ମଣିପୁର ହିଂସା: ଉତ୍ତେଜନା କାରଣରୁ ଜୁଲାଇ 8 ପର୍ଯ୍ୟନ୍ତ ରାଜ୍ୟର ସମସ୍ତ ସ୍କୁଲ ବନ୍ଦ
ଜାତିଗତ ହିଂସା ହେତୁ ମଣିପୁରରେ ଗତ କିଛି ଦିନ ହେବ ଉତ୍ତେଜନା ଲାଗି ରହିଛି । ମେ ମାସ ଆରମ୍ଭରୁ ଆରମ୍ଭ ହୋଇଥିବା ହିଂସା ବନ୍ଦ ହେବାର ନାମ ନେଉନାହିଁ । ହିଂସା କାରଣରୁ ରାଜ୍ୟରେ ଅଶାନ୍ତି ଓ ଉତ୍ତେଜନା ବ୍ୟାପିଥିବାରୁ ରାଜ୍ୟ ସରକାର ଜୁଲାଇ 8 ପର୍ଯ୍ୟନ୍ତ ସମସ୍ତ ବିଦ୍ୟାଳୟ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି ।
ରାଜ୍ୟରେ ଚାଲିଥିବା ଉତ୍ତେଜନାକୁ ଦୃଷ୍ଟିରେ ରଖି ସରକାର ଜୁଲାଇ 30 ପର୍ଯ୍ୟନ୍ତ ସମସ୍ତ ସ୍କୁଲ ବନ୍ଦ ରଖିବାକୁ ନିର୍ଦ୍ଦେଶ ଦେଇଥିଲେ । ଏହା ପରେ ପରିସ୍ଥିତିକୁ ନଜରରେ ରଖି ଏହାକୁ ବୃଦ୍ଧି କରାଯାଇଛି ।
ମଣିପୁରରେ 19 ଜୁନ୍ 2023 ରେ ସମସ୍ତ ବିଦ୍ୟାଳୟ ପୁନଃ ଆରମ୍ଭ କରିବାକୁ ନିର୍ଦ୍ଦେଶ ଦେଇଥିଲା, କିନ୍ତୁ ରାଜ୍ୟ ସରକାର ଶୁକ୍ରବାର ଦିନ ସମସ୍ତ ବିଦ୍ୟାଳୟରେ ସାଧାରଣ ଶ୍ରେଣୀ ଆରମ୍ଭ କରିବାକୁ ନିର୍ଦ୍ଦେଶକୁ ସ୍ଥଗିତ ରଖିଥିଲେ ଏବଂ ଜୁଲାଇ 8 ପର୍ଯ୍ୟନ୍ତ ସାରା ରାଜ୍ୟରେ ସ୍କୁଲ ବନ୍ଦ କରିବାକୁ ନିର୍ଦ୍ଦେଶ ଦେଇଥିଲେ ।
ଜୁନ୍ 30 ରେ ଜାରି କରାଯାଇଥିବା ଏକ ଲିଖିତ ଆଦେଶରେ ସରକାର କହିଛନ୍ତି ଯେ ପରବର୍ତ୍ତୀ ନିର୍ଦ୍ଦେଶ ଜାରି ନହେବା ପର୍ଯ୍ୟନ୍ତ ସମସ୍ତ ବିଦ୍ୟାଳୟ ଜୁଲାଇ 8 ପର୍ଯ୍ୟନ୍ତ ବନ୍ଦ ରହିବ ।
ରାଜ୍ୟ ସରକାର ତାଙ୍କ ନିର୍ଦ୍ଦେଶରେ ଲେଖିଛନ୍ତି ଯେ, ମଣିପୁରର ଶିକ୍ଷା-ବିଦ୍ୟାଳୟ ବିଭାଗ ଅଧୀନରେ ଥିବା ସମସ୍ତ ଆଞ୍ଚଳିକ ଶିକ୍ଷା ଅଧିକାରୀଙ୍କୁ ସଂପୃକ୍ତ ସମସ୍ତଙ୍କୁ ଅବଗତ କରାଇବାକୁ ଏବଂ ସେହି ଅନୁଯାୟୀ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦିଆଯାଇଛି ।
ଆପଣଙ୍କୁ କହି ରଖୁଛୁ ଜାତିଗତ ହିଂସା ହେତୁ ମଣିପୁର ଗତ ଦୁଇ ମାସ ଧରି ଜଳୁଛି । ରାଜ୍ୟ ପୋଲିସର ରିପୋର୍ଟ ଅନୁଯାୟୀ ଗତ 24 ଘଣ୍ଟା ମଧ୍ୟରେ ମଣିପୁରର କିଛି ସ୍ଥାନରେ ଗୁଳି ବିନିମୟ ଘଟଣା ଘଟିଥିଲା, ଯେଉଁ କାରଣରୁ କେତେକ ଅଞ୍ଚଳରେ ପରିସ୍ଥିତି ଉତ୍ତେଜନାପୂର୍ଣ୍ଣ ରହିଥିଲା । ମଣିପୁରର ଅଧିକାଂଶ ଜିଲ୍ଲାରେ ପରିସ୍ଥିତି ନିୟନ୍ତ୍ରଣରେ ରହିଛି ଏବଂ ସ୍ୱାଭାବିକ ଅବସ୍ଥା ଫେରି ଆସୁଛି ବୋଲି ଅଧିକାରୀମାନେ ସୂଚନା ଦେଇଛନ୍ତି ।
Click it and Unblock the Notifications
Sign in with Google