ଲକ୍ଷ୍ମୀପୁର ହିଂସାକୁ ବିରୋଧ କରି ଅକ୍ଟୋବର 11 ରେ ମହାରାଷ୍ଟ୍ର ସରକାରଙ୍କ ବନ୍ଦ ଡାକରା, ଜାଣନ୍ତୁ କଣ ଖୋଲିବ, କଣ ରହିବ ବନ୍ଦ
ଉତ୍ତରପ୍ରଦେଶର ଲକ୍ଷ୍ମୀପୁର ଖେରୀରେ ହୋଇଥିବା ହିଂସାକୁ ବିରୋଧ କରି ମହାରାଷ୍ଟ୍ର ସରକାର ଅକ୍ଟୋବର 11 ରେ ମହାରାଷ୍ଟ୍ର ବନ୍ଦ ଡାକରା ଘୋଷଣା କରିଛନ୍ତି ।
ମୁମ୍ବାଇ : ଉତ୍ତରପ୍ରଦେଶର ଲକ୍ଷ୍ମୀପୁର ଖେରୀରେ ହୋଇଥିବା ହିଂସାକୁ ବିରୋଧ କରି ମହାରାଷ୍ଟ୍ର ସରକାର ଅକ୍ଟୋବର 11 ରେ ମହାରାଷ୍ଟ୍ର ବନ୍ଦ ଡାକରା ଘୋଷଣା କରିଛନ୍ତି । ଏ ବାବଦରେ ମହାରାଷ୍ଟ୍ର ସରକାର ଶନିବାର କହିଛନ୍ତି ଯେ ମହାରାଷ୍ଟ୍ର ବନ୍ଦରୁ ଆମେ କହିବାକୁ ଚାହୁଁଛୁ ଯେ ମହାରାଷ୍ଟ୍ର ସରକାର ହିଂସାରେ ନିହତ କୃଷକ ଏବଂ ସେମାନଙ୍କ ପରିବାରଙ୍କ ସହ ଅଛନ୍ତି । ଏଥି ସହ ଶିବସେନା ନେତା ସଞ୍ଜୟ ରାଉତ କହିଛନ୍ତି ଯେ କେନ୍ଦ୍ର ସରକାରଙ୍କ କୃଷକ ବିରୋଧୀ ଆଇନ ବିରୁଦ୍ଧରେ ଦେଶର ଲୋକଙ୍କୁ ଜାଗ୍ରତ କରିବା ଜରୁରୀ ହୋଇପଡିଛି । ସେ କହିଛନ୍ତି ଯେ କୃଷି ଆଇନ ବିରୋଧରେ ଲଢେଇରେ କୃଷକ ଏକା ନୁହଁନ୍ତି, ମହାରାଷ୍ଟ୍ର ସରକାର ସେମାନଙ୍କ ସହ ଅଛନ୍ତି । ସେ କହିଛନ୍ତି ଯେ ମହାରାଷ୍ଟ୍ର ସରକାରଙ୍କ ତିନିଟି ମିଳିତ ଦଳ ମହାରାଷ୍ଟ୍ର ବନ୍ଦରେ ସକ୍ରିୟ ଅଂଶଗ୍ରହଣ କରିବେ ।
ସେ ଆହୁରି କହିଛନ୍ତି, ଲକ୍ଷ୍ମୀପୁର ଖେରୀରେ ଯାହା ଘଟିଥିଲା ତାହା ଗଣତନ୍ତ୍ରର ହତ୍ୟା । ସେଠାରେ ନିୟମର ଉଲ୍ଲଂଘନ ହୋଇଥିଲା, ଦେଶର ଅନ୍ନାଦାତା ଚାଷୀଙ୍କୁ ହତ୍ୟା କରିବା ପାଇଁ ଷଡଯନ୍ତ୍ର କରାଯାଇଥିଲା । ଆମେ ଏକଜୁଟ ହେବା ପାଇଁ ଲୋକଙ୍କୁ ନିବେଦନ କରୁଛୁ । ଆମକୁ ଗୋଟିଏ ଦିନ ପାଇଁ କାମ ବନ୍ଦ କରିବାକୁ ପଡିବ । ଦୋକାନୀମାନେ ନିଜ ଦୋକାନକୁ ନିଜେ ବନ୍ଦ ରଖିବା ଉଚିତ୍ । ତିନି ଦଳର କର୍ମକର୍ତ୍ତାମାନେ ଦୋକାନ, ପ୍ରତିଷ୍ଠାନ ଏବଂ ଲୋକଙ୍କୁ କୃଷକମାନଙ୍କୁ ସମର୍ଥନ ଜଣାଇବାକୁ ଅନୁରୋଧ କରିବେ । ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରିବାବେଳେ ସଞ୍ଜୟ ରାଉତ ଏହି କଥା କହିଛନ୍ତି ।
ଏହି ସମୟରେ ତାଙ୍କ ସହ ମହାରାଷ୍ଟ୍ର ସରକାରର ମନ୍ତ୍ରୀ ନବାବ ମଲିକ ଏବଂ ରାଜ୍ୟ କଂଗ୍ରେସ ମୁଖପାତ୍ର ସଚିନ ସାୱନ୍ତ ଯୋଗ ଦେଇଥିଲେ । ନବାବ ମଲିକ କହିଛନ୍ତି ଯେ ରବିବାର ମଧ୍ୟରାତ୍ରରୁ ମହାରାଷ୍ଟ୍ର ବନ୍ଦ କାର୍ଯ୍ୟକାରୀ ହେବ । ଡାକ୍ତରଖାନା, ଆମ୍ବୁଲାନ୍ସ, ମେଡିକାଲ ଷ୍ଟୋର୍, ଦୁଗ୍ଧ ଯୋଗାଣ ଭଳି ଅତ୍ୟାବଶ୍ୟକ ସେବାରେ ବାଧା ନଦେବାକୁ ଆମେ କର୍ମୀମାନଙ୍କୁ ନିବେଦନ କରୁଛୁ ।
ଏଥି ସହିତ ମହାରାଷ୍ଟ୍ର ବନ୍ଦ ସମୟରେ କୃଷି ଉତ୍ପାଦନ ବଜାର କମିଟି ବନ୍ଦ ରଖିବାକୁ ଟ୍ରେଡ ୟୁନିଅନ ନିଷ୍ପତ୍ତି ନେଇଛନ୍ତି । ଏଥି ସହିତ ଛତ୍ରପତି ଶିବାଜୀ ମାର୍କେଟ ୟାର୍ଡ ଟ୍ରେଡର୍ସ ଆସୋସିଏସନ ସୋମବାର ଦିନ ସମସ୍ତ ଫଳ, ପନିପରିବା, ପିଆଜ, ଆଳୁ ବଜାର ବନ୍ଦ ରହିବ ବୋଲି ଘୋଷଣା କରିଛି । ସୋମବାର ଦିନ ବ୍ୟବସାୟ ବନ୍ଦ ରଖିବାକୁ ବ୍ୟବସାୟୀ ସଂଘ ସମସ୍ତ ସଦସ୍ୟଙ୍କୁ ନିବେଦନ କରିଛି । ସୋମବାର କୃଷକ ଉତ୍ପାଦକୁ ବଜାରକୁ ନ ଆଣିବାକୁ ସେ କୃଷକମାନଙ୍କୁ ନିବେଦନ କରିଛନ୍ତି । ଏଥି ସହ ରାଜ୍ୟ ବିଜେପି ୟୁନିଟ୍ ମହାରାଷ୍ଟ୍ର ବନ୍ଦ ଡାକରାକୁ ନିନ୍ଦା କରିଛି । ବିରୋଧୀ ଦଳର ନେତା ଦେବେନ୍ଦ୍ର ଫଡନାଭିସ୍ କହିଛନ୍ତି ଯେ ମହାରାଷ୍ଟ୍ର ସରକାର ଲକ୍ଷ୍ମୀପୁର ଖେରୀ ମାମଲାକୁ ରାଜନୈତିକ ରଙ୍ଗ ଦେବାକୁ ଚାହୁଁଛନ୍ତି ।
Click it and Unblock the Notifications
Sign in with Google