ଉତ୍ତରାଖଣ୍ଡ ପିଥୌରାଗଡରେ ଭୂସ୍ଖଳନ : 2 ଜଣଙ୍କର ମୃତ୍ୟୁ, ମାଟି ତଳେ ଫସିରହିଛନ୍ତି 5 ଜଣ

ଉତ୍ତରାଖଣ୍ଡର ପିଥୌରାଗଡ଼ରେ ଭୂସ୍ଖଳନ ହୋଇଛି । ଏହି ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇଥିବାବେଳେ 5 ଜଣ ମାଟି ତଳେ ଫସି ରହିଥିବା ଜଣାପଡ଼ିଛି ।

Published: Monday, August 30, 2021, 11:54 [IST]

ପିଥୌରାଗଡ : ଉତ୍ତରାଖଣ୍ଡର ପିଥୌରାଗଡ଼ରେ ଭୂସ୍ଖଳନ ହୋଇଛି । ଏହି ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇଥିବାବେଳେ 5 ଜଣ ମାଟି ତଳେ ଫସି ରହିଥିବା ଜଣାପଡ଼ିଛି । ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି ଡିଏମଙ୍କ ସହ କଥା ହୋଇ ଉଦ୍ଧାର କାର୍ଯ୍ୟକୁ ତ୍ୱରାନ୍ୱିତ କରିବାକୁ ନିର୍ଦ୍ଦେଶ ଦେଇଛନ୍ତି । ଏହି ଘଟଣା ପିଥୌରାଗଡର ଜୁମ୍ମା ଗ୍ରାମ ନିକଟରେ ଘଟିଛି । ପିଥୌରାଗଡ ଡିଏମ ଆଶିଷ ଚୌହ୍ୱାନ କହିଛନ୍ତି ଯେ ଜୁମ୍ମା ଗ୍ରାମକୁ SDRF ଏବଂ SSB ଦଳ ପଠାଯାଇଛି ।

ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି ଏକ ଟ୍ୱିଟ୍ କରି ସୂଚନା ଦେଇଛନ୍ତି ଯେ, "ପିଥୌରାଗଡ଼ ଜିଲ୍ଲାର ଜୁମ୍ମା ଗ୍ରାମ ନିକଟରେ ଭୂସ୍ଖଳନ ହେତୁ 2 ଜଣଙ୍କର ମୃତ୍ୟୁ ଘଟିଥିବା ବେଳେ 5 ଜଣ ମାଟି ତଳେ ଫସି ରହିଛନ୍ତି । ଏହି ପରିପ୍ରେକ୍ଷୀରେ ଜିଲ୍ଲା ମାଜିଷ୍ଟ୍ରେଟଙ୍କ ସହ କଥା ହେବା ପରେ ଉଦ୍ଧାର କାର୍ଯ୍ୟକୁ ତୀବ୍ର କରିବାକୁ ନିର୍ଦ୍ଦେଶ ଦିଆଯାଇଛି । ସେଠାରେ ଫସି ରହିଥିବା ଲୋକଙ୍କ ସୁରକ୍ଷା ପାଇଁ ମୁଁ ଭଗବାନଙ୍କ ନିକଟରେ ପ୍ରାର୍ଥନା କରୁଛି ।"

पिथौरागढ़ जनपद के जुम्मा गांव के पास भूस्खलन की वजह से 2 लोगों की दुखद मौत एवं 5 अन्य की मलबे में दबे होने की खबर है।
इस विषय में जिलाधिकारी से बात कर रेस्क्यू मिशन तेज करने का निर्देश दिया है। मैं वहां फंसे लोगों की सलामती के लिए ईश्वर से प्रार्थना करता हूँ।
— Pushkar Singh Dhami (@pushkardhami) August 30, 2021

Published On August 30, 2021