ଶହୀଦ କର୍ଣ୍ଣେଲ ସନ୍ତୋଷ ବାବୁଙ୍କୁ ମହାବୀର ଚକ୍ର

ଲଦାଖ ସେକ୍ଟରର ଗଲୱାନ ଉପତ୍ୟକାରେ ଚୀନ୍ ସୈନ୍ୟଙ୍କ ସହ ସଂଘର୍ଷରେ ସହିଦ ହୋଇଥିବା କର୍ଣ୍ଣେଲ ସନ୍ତୋଷ ବାବୁଙ୍କୁ ଆଜି (ମଙ୍ଗଳବାର) ମରୋଣତ୍ତର ମହାବୀର ଚକ୍ରରେ ସମ୍ମାନିତ କରାଯାଇଛି ।

Updated: Tuesday, November 23, 2021, 12:06 [IST]

ନୂଆଦିଲ୍ଲୀ : ଲଦାଖ ସେକ୍ଟରର ଗଲୱାନ ଉପତ୍ୟକାରେ ଚୀନ୍ ସୈନ୍ୟଙ୍କ ସହ ସଂଘର୍ଷରେ ସହିଦ ହୋଇଥିବା କର୍ଣ୍ଣେଲ ସନ୍ତୋଷ ବାବୁଙ୍କୁ ଆଜି (ମଙ୍ଗଳବାର) ମରୋଣତ୍ତର ମହାବୀର ଚକ୍ରରେ ସମ୍ମାନିତ କରାଯାଇଛି । ତାଙ୍କ ବ୍ୟତୀତ ଏହି ସଂଘର୍ଷରେ ଶହୀଦ ହୋଇଥିବା ଚାରିଜଣ ସୈନିକଙ୍କୁ ମଧ୍ୟ ଏହି ପୁରସ୍କାର ପ୍ରଦାନ କରାଯାଇଛି । ତାଙ୍କ ମାତା ଓ ସ୍ତ୍ରୀ ରାଷ୍ଟ୍ରପତି ଭବନରେ ରାଷ୍ଟ୍ରପତି ରାମ ନାଥ କୋବିନ୍ଦଙ୍କ ଠାରୁ ମହାବୀର ଚକ୍ର ଗ୍ରହଣ କରିଛନ୍ତି । ଏଥି ସହିତ, ସୋମବାର ଅନୁଷ୍ଠିତ ସମାରୋହରେ ୱିଙ୍ଗ କମାଣ୍ଡର (ବର୍ତ୍ତମାନ ଗ୍ରୁପ୍ କ୍ୟାପଟେନ୍) ଅଭିନନ୍ଦନ ଏବଂ ଅନ୍ୟ ସାହସୀ ସୈନିକମାନଙ୍କୁ ସେମାନଙ୍କର ସାହସିକତା ପାଇଁ ସମ୍ମାନିତ କରାଯାଇଥିଲା ।

ଓଡ଼ିଆ ସହିଦ ନାଏବ ସୁବେଦାର ନୁଦୁରାମ ସୋରେନଙ୍କୁ ବୀରଚକ୍ର ପ୍ରଦାନ କରାଯାଇଛି । ଓଡ଼ିଆ ଯବାନ ନାଏବ ସୁବେଦାର ନୁଦୁରାମ ସୋରେନଙ୍କ ପତ୍ନୀ ବୀରଚକ୍ର ଗ୍ରହଣ କରିଛନ୍ତି । ସେହିପରି ଗଲଓ୍ବାନ ସଂଘର୍ଷ ବେଳେ ସହିଦ ହୋଇଥିବା ହାବଲଦାର କେ.ପଲାନି, ସିପାହୀ ଗୁରୁତେଜ ସିଂ ଓ ନାଏକ ଦିପକ ସିଂଙ୍କୁ ବୀର ଚକ୍ର ପ୍ରଦାନ କରାଯାଇଛି ।

ଗଲୱାନ ଉପତ୍ୟକାରେ ଅପରେସନ୍ 'ସ୍ନୋ-ଲିଓପାଡ଼' ସମୟରେ ଚୀନ୍ ସେନା ସହ ହିଂସାତ୍ମକ ସଂଘର୍ଷରେ କର୍ଣ୍ଣେଲ ସନ୍ତୋଷ ବାବୁଙ୍କ ସମେତ 20 ଜଣ ସହିଦ ହୋଇଥିଲେ । ଚଳିତ ବର୍ଷ ଗଣତନ୍ତ୍ର ଦିବସ ଅବସରରେ ଗଲଭାନ ଉପତ୍ୟକାରେ ସହିଦ ସୈନିକମାନଙ୍କୁ ବୀର ଚକ୍ର ପ୍ରଦାନ କରିବାକୁ ଘୋଷଣା କରାଯାଇଥିଲା ।

Col Santosh Babu to receive the Mahavir Chakra posthumously today for resisting the Chinese Army attack while establishing an observation post in the face of the enemy in the Galwan valley in the Ladakh sector during the ongoing Operation Snow Leopard. pic.twitter.com/ALknSt3oBF
— ANI (@ANI) November 23, 2021