ଲକ୍ଷ୍ମୀପୁର ଖେରୀ ଘଟଣାରେ ଆଉ ଜଣେ ଗିରଫ, କାର ଡ୍ରାଇଭରକୁ ଗିରଫ କରିଛି ଏସଆଇଟି

ୟୁପି ପୋଲିସର ସୂଚନାନୁସାରେ, ସମଗ୍ର ମାମଲାର ଯାଞ୍ଚ କରୁଥିବା ଏସଆଇଟି ମଙ୍ଗଳବାର ଦିନ ଚାଷୀଙ୍କ ଉପରେ ଚଢିଥିବା ଏସୟୁଭି କାର ଡ୍ରାଇଭରକୁ ଗିରଫ କରିଛି ।

ଲକ୍ଷ୍ମୀପୁର : ଉତ୍ତରପ୍ରଦେଶର ଲକ୍ଷ୍ମୀପୁର ଖେରୀ ହିଂସା ଘଟଣାରେ ଏସଆଇଟି ତଦନ୍ତ ଜାରି ରହିଛି । 4 ଜଣ କୃଷକଙ୍କ ସମେତ 8 ଜଣଙ୍କ ହତ୍ୟା ମାମଲାରେ ଏସଆଇଟି ଏକ ନୂଆ ଗିରଫ କରିଛି । ୟୁପି ପୋଲିସର ସୂଚନାନୁସାରେ, ସମଗ୍ର ମାମଲାର ଯାଞ୍ଚ କରୁଥିବା ଏସଆଇଟି ମଙ୍ଗଳବାର ଦିନ ଚାଷୀଙ୍କ ଉପରେ ଚଢିଥିବା ଏସୟୁଭି କାର ଡ୍ରାଇଭରକୁ ଗିରଫ କରିଛି ।

ଆମେ ଆପଣଙ୍କୁ କହି ରଖୁଛୁ ଯେ ଅକ୍ଟୋବର 3 ରେ, ଏକ ଥର୍ ଜିପ୍ ଏବଂ ଏକ ଏସୟୁଭି ସମେତ ତିନିଟି ଯାନ ଚାଷୀଙ୍କ ଉପରେ ଚଢିଯାଇଥିଲା । ସେଥିମଧ୍ୟରୁ ଏସୟୁଭି କାର ଡ୍ରାଇଭର ଶେଖର ଭାରତୀଙ୍କୁ ପୋଲିସ ଗିରଫ କରିଛି ।

ପୋଲିସ ଦେଇଥିବା ସୂଚନା ଅନୁଯାୟୀ, ଘଟଣା ସମୟରେ ଶେଖର ଭାରତୀ ଏସୟୁଭି କାର ଚଳାଉଥିଲେ । ପୋଲିସ କହିଛି ଯେ ଏସୟୁଭି କାର ଅଙ୍କିତ ଦାସଙ୍କ ନାମରେ ଅଛି, ଯିଏ ଆଶିଷ ମିଶ୍ରଙ୍କ ନିକଟତମ ଲୋକ ଏବଂ ପୂର୍ବତନ ରାଜ୍ୟସଭା ସାଂସଦ ଅଖିଳେଶ ଦାଶଙ୍କ ପୁତୁରା ।

ଆପଣଙ୍କୁ କହି ରଖୁଛିୁ, ଲକ୍ଷ୍ମୀପୁର ଖେରୀ ଘଟଣାରେ ଏହା ହେଉଛି ଚତୁର୍ଥ ଗିରଫ । ଏହାପୂର୍ବରୁ ଆଶିଷ ମିଶ୍ର ଟେନି, ଲଭକୁଶ ପାଣ୍ଡେ ଏବଂ ଆଶିଷ ପାଣ୍ଡେଙ୍କୁ ଗିରଫ କରାଯାଇଛି । ଜଣେ ଅଧିକାରୀ କହିଛନ୍ତି ଯେ ଏହି ଘଟଣାର କାରଣ ଆମେ ଏପର୍ଯ୍ୟନ୍ତ ଜାଣିପାରି ନାହୁଁ । ଏହି ମାମଲାରେ ପ୍ରଥମ ଗିରଫ ଆଶିଷ ମିଶ୍ରଙ୍କର ହୋଇଥିଲା । ରବିବାର ଦିନ ଏସଆଇଟି ଆଶିଷ ମିଶ୍ରଙ୍କୁ ତଦନ୍ତ କରିବାରେ ସହଯୋଗ କରିନଥିବା ଅଭିଯୋଗରେ ଗିରଫ କରିଥିଲା ।

English summary

Lakhimpur Kheri Incident : SIT Arrested SUV Driver