ହରିୟାଣା : କରନାଲରେ ବିଜେପି ବିରୋଧରେ ପ୍ରଦର୍ଶନ କରୁଥିବା କୃଷକଙ୍କ ଉପରେ ଲାଠିଚାର୍ଜ

ହରିୟାଣାର କରନାଲ ଜିଲ୍ଲାରେ ବିଜେପି ବିରୋଧରେ ପ୍ରଦର୍ଶନ କରୁଥିବା ଚାଷୀମାନଙ୍କ ଉପରକୁ ଲାଠି ଚାର୍ଜ କରାଯାଇଛି । ଶନିବାର ଦିନ ଏଠାରେ ବିଜେପିର ଏକ ସଭା ହୋଇଥିଲା । ଏହାର ପ୍ରତିବାଦରେ ଶହ ଶହ ଚାଷୀ ରାସ୍ତାରେ ବିରୋଧ ପ୍ରଦର୍ଶନ କରିଥିଲେ ।

Updated: Saturday, August 28, 2021, 17:59 [IST]

ଚଣ୍ଡିଗଡ଼ : ହରିୟାଣାର କରନାଲ ଜିଲ୍ଲାରେ ବିଜେପି ବିରୋଧରେ ପ୍ରଦର୍ଶନ କରୁଥିବା ଚାଷୀମାନଙ୍କ ଉପରକୁ ଲାଠି ଚାର୍ଜ କରାଯାଇଛି । ଶନିବାର ଦିନ ଏଠାରେ ବିଜେପିର ଏକ ସଭା ହୋଇଥିଲା । ଏହାର ପ୍ରତିବାଦରେ ଶହ ଶହ ଚାଷୀ ରାସ୍ତାରେ ବିରୋଧ ପ୍ରଦର୍ଶନ କରିଥିଲେ । ଏହା ସହିତ ବହୁ ସଂଖ୍ୟକ କୃଷକ ମଧ୍ୟ ବସତାଡା ଟୋଲ ପ୍ଲାଜାରେ ପହଞ୍ଚି ସେଠାରେ ବିରୋଧ ଆରମ୍ଭ କରିଥିଲେ । ପ୍ରଥମେ ପୋଲିସ ବିକ୍ଷୋଭକାରୀଙ୍କୁ ମନାଇବା ପାଇଁ ଚେଷ୍ଟା କରିଥିଲା, କିନ୍ତୁ ଯେତେବେଳେ ସେମାନେ ଉଠି ନଥିଲେ ସେମାନଙ୍କ ଉପରକୁ ଲାଠି ଚାର୍ଜ କରିଥିଲା । ଯେଉଁଥିରେ ଅନେକ ଚାଷୀ ଆହତ ହୋଇଛନ୍ତି ।

ସୂଚନାନୁସାରେ, ବିଜେପି କରନାଲରେ ଏକ ସାଂଗଠନିକ ବୈଠକ ଆୟୋଜନ କରିଥିଲା । ଯାହାକୁ କୃଷକ ସଂଗଠନ ବିରୋଧ ପ୍ରଦର୍ଶନ କରିଥିଲେ । ଏହି କାରଣରୁ ପୋଲିସ ସହରର ସମସ୍ତ ପ୍ରବେଶ ପଥ ବନ୍ଦ କରି କଡା ସୁରକ୍ଷା ବ୍ୟବସ୍ଥା କରିଥିଲା । ଯେତେବେଳେ କୃଷକମାନେ ବିରୋଧ କରିବାକୁ ସହରରେ ପ୍ରବେଶ କରିପାରିନଥିଲେ, ସେମାନେ ବସତାଡା ଟୋଲ ପ୍ଲାଜା ନିକଟରେ ଧାରଣା ଦେଇଥିଲେ । ଏଥିସହ ସେଠାରେ ବିଜେପି ନେତାମାନଙ୍କୁ ଅଟକାଇବାକୁ ଚେଷ୍ଟା କରିଥିଲେ । ଏହା ପରେ ପୋଲିସ ଲାଠିତାର୍ଜ କରିଥିଲା ।

ଅନ୍ୟପକ୍ଷରେ କୃଷକମାନଙ୍କ ଉପରେ ଲାଠିଚାର୍ଜ ହେବା ପରେ ଭାରତୀୟ କିଷାନ ସଂଘ କ୍ରୋଧିତ ହୋଇଛି । ଏହାର ରାଜ୍ୟ ସଭାପତି ଗୁରୁନାମ ସିଂ ଚଡନୀ ଏହି ଘଟଣାକୁ ନିନ୍ଦା କରିଛନ୍ତି । ଏହା ସହ ସେ କହିଛନ୍ତି ଯେଉଁ ସବୁ ସ୍ଥାନରେ ସମ୍ଭବ ସେଠାରେ ରାସ୍ତା ଅବରୋଧ କରିଦିଅ । ହାଇକମାଣ୍ଡ ପକ୍ଷରୁ ପରବର୍ତ୍ତୀ ନିର୍ଦ୍ଦେଶନାମା ଜାରି ନହେବା ପର୍ଯ୍ୟନ୍ତ ଏହି ଜାମକୁ ଜାର ରଖିବାକୁ ସେ କହିଛନ୍ତି । ଏହା ବ୍ୟତୀତ ସେ ଟୋଲପ୍ଲାଜାରେ ଧାଣା ଦେବାକୁ ମଧ୍ୟ ଆହ୍ୱାନ କରିଛନ୍ତି ।

हरियाणा के करनाल में बसताड़ा टोल पर आन्दोलित किसानों पर लाठी चार्ज दुर्भाग्यपूर्ण है 5 सितंबर मुजफ्फरनगर में होने वाली महापंचायत से ध्यान भटकाने के लिए सरकार षड्यंत्र रच रही है देशभर के किसान पूर्ण रूप से तैयार रहें । एसकेएस के फैसले का पालन करें।#FarmersProtest @sakshijoshii pic.twitter.com/FeqUmlPkcS
— Rakesh Tikait (@RakeshTikaitBKU) August 28, 2021

ଏହି ଘଟଣା ପରେ ରାକେଶ ଟିକାୟିତ୍ ଟ୍ୱିଟ୍ କରି ଲେଖିଛନ୍ତି ଯେ ହରିୟାଣାର କରନାଲ ସ୍ଥିତ ବସତଡ଼ା ଟୋଲରେ ଆନ୍ଦୋଳନରତ ଚାଷୀଙ୍କ ଉପରେ ଲାଠି ଚାର୍ଜ ଦୁର୍ଭାଗ୍ୟଜନକ । ସେପ୍ଟେମ୍ବର 5 ରେ ମୁଜାଫରନଗରରେ ଅନୁଷ୍ଠିତ ହେବାକୁ ଥିବା ମହାପଞ୍ଚାୟତରୁ ଧ୍ୟାନ ହଟାଇବା ପାଇଁ ଏହା ସରକାରଙ୍କ ଷଡଯନ୍ତ୍ର । ସେ ଆହୁରି ମଧ୍ୟ କହିଛନ୍ତି ଯେ ଆଜି ସନ୍ଧ୍ୟାରେ ସମସ୍ତ ରାସ୍ତା ଅବରୋଧ କରାଯାଉ । ସରକାର ଚାହୁଁଛନ୍ତି ଯେ ହରିୟାଣାର କୃଷକମାନେ ମୁଜାଫରନଗରରେ ଆୟୋଜିତ ମହାପଞ୍ଚାୟତକୁ ନ ଯାଆନ୍ତୁ, ତେଣୁ ଏପରି କରୁଛନ୍ତି । ସମସ୍ତ କୃଷକ ଆଗାମୀ ମହାପଞ୍ଚାୟତ ଉପରେ ଧ୍ୟାନ ଦେବା ଉଚିତ୍ ।