ମଣିପୁର ଭୂ ସ୍ଖଳନ : 18 ଜଣ ହେଲେ ଉଦ୍ଧାର, 10 କୁ ବୃଦ୍ଧି ପାଇଲା ମୃତ୍ୟୁ ସଂଖ୍ୟା

13 ଜଣ ଟେରିଟେରାଲ୍ ଆର୍ମି କର୍ମଚାରୀ ଏବଂ 5 ଜଣ ସାଧାରଣ ନାଗରିକଙ୍କ ସମେତ 18 ଜଣଙ୍କୁ ଉଦ୍ଧାର କରାଯାଇଛି । ଏଥିସହିତ ବର୍ତ୍ତମାନ ସୁଦ୍ଧା ମୋଟ 10 ଜଣଙ୍କ ମୃତଦେହ ଉଦ୍ଧାର କରାଯାଇଛି । ଯେଉଁଥିରେ 9 ଜଣ ଟେରିଟୋରିଆଲ୍ ଆର୍ମି କର୍ମଚାରୀ ଅଟନ୍ତି ।

Published: Friday, July 1, 2022, 15:23 [IST]

ଇମ୍ଫାଲ : ମଣିପୁରର ନୋନି ଜିଲ୍ଲାରେ ବୁଧବାର ଦିନ ଏକ ବଡ଼ ଧରଣର ଭୂସ୍ଖଳନ ହୋଇଥିଲା ଯେଉଁଥିରେ ଟେରିଟୋରିଆଲ୍ ଆର୍ମି କ୍ୟାମ୍ପ କ୍ଷତିଗ୍ରସ୍ତ ହୋଇଛି । ଏହି ଘଟଣା ପରେ ଭାରତୀୟ ସେନା, ଆସାମ ରାଇଫଲ୍ସ, ମଣିପୁର ପୋଲିସ ଏବଂ ଏନଡିଆରଏଫ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । 13 ଜଣ ଟେରିଟେରାଲ୍ ଆର୍ମି କର୍ମଚାରୀ ଏବଂ 5 ଜଣ ସାଧାରଣ ନାଗରିକଙ୍କ ସମେତ 18 ଜଣଙ୍କୁ ଉଦ୍ଧାର କରାଯାଇଛି । ଏଥିସହିତ ବର୍ତ୍ତମାନ ସୁଦ୍ଧା ମୋଟ 10 ଜଣଙ୍କ ମୃତଦେହ ଉଦ୍ଧାର କରାଯାଇଛି । ଯେଉଁଥିରେ 9 ଜଣ ଟେରିଟୋରିଆଲ୍ ଆର୍ମି କର୍ମଚାରୀ ଅଟନ୍ତି ।

ଘଟଣାସ୍ଥଳରେ ଉପସ୍ଥିତ ଡିଜିପି ପି ଡୌଙ୍ଗେଲ କହିଛନ୍ତି ଯେ ଆମେ କଠିନ ପରିଶ୍ରମ କରୁଛୁ କିନ୍ତୁ ବର୍ଷା ହେତୁ ଉଦ୍ଧାର କାର୍ଯ୍ୟରେ ସମସ୍ୟା ଦେଖାଦେଇଛି । ଏହି ଅପରେସନରେ ବାୟୁସେନାର ସହାୟତା ମଧ୍ୟ ନିଆଯାଉଛି । ଭୂସ୍ଖଳନ ହେବାର କାରଣ ସମ୍ପର୍କରେ ସେ କହିଛନ୍ତି ଯେ ନିକଟରେ ରେଳ ଲାଇନ କାମ ଚାଲିଛି, ଭୂକମ୍ପ ଯୋଗୁଁ ଏହି ଘଟଣା ଘଟିଛି । ଏହି ଘଟଣାରେ କେତେ ଲୋକ ନିଖୋଜ ହୋଇଯାଇଛନ୍ତି ସେ ସମ୍ପର୍କରେ କୌଣସି ସ୍ପଷ୍ଚ ସୂଚନା ନାହିଁ ବୋଲି ସେ କହିଛନ୍ତି । ଉଦ୍ଧାର କାର୍ଯ୍ୟ ଶେଷ ହେବା ପରେ ହିଁ ସମ୍ପୂର୍ଣ୍ଣ ଆକଳନ ବାହାରକୁ ଆସିବ ।

ଆପଣଙ୍କୁ କହି ରଖୁଛୁ ଜିରୀବାମକୁ ଇମ୍ଫାଲ ସହିତ ସଂଯୋଗ କରିବା ପାଇଁ ଏକ ରେଳ ଲାଇନ ନିର୍ମାଣ କରାଯାଉଛି । ଏହାର ସୁରକ୍ଷା ପାଇଁ 107 ଟେରିଟୋରିଆଲ୍ ଆର୍ମି କର୍ମଚାରୀ ନିୟୋଜିତ ହୋଇଥିଲେ । ବୁଧବାର ରାତିରେ ଏକ ବଡ଼ ଧରଣର ଭୂସ୍ଖଳନ ହୋଇଥିଲା । ଏହା ପରେ ଗୁରୁବାର ସକାଳେ ସେନା, ଆସାମ ରାଇଫଲ୍ସ, ମଣିପୁର ପୋଲିସ ଦ୍ୱାରା ଏକ ବିଶାଳ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା ।

Published On July 1, 2022