ଫସି ରହିଥିବା ଭାରତୀୟ ଛାତ୍ରଙ୍କ ପାଇଁ ସରକାର ଚିନ୍ତିତ, ସଚେତନ ଏବଂ ନିରାପଦ ରହିବାକୁ ପରାମର୍ଶ : ବୈଦେଶିକ ବ୍ୟାପାର ମନ୍ତ୍ରାଳୟ

ବୈଦେଶିକ ବ୍ୟାପାର ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚି କହିଛନ୍ତି ଯେ ୟୁକ୍ରେନର ସୁମିରେ ଭାରତୀୟ ଛାତ୍ରମାନଙ୍କ ପାଇଁ ଭାରତ ସରକାର ବହୁତ ଚିନ୍ତିତ । ସମସ୍ତ ଭାରତୀୟ ଛାତ୍ରଙ୍କୁ ୟୁକ୍ରେନରେ ସତର୍କ ଏବଂ ନିରାପଦ ରହିବାକୁ କୁହାଯାଇଛି ।

ନୂଆଦିଲ୍ଲୀ : 'ଅପରେସନ୍ ଗଙ୍ଗା' ଅଧୀନରେ ରୁଷ ଏବଂ ୟୁକ୍ରେନରେ ସଙ୍କଟରେ ଫସି ରହିଥିବା ଭାରତୀୟ ଛାତ୍ରମାନଙ୍କୁ ଫେରାଇ ଆଣିବା କାମ ଚାଲିଛି । ବର୍ତ୍ତମାନ ପର୍ଯ୍ୟନ୍ତ ହଜାର ହଜାର ଭାରତୀୟ ଛାତ୍ର ଏବଂ ପ୍ରବାସୀ ଭାରତୀୟଙ୍କୁ ୟୁକ୍ରେନରୁ ଭାରତକୁ ଅଣାଯାଇଛି । ଏ ବାବଦରେ ଅଧିକ ବିବରଣୀ ପ୍ରଦାନ କରି ଶନିବାର ଦିନ ବୈଦେଶିକ ବ୍ୟାପାର ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚି କହିଛନ୍ତି ଯେ ୟୁକ୍ରେନର ସୁମିରେ ଭାରତୀୟ ଛାତ୍ରମାନଙ୍କ ପାଇଁ ଭାରତ ସରକାର ବହୁତ ଚିନ୍ତିତ । ସମସ୍ତ ଭାରତୀୟ ଛାତ୍ରଙ୍କୁ ୟୁକ୍ରେନରେ ସତର୍କ ଏବଂ ନିରାପଦ ରହିବାକୁ କୁହାଯାଇଛି ।

ବୈଦେଶିକ ବ୍ୟାପାର ମନ୍ତ୍ରଣାଳୟ ତରଫରୁ ଅରିନ୍ଦମ ବାଗଚି ତାଙ୍କ ସଂକ୍ଷିପ୍ତ ବକ୍ତବ୍ୟରେ କହିଛନ୍ତି ଯେ ୟୁକ୍ରେନର ସୁମିରେ ଥିବା ଭାରତୀୟ ଛାତ୍ରମାନଙ୍କ ପାଇଁ ଆମେ ବହୁତ ଚିନ୍ତିତ । ଆମ ଛାତ୍ରମାନଙ୍କ ପାଇଁ ଏକ ସୁରକ୍ଷିତ କରିଡର ସୃଷ୍ଟି କରିବା ପାଇଁ ତୁରନ୍ତ ଅସ୍ତ୍ରବିରତି ପାଇଁ ରୁଷ ଏବଂ ୟୁକ୍ରେନ ସରକାରଙ୍କୁ ଏକାଧିକ ଚ୍ୟାନେଲ ମାଧ୍ୟମରେ ଜୋରଦାର ଚାପ ଦିଆଯାଉଛି । ଆମେ ସମସ୍ତ ଭାରତୀୟ ଛାତ୍ରଙ୍କୁ ୟୁକ୍ରେନରେ ସତର୍କ ଏବଂ ନିରାପଦ ରହିବାକୁ କହିଛୁ । ସମସ୍ତ ଛାତ୍ର ଏକ ନିରାପଦ ସ୍ଥାନରେ ରହିବା ଉଚିତ ଏବଂ ଅନାବଶ୍ୟକ ବିପଦ ନ ନେବା ଉଚିତ୍ । ବୈଦେଶିକ ବ୍ୟାପାର ମନ୍ତ୍ରଣାଳୟ ଏବଂ ଆମର ଦୂତାବାସ ଛାତ୍ରମାନଙ୍କ ସହିତ ନିରନ୍ତର ଯୋଗାଯୋଗରେ ଅଛନ୍ତି ।

We are deeply concerned about Indian students in Sumy, Ukraine. Have strongly pressed Russian and Ukrainian governments through multiple channels for an immediate ceasefire to create a safe corridor for our students: Arindam Bagchi, MEA Spokesperson stated in a tweet

(file pic) pic.twitter.com/Q7GmKyMBH4

— ANI (@ANI) March 5, 2022

ଅନ୍ୟପକ୍ଷରେ 'ଅପରେସନ୍ ଗଙ୍ଗା' ଅଧିନରେ ଭାରତୀୟ ଛାତ୍ରମାନଙ୍କୁ ୟୁକ୍ରେନରୁ ବାହାର କରିବା ଅଭିଯାନରେ ଜଡିତ ଥିବା କେନ୍ଦ୍ର ମନ୍ତ୍ରୀ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ଶନିବାର ଟ୍ୱିଟ୍ କରି କହିଛନ୍ତି ଯେ ଗତ ଏକ ସପ୍ତାହ ମଧ୍ୟରେ 6 ହଜାରରୁ ଅଧିକ ଛାତ୍ରଛାତ୍ରୀ ଭାରତ ଫେରିଛନ୍ତି । ସେ ଟ୍ୱିଟରେ ଲେଖିଛନ୍ତି ଯେ, ଗତ 7 ଦିନ ମଧ୍ୟରେ ରୋମାନିଆ ଏବଂ ମାଲଡୋଭା ଠାରୁ 6,222 ଭାରତୀୟଙ୍କୁ ସ୍ଥାନାନ୍ତର କରାଯାଇଛି । ଛାତ୍ରମାନଙ୍କୁ ବୁଖାରେଷ୍ଟ (ସୀମାଠାରୁ 500 କିଲୋମିଟର) ପରିବର୍ତ୍ତେ ସୁକେଭା (ସୀମାଠାରୁ 50 କିଲୋମିଟର) ବିମାନ ଚଳାଚଳ ପାଇଁ ଅଣାଯାଇଥିଲା । ଆସନ୍ତା 2 ଦିନରେ 1,050 ଛାତ୍ରଙ୍କୁ ସ୍ଥାନାନ୍ତର କରାଯିବ ।

English summary

MEA said Government concerned about Indian students trapped in Sumi Ukraine