ମହାରାଷ୍ଟ୍ରର ପାଲଗରରେ ଭୂସ୍ଖଳନ, ଅନେକ ଘର ଭୁଶୁଡି ବହୁ ସଂଖ୍ୟକ ଲୋକ ଫସିଥିବା ଆଶଙ୍କା
ପାଲଘର ଡିଏମ କହିଛନ୍ତି ଯେ ପାଲଘର ଜିଲ୍ଲାର ବସାଇ ଅଞ୍ଚଳରେ ଭୂସ୍ଖଳନ ଘଟଣା ସାମ୍ନାକୁ ଆସିଛି, ଏହି ଦୁର୍ଘଟଣା ହେତୁ ଅନେକ ଘର ନଷ୍ଟ ହୋଇଯାଇଛି, ବହୁ ସଂଖ୍ୟକ ଲୋକ ମାଟି ତଳେ ପୋତି ହୋଇଯିବାର ଆଶଙ୍କା ରହିଛି ।
ମୁମ୍ବାଇ : ମହାରାଷ୍ଟ୍ରରେ ପ୍ରବଳ ବର୍ଷା ହେତୁ ଅନେକ ସହରରେ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି । ଅନେକ ଜିଲ୍ଲାରେ ବନ୍ୟା ପରିସ୍ଥିତି ଦେଖାଦେଇଛି । ପାଲଘରର ଅବସ୍ଥା ଅତ୍ୟନ୍ତ ଖରାପ ରହିଛି । ଏଠାରେ ଭୂସ୍ଖଳନ ହେବାର ଏକ ଘଟଣା ସାମ୍ନାକୁ ଆସିଛି ଯେଉଁଥିରେ ଅନେକ ଲୋକ ଫସି ରହିଥିବା ଆଶଙ୍କା କରାଯାଉଛି ।
ପାଲଘର ଡିଏମ କହିଛନ୍ତି ଯେ ପାଲଘର ଜିଲ୍ଲାର ବସାଇ ଅଞ୍ଚଳରେ ଭୂସ୍ଖଳନ ଘଟଣା ସାମ୍ନାକୁ ଆସିଛି, ଏହି ଦୁର୍ଘଟଣା ହେତୁ ଅନେକ ଘର ନଷ୍ଟ ହୋଇଯାଇଛି, ବହୁ ସଂଖ୍ୟକ ଲୋକ ମାଟି ତଳେ ପୋତି ହୋଇଯିବାର ଆଶଙ୍କା ରହିଛି । ବର୍ତ୍ତମାନ ପର୍ଯ୍ୟନ୍ତ ଦୁଇ ଜଣଙ୍କୁ ନିରାପଦରେ ବାହାର କରାଯାଇଛି ।
ସୂନାଯୋଗ୍ୟ, ଏହା ପୂର୍ବରୁ ଜୁଲାଇ 5 ରେ ମଧ୍ୟ ପାଲଘରରେ ଭୂସ୍ଖଳନ ହେବାର ଖବର ଆସିଥିଲା ଯେଉଁଥିରେ ଏକ ଘର ଭୁଶୁଡି ପଡିଥିଲା । ରାଜ୍ୟରେ ପ୍ରବଳ ବର୍ଷା ଯୋଗୁଁ ଏପରି ଘଟଣା ସାମ୍ନାକୁ ଆସୁଛି । ରାସ୍ତାରେ ଜଳ ଜମି ରହିବା ହେତୁ ଅନେକ ସ୍ଥାନରେ ଟ୍ରାଫିକ ମଧ୍ୟ ବ୍ୟାହତ ହୋଇଛି । କୁନ୍ଦୁଲିକା ନଦୀ ବର୍ତ୍ତମାନ ବିପଦ ସଙ୍କେତ ଉପରେ ପ୍ରବାହିତ ହେଉଛି । କିଛି ଦିନ ପୂର୍ବରୁ ମୁମ୍ବାଇର ପଞ୍ଚଶିଲ ନଗରର ଘାଟକୋପରରେ ଭୂସ୍ଖଳନ ହେବାର ଖବର ମଧ୍ୟ ପ୍ରକାଶ ପାଇଥିଲା, ଯଦିଓ ଏଥିରେ କୌଣସି କ୍ଷୟକ୍ଷତି ହୋଇ ନ ଥିଲା ।
ନାଗପୁରରେ ପ୍ରବଳ ଜଳ ପ୍ରବାହ ଯୋଗୁଁ ଏକ ସ୍କର୍ପିଓ ଭାସି ଯାଇଛି ଯେଉଁଥିରେ ତିନି ଜଣଙ୍କର ମୃତ୍ୟୁ ହୋଇଥିବାବେଳେ ତିନି ଜଣ ଆହତ ହୋଇଛନ୍ତି । ଏହି ସମସ୍ତ ଯାତ୍ରୀ ମଧ୍ୟପ୍ରଦେଶର ବାସିନ୍ଦା । ଏହି ଘଟଣା ପରେ ନିଖୋଜ ଲୋକଙ୍କୁ ଖୋଜିବା ଅଭିଯାନ ଆରମ୍ଭ କରିବାକୁ ରାଜ୍ୟ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ନିର୍ଦ୍ଦେଶ ଦେଇଛନ୍ତି । ନିଖୋଜ ଲୋକଙ୍କୁ ଖୋଜିବା ପାଇଁ NDRF ଦଳର ସହାୟତା ମଧ୍ୟ ନିଆଯାଉଛି ।
Click it and Unblock the Notifications
Sign in with Google