ସ୍ଥଳ ସେନାର ନୂତନ ସେନା ମୁଖ୍ୟ ହେଲେ ଲେଫ୍ଟନାଣ୍ଟ ଜେନେରାଲ ମନୋଜ ପାଣ୍ଡେ

ଭାରତୀୟ ସ୍ଥଳ ସେନାର ନୂତନ ସେନା ମୁଖ୍ୟ ଭାବରେ ଦାୟିତ୍ୱ ଗ୍ରହଣ କରିଛନ୍ତି ଲେଫ୍ଟନାଣ୍ଟ ଜେନେରାଲ ମନୋଜ ପାଣ୍ଡେ । ମନୋଜ ପାଣ୍ଡେ ଆର୍ମି ଚିଫ୍ ଜେନେରାଲ୍ ମନୋଜ ମୁକୁନ୍ଦ ନାରଭାଣେଙ୍କ ସ୍ଥାନ ନେଇଛନ୍ତି ।

ନୂଆଦିଲ୍ଲୀ : ଭାରତୀୟ ସ୍ଥଳ ସେନାର ନୂତନ ସେନା ମୁଖ୍ୟ ଭାବରେ ଦାୟିତ୍ୱ ଗ୍ରହଣ କରିଛନ୍ତି ଲେଫ୍ଟନାଣ୍ଟ ଜେନେରାଲ ମନୋଜ ପାଣ୍ଡେ । ମନୋଜ ପାଣ୍ଡେ ଆର୍ମି ଚିଫ୍ ଜେନେରାଲ୍ ମନୋଜ ମୁକୁନ୍ଦ ନାରଭାଣେଙ୍କ ସ୍ଥାନ ନେଇଛନ୍ତି । ଏହା ସହିତ ଆର୍ମି ଷ୍ଟାଫ୍ ଭାବରେ ନିଯୁକ୍ତ ହେବାରେ ମନୋଜ ପାଣ୍ଡେ ମଧ୍ୟ ପ୍ରଥମ ଇଞ୍ଜିନିୟର ।

ଜେନେରାଲ୍ ଏମ.ଏମ ନରଭାଣେଙ୍କ କାର୍ଯ୍ୟକାଳ ଆଜି ଶେଷ ହୋଇଛି । ଭାରତୀୟ ସ୍ଥଳସେନାର 29 ତମ ମୁଖ୍ୟ ଭାବେ ଦାୟିତ୍ୱ ନେଇଛନ୍ତି ଜେନେରାଲ ମନୋଜ ପାଣ୍ଡେ ।

ଏହା ସହିତ ଲେଫ୍ଟନାଣ୍ଟ ଜେନେରାଲ ମନୋଜ ପାଣ୍ଡେ ପ୍ରଥମ ଇଞ୍ଜିନିୟର ହେବେ, ଯିଏ ଭାରତୀୟ ସେନାର କମାଣ ସମ୍ଭାଳିବେ । ଜେନେରାଲ ମନୋଜ ପାଣ୍ଡେ ଡେପୁଟି ଆର୍ମି ଚିଫ୍ ଥିଲେ । ଜାନୁଆରୀ 2022 ରେ, ସେନା କର୍ମଚାରୀଙ୍କ ଉପାଧ୍ୟକ୍ଷ ଭାବରେ ନିଯୁକ୍ତ ହୋଇଥିଲେ । ଏହାପୂର୍ବରୁ ମନୋଜ ପାଣ୍ଡେ ଇଷ୍ଟର୍ନ କମାଣ୍ଡର କମାଣ୍ଡିଂ ଅଫିସର ଭାବରେ କାର୍ଯ୍ୟ କରିଥିଲେ ଏବଂ ଆଣ୍ଡାମାନ-ନିକୋବର କମାଣ୍ଡ ର କମାଣ୍ଡର-ଇନ୍-ଚିଫ୍ ମଧ୍ୟ ଦାୟିତ୍ୱ ଗ୍ରହଣ କରିଥିଲେ । ସୂଚନା ଅନୁଯାୟୀ, ନାଗପୁରରୁ ଆସିଥିବା ଲେଫ୍ଟନାଣ୍ଟ ଜେନେରାଲ ମନୋଜ ପାଣ୍ଡେ ନ୍ୟାସନାଲ ଡିଫେନ୍ସ ଏକାଡେମୀ (ଏନଡିଏ) ର ପୂର୍ବ ଛାତ୍ର । ଡିସେମ୍ବର 1982 ରେ ତାଙ୍କୁ କର୍ପସ ଅଫ୍ ଇଞ୍ଜିନିୟର୍ସରେ ଭର୍ତ୍ତି କରାଯାଇଥିଲା ।

ମହାରାଷ୍ଟ୍ର ନାଗପୁରରେ ଜେନେରାଲ୍ ପାଣ୍ଡେଙ୍କ ଜନ୍ମ । ପ୍ରାରମ୍ଭିକ ଶିକ୍ଷା ପରେ ଜେନେରାଲ୍ ପାଣ଼୍ଡେ ନ୍ୟାସନାଲ ଡିଫେନସ ଏକାଡେମୀରେ ଭର୍ତ୍ତି ହୋଇଥିଲେ । ଏନଡିଏ ପରେ ଡେରାଡୁନର ଭାରତୀୟ ମିଲିଟାରୀ ଏକାଡେମୀରେ ବି ଯୋଗ ଦେଇଥିଲେ ଜେନେରାଲ ପାଣ୍ଡେ । 1982 ମସିହା ଡିସେମ୍ବରରେ ସେନାର କୋର୍ ଅଫ ଇଞ୍ଜିନିୟର୍ସରେ ଯୋଗ ଦେଇଥିଲେ ଜେନେରାଲ୍ ମନୋଜ ପାଣ୍ଡେ ।

ନୂଆ ସେନା ମୁଖ୍ୟ ଜେନେରାଲ ମନୋଜ ପାଣ୍ଡେ ଉଲ୍ଲେଖନୀୟ ସେବା ପାଇଁ ପରମ ବିଶିଷ୍ଟ ସେବା ପଦକ, ଅତି ବିଶିଷ୍ଟ ସେବା ପଦକ ଓ ବିଶିଷ୍ଟ ସେବା ପଦକରେ ସମ୍ମାନିତ ହୋଇଛନ୍ତି ।

English summary

Lt Gen Manoj Pande Took Charge As New Army Chief