ଓଭରଟେକ୍ ହେଲା କାଳ; ଉତ୍ତର ପ୍ରଦେଶ ଶାହାଜାହାନପୁରରେ ଭୟଙ୍କର ଦୁର୍ଘଟଣା, 11 ଜଣଙ୍କର ମୃତ୍ୟୁ
ଲକ୍ଷ୍ନୌ : ଉତ୍ତରପ୍ରଦେଶ ଶାହାଜାହାନପୁରରେ ଶନିବାର ଏକ ଭୟଙ୍କର ସଡ଼କ ଦୁର୍ଘଟଣା ଖବରସ ସାମ୍ନାକୁ ଆସିଛି । ଏଥିରେ 11 ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ପିଲାମାନେ ମଧ୍ୟ ଅଛନ୍ତି । ଏହା ସହିତ ଅନେକ ଲୋକଙ୍କ ଆଘାତ ହେବାର ଖବର ମଧ୍ୟ ରହିଛି ।
କୁହାଯାଉଛି ଯେ 40 ଜଣ ଲୋକ ଭର୍ତ୍ତି ଏକ ଟ୍ରଲି ହଠାତ୍ ଗରା ନଦୀରେ ଖସିପଡିଥିଲା । ଗଣମାଧ୍ୟମ ରିପୋର୍ଟ ଅନୁଯାୟୀ, ଶାହାଜାହାନପୁର ଜିଲ୍ଲାର ତିଲହର ପୋଲିସ ଷ୍ଟେସନ ଅନ୍ତର୍ଗତ ବିରିସିଂପୁର ଗ୍ରାମ ନିକଟରେ ଏହି ଦୁର୍ଘଟଣା ଘଟିଛି । କୁହାଯାଉଛି ଯେ ଅଜମତ୍ପୁର ଗ୍ରାମରେ ଆୟୋଜିତ ଭାଗବତ କଥା ପାଇଁ ଲୋକମାନେ ଶନିବାର ଅପରାହ୍ନରେ ଗରା ନଦୀରୁ ପାଣି ଆଣିବା ପାଇଁ ଦୁଇଟି ଟ୍ରଲିରେ ଯାଇଥିଲେ ।
ନଦୀରୁ ପାଣି ଭରି ସମସ୍ତ ଗ୍ରାମବାସୀ ଗାଁକୁ ଫେରୁଥିଲେ । ଏହି ସମୟରେ ଉଭୟ ଗାଡ଼ି ମଧ୍ୟରେ ଆଗକୁ ଯିବା ନେଇ ପ୍ରତିଯୋଗିତା କରିଥିଲେ । ଦୁହେଁ ପରସ୍ପରକୁ ଓଭରଟେକ୍ କରିବାକୁ ଚେଷ୍ଟା କରିବା ବେଳେ ଗୋଟିଏ ଗାଡ଼ି ଭାରସାମ୍ୟ ହରାଇ ବ୍ରିଜରୁ ଖସିପଡିଥିଲା । ଟ୍ରଲିରେ ପ୍ରାୟ 42 ଜଣ ଥିଲେ ।
କୁହାଯାଉଛି ଯେ ଏହି ଦୁର୍ଘଟଣାରେ ଏପର୍ଯ୍ୟନ୍ତ 11 ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଶିଶୁ ଓ ମହିଳା ମଧ୍ୟ ଅଛନ୍ତି । 31 ଜଣ ଗୁରୁତର ଆହତ ହୋଇଥିବା କୁହାଯାଉଛି । ଦୁର୍ଘଟଣାର ଖବର ପାଇବା ପରେ କୋଟୱାଲ ରାଜକୁମାର ଶର୍ମା ଭାରୀ ପୋଲିସ ଫୋର୍ସ ସହିତ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ଅନେକ ଆମ୍ବୁଲାନ୍ସ ଯୋଗେ ଡାକ୍ତରଖାନାକୁ ପଠାଇଥିଲେ ।
ଶାହାଜାହାନପୁରର ଗରା ନଦୀରେ ଘଟିଥିବା ଦୁର୍ଘଟଣାରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଗଭୀର ଦୁଃଖ ପ୍ରକାଶ କରିଛନ୍ତି । ମୃତକଙ୍କ ଆତ୍ମାର ଶାନ୍ତି କାମନା କରି ମୁଖ୍ୟମନ୍ତ୍ରୀ ଶୋକସନ୍ତପ୍ତ ପରିବାର ସଦସ୍ୟଙ୍କୁ ସମବେଦନା ଜଣାଇଛନ୍ତି । ଏହା ସହିତ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଆହତମାନଙ୍କୁ ତୁରନ୍ତ ଚିକିତ୍ସା ପାଇଁ ତୁରନ୍ତ ଡାକ୍ତରଖାନା ନେବାକୁ ଜିଲ୍ଲା ପ୍ରଶାସନର ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି । ଏହା ସହିତ ଆହତଙ୍କ ଶୀଘ୍ର ଆରୋଗ୍ୟ କାମନା ମଧ୍ୟ କରିଛନ୍ତି ।
Click it and Unblock the Notifications
Sign in with Google