ବଢ଼ିଲା କଟକଣା : ଆସନ୍ତାକାଲି ସନ୍ଧ୍ୟା 6 ରୁ ହରିୟାଣାରେ ସବୁ ଦୋକାନ ବଜାର ବନ୍ଦ

ନୂଆଦିଲ୍ଲୀ: କରୋନା ସଂକ୍ରମଣକୁ ରୋକିବାକୁ ହରିୟାଣା ସରକାର କଟକଣାକୁ କଡ଼ା କରିଛନ୍ତି। ରାଜ୍ୟରେ ସମସ୍ତ ପ୍ରକାର ଦୋକାନ ବଜାର ବନ୍ଦ କରିବା ସହିତ ଅନାବଶ୍ୟକ ଭିଡ଼କୁ ବ୍ୟାନ କରିଛନ୍ତି ସରକାର । ଏନେଇ ଟ୍ୱିଟ୍ କରି ହରିୟାଣା ସ୍ୱାସ୍ଥ୍ୟମନ୍ତ୍ରୀ ଅନୀଲ ବିଜ୍ ଘୋଷଣା କରିଛନ୍ତି ।

ଆସନ୍ତାକାଲି ସନ୍ଧ୍ୟା 6ଟାରୁ ହରିୟାଣାରେ ସମସ୍ତ ପ୍ରକାର ଦୋକାନ ବଜାର ବନ୍ଦ ରହିବ। ସମସ୍ତ ଅନାବଶ୍ୟକ ଭିଡ଼କୁ ବ୍ୟାନ୍‌ କରାଯାଇଛି । ଯଦି କେହି କୌଣସି କାର୍ଯ୍ୟକ୍ରମ ବା ଉତ୍ସବ କରନ୍ତି ତେବେ ନିର୍ଦ୍ଧାରିତ ଲୋକ ଅନୁମତି ସହିତ ଏସ୍‌ଡିଏମ୍‌ଙ୍କ ପରାମର୍ଶ ନେବା ଜରୁରୀ ବୋଲି ସେ ଟ୍ୱିଟ୍ କରିଛନ୍ତି ।"

All shops will remain closed from 6 pm onward in Haryana from Tomorrow, all non essential gatherings are banned, anybody holding any function within prescribed limit will have to seek permission from concerned SDM.

— ANIL VIJ MINISTER HARYANA (@anilvijminister) April 22, 2021

ଅନ୍ୟ ରାଜ୍ୟ ଭଳି ହରିଆଣାରେ ମଧ୍ୟ କରୋନା ସଂକ୍ରମଣ ବଢିବାରେ ଲାଗିଛି । ତିନି ସପ୍ତାହରୁ ବି କମ୍‌ ସମୟରେ ରାଜ୍ୟରେ 73 ହଜାର କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ରାଜ୍ୟ ସ୍ୱାସ୍ଥ୍ୟ ବିଭାଗ ଅନୁସାରେ 31 ମାର୍ଚ୍ଚରୁ ଏପର୍ଯ୍ୟନ୍ତ 300 ଲୋକଙ୍କର ମୃତ୍ୟୁ ମଧ୍ୟ ହୋଇସାରିଲାଣି ।

ସେହିପରି ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା 3 ଲକ୍ଷ 81 ହଜାର 275 ହୋଇଥିବା ବେଳେ ମୋଟ 3528 ଜଣଙ୍କର କରୋନାରେ ମୃତ୍ୟୁ ହୋଇସାରିଲାଣି ।

English summary

Market Close In Haryana From Tomorrow