Manipur Violence : ଚୁରାଚାନ୍ଦପୁର ଜିଲ୍ଲାରେ ପ୍ରବଳ ଗୁଳି ବିନିମୟ
Manipur Violence : ମଣିପୁରର ଅନେକ ସହରରେ ପରିସ୍ଥିତି ଗୁରୁତର ରହିଛି । ଦୀର୍ଘ ଦୁଇ ମାସରୁ ଅଧିକ ସମୟ ଧରି ମଣିପୁରରେ ଜାତିଗତ ହିଂସା ଲାଗି ରହିଛି । ବର୍ତ୍ତମାନ ଚୁରଚାନ୍ଦପୁର ଜିଲ୍ଲାରୁ ପୁଣି ହିଂସା ଖବର ଆସୁଛି । ଖବର ଅନୁଯାୟୀ, ଚୁରାଚାନ୍ଦପୁର ଜିଲ୍ଲାର ଥୋରବଙ୍ଗ ଅଞ୍ଚଳରେ ପ୍ରବଳ ଗୁଳି ବିନିମୟ ହୋଇଛି ।
ତେବେ ବର୍ତ୍ତମାନ ସୁଦ୍ଧା ଏହି ଗୁଳି ବିନିମୟରେ କେତେ ଲୋକ ପ୍ରାଣ ହରାଇଛନ୍ତି ସେ ସମ୍ପର୍କରେ କୌଣସି ସୂଚନା ମିଳି ପାରନିନାହିଁ । ଚୁରଚାନ୍ଦପୁର ଜିଲ୍ଲାର ଥୋରବଙ୍ଗ ଅଞ୍ଚଳ ସବୁଠାରୁ ସମ୍ବେଦନଶୀଳ ପାଲଟିଛି ।
ଏହି ସପ୍ତାହ ପୂର୍ବରୁ, ସଶସ୍ତ୍ର ଉପଦ୍ରବୀ ଚୁରାଚାନ୍ଦପୁର ଜିଲ୍ଲାର ତୋରବଙ୍ଗ ବଜାର ଅଞ୍ଚଳରେ ଅତି କମରେ 10 ଟି ଘର ଏବଂ ଏକ ସ୍କୁଲରେ ନିଆଁ ଲଗାଇ ଦେଇଥିଲେ । ପୋଲିସ କହିଛି ଯେ ଦୁଇ ଦିନ ପୂର୍ବେ ହୋଇଥିବା ଏହି ଆକ୍ରମଣରେ ଶହ ଶହ ମହିଳାଙ୍କ ନେତୃତ୍ୱରେ ଉପଦ୍ରବୀ ଅନେକ ରାଉଣ୍ଡ ଗୁଳି ଚଳାଇ ସ୍ଥାନୀୟ ଅଞ୍ଚଳରେ ବୋମା ଫିଙ୍ଗିଥିଲେ ।
ଆପଣଙ୍କୁ କହି ରଖୁଛୁ ମଣିପୁରର ବିଭିନ୍ନ ଜିଲ୍ଲାରୁ ହିଂସା ଖବର ଆସୁଛି । ମଙ୍ଗଳବାର ଦିନ କାଙ୍ଗପୋକପି ଜିଲ୍ଲାର ସାପର୍ମିନାରେ ଦୁଇଟି ବସ୍ ଜଳିଯିବା ମାମଲା ସାମ୍ନାକୁ ଆସିଛି । ଏହି ମାମଲାରେ ନାବାଳିକା ସମେତ 9 ଜଣଙ୍କୁ ପୋଲିସ ଗିରଫ କରିଥିଲା ।
ଏହାପୂର୍ବରୁ କାଙ୍ଗପୋକପି ଜିଲ୍ଲାର ସାପୋର୍ମିନାରେ ହୋଇଥିବା ଅନ୍ୟ ଏକ ଘଟଣାରେ ସୁରକ୍ଷା ବାହିନୀ ଦ୍ୱାରା କର୍ମଚାରୀ ପରିବହନ ପାଇଁ ବ୍ୟବହୃତ ଦୁଇଟି ବସ୍ରେ ଉପଦ୍ରବୀ ନିଆଁ ଲଗାଇ ଦେଇଥିଲେ । ତେବେ ଉଭୟ ଘଟଣାରେ କେହି ଆହତ ହୋଇନାହାଁନ୍ତି । ମଣିପୁରର ମୋରେହ ସହରରେ ବୁଧବାର ଦିନ ଅନେକ ଘରେ ନିଆଁ ଲାଗିଯାଇଥିଲା ଏବଂ ଏହି ଅଞ୍ଚଳରେ ଗୁଳି ବିନିମୟ ମଧ୍ୟ ଦେଖିବାକୁ ମିଳିଥିଲା । ତେବେ ଅପରାହ୍ନ ସୁଦ୍ଧା ସୁରକ୍ଷା କର୍ମୀମାନେ ପରିସ୍ଥିତିକୁ ନିୟନ୍ତ୍ରଣକୁ ଆଣିଥିଲେ ।
Click it and Unblock the Notifications
Sign in with Google