତ୍ରଣାଳୟ ନବୀକଣ କରିଛି ।
ନୂଆଦିଲ୍ଲୀ : ମଦର ଟେରେସାଙ୍କ ସଂଗଠନ ମିଶନାରୀ ଅଫ୍ ଚାରିଟି ଦ୍ୱାରା ପ୍ରାପ୍ତ ବୈଦେଶିକ ଦାନ (FCRA) ପ୍ରମାଣପତ୍ରକୁ କେନ୍ଦ୍ର ଗୃହ ମନ୍ତ୍ରଣାଳୟ ନବୀକଣ କରିଛି । ଦେଶର ପ୍ରାୟ 6000 ଏନଜିଓର FCRA ଲାଇସେନ୍ସ ଗୃହ ମନ୍ତ୍ରଣାଳୟ ଦ୍ୱାରା ନିଷେଧ କରାଯାଇଛି । ମଦର ଟେରେସାଙ୍କ ଅନୁଷ୍ଠାନ ଉପରେ ପ୍ରତିବନ୍ଧକ ଲଗାଇବାବେଳେ ମନ୍ତ୍ରଣାଳୟ କହିଛି ଯେ ଆଦିବାସୀ ଅଞ୍ଚଳରେ କାର୍ଯ୍ୟ କରୁଥିବା ଅନେକ ଏନଜିଓଙ୍କ ବିରୋଧରେ ଏହା ଗୁରୁତର ପ୍ରତିକୂଳ ଇନପୁଟ ପାଇଛି । ଇଂଲଣ୍ଡ ମଧ୍ୟ FCRA ପ୍ରତିବନ୍ଧକକୁ ନେଇ ଅସନ୍ତୋଷ ବ୍ୟକ୍ତ କରିଛି ।
ଅବଶ୍ୟ, ବର୍ତ୍ତମାନ କେନ୍ଦ୍ର ସରକାର ମିଶନାରୀ ଅଫ୍ ଚାରିଟି ପାଇଁ FCRA ଲାଇସେନ୍ସକୁ ପୁନଃ ଅନୁମୋଦନ କରିଛନ୍ତି । ନ୍ୟୁଜ୍ ଏଜେନ୍ସି ANI ସୂତ୍ରରୁ ପ୍ରକାଶ ଯେ ଗୃହ ବିଭାଗ ମନ୍ତ୍ରଣାଳୟ ସଂପୃକ୍ତ ବିଭାଗରେ ଆବଶ୍ୟକୀୟ ଦଲିଲ ଦାଖଲ କରିବା ପରେ ମଦର ଟେରେସାଙ୍କ ମିଶନାରୀ ଅଫ୍ ଚାରିଟି ପାଇଁ FCRA ପଞ୍ଜିକରଣକୁ ପୁନଃ ସ୍ଥାପିତ କରିଛି । ଏହାପୂର୍ବରୁ, କିଛି "ପ୍ରତିକୂଳ ଇନପୁଟ" ହେତୁ ମଦର ଟେରେସାଙ୍କ ଦ୍ୱାରା ସ୍ଥାପିତ ଏନଜିଓର ଲାଇସେନ୍ସ ନବୀକରଣ କରିବାକୁ ମନ୍ତ୍ରଣାଳୟ ମନା କରିଦେଇଥିଲା ।
MHA restores FCRA registration for Mother Teresa’s Missionaries of Charity after it submitted the necessary document to concerned department: Govt Sources
Earlier, MHA refused to renew the Mother Teresa-founded NGO's licence due to some "adverse inputs".
— ANI (@ANI) January 8, 2022
ମଦର ଟେରେସାଙ୍କ ଦ୍ୱାରା ପ୍ରତିଷ୍ଠିତ ଚାରିଟି ସମେତ 6,000 ରୁ ଅଧିକ ସଂଗଠନର ବିଦେଶୀ ପାଣ୍ଠି ଲାଇସେନ୍ସ ନବୀକରଣ ଉପରେ ରୋକ୍ ଲଗାଇବା ନେଇ ହାଉସ୍ ଅଫ୍ ଲର୍ଡସରେ ଥିବା ଲଣ୍ଡନ ପ୍ରତିପକ୍ଷମାନେ ଭାରତ ଏହି ପଦକ୍ଷେପକୁ ନିନ୍ଦା କରିଛନ୍ତି । ବ୍ରିଟେନ ସରକାର ଭାରତର ନିଷ୍ପତ୍ତିକୁ ପୁନର୍ବିଚାର କରିବାକୁ ଅନୁରୋଧ କରିଛନ୍ତି । ପେଣ୍ଟର୍ଟଗାର୍ଡର ଲର୍ଡ ହ୍ୟାରିଙ୍କ ଏକ ମୌଖିକ ପ୍ରଶ୍ନରୁ ଏହି ବିତର୍କ ଆରମ୍ଭ ହୋଇଥିଲା, 'ମିଶନାରୀ ଅଫ୍ ଚାରିଟି ଏବଂ ଅନ୍ୟାନ୍ୟ ଏନଜିଓ ପାଇଁ ବିଦେଶୀ ଅର୍ଥକୁ ରୋକିବା' ବିଷୟରେ ବ୍ରିଟେନ ସରକାର ଭାରତ ସରକାରଙ୍କ ସହ କ'ଣ ଆଲୋଚନା କରିଛନ୍ତି ବୋଲି ପ୍ରଶ୍ନ କରାଯାଇଥିଲା ।
Click it and Unblock the Notifications
Sign in with Google