ଲକ୍ଷ୍ମୀପୁର ଖେରୀ ମାମଲା : ଜେଲରୁ ମୁକୁଳିଲେ କୃଷକଙ୍କ ହତ୍ୟା ଅଭିଯୁକ୍ତ ଆଶିଷ ମିଶ୍ର

କେନ୍ଦ୍ର ଗୃହମନ୍ତ୍ରୀ ଅଜୟ ମିଶ୍ରଙ୍କ ପୁଅ ଆଶିଷ ମିଶ୍ର ମଙ୍ଗଳବାର ଦିନ ଲକ୍ଷ୍ମୀପୁର ଖେରୀ ହିଂସା ମାମଲାରେ ଜେଲରୁ ମୁକୁଳିଛନ୍ତି ।

ଲକ୍ଷ୍ନୌ : କେନ୍ଦ୍ର ଗୃହମନ୍ତ୍ରୀ ଅଜୟ ମିଶ୍ରଙ୍କ ପୁଅ ଆଶିଷ ମିଶ୍ର ମଙ୍ଗଳବାର ଦିନ ଲକ୍ଷ୍ମୀପୁର ଖେରୀ ହିଂସା ମାମଲାରେ ଜେଲରୁ ମୁକୁଳିଛନ୍ତି । ଏଥି ସହିତ ପୁଅ ଆଶିଷ ମିଶ୍ର ଜେଲରୁ ବାହାରିବା ପରେ କେନ୍ଦ୍ର ଗୃହମନ୍ତ୍ରୀ ତଥା ପିତା ଅଜୟ ମିଶ୍ର ତାଙ୍କୁ ଭେଟିବା ପାଇଁ ବାସଭବନରେ ପହଞ୍ଚିଛନ୍ତି ।

ସୋମବାର ଦିନ ସଂଶୋଧିତ ଆଦେଶରେ ଆହ୍ଲାବାଦ ହାଇକୋର୍ଟ ଅକ୍ଟୋବର 2021 ରେ ହୋଇଥିବା ମାମଲାରେ ଆଶିଷ ମିଶ୍ରଙ୍କୁ ଜାମିନ ପ୍ରଦାନ କରିଛନ୍ତି । ପ୍ରକୃତରେ, ଆଶିଷ ଗୁରୁବାର ଦିନ ଜାମିନ ପାଇଥିଲେ, କିନ୍ତୁ ଜାମିନ୍ ଆଦେଶରେ ଦୁଇଟି ଧାରା ରହି ଯାଇଥିଲା, ଯାହାକୁ ଠିକ୍ କରିବା ପାଇଁ ପରଦିନ ଶୁକ୍ରବାର ଦିନ ଆଶିଷ ମିଶ୍ରଙ୍କ ଓକିଲ ହାଇକୋର୍ଟର ଲକ୍ଷ୍ନୌ ବେଞ୍ଚରେ ପହଞ୍ଚିଥିଲେ ।

ଗୁରୁବାର ଦିନ ପାରିତ ଜାମିନ ଆଦେଶରେ ଧାରା 147, 148, 149, 307, 326, 427 ଏବଂ ଆଇପିସି 34, ଆର୍ମସ୍ ଆକ୍ଟର ସେକ୍ସନ୍ 30 ଏବଂ ମୋଟର ଯାନ ଧାରା 177 କୁ ଦର୍ଶାଯାଇଥିଲା କିନ୍ତୁ ଧାରା 302 ଏବଂ 120 (ବି) ଉଲ୍ଲେଖ ହୋଇ ନଥିଲା । ଏହା ପରେ ଗତ ବର୍ଷ ୟୁପିର ଲକ୍ଷ୍ମୀପୁର ଖେରୀରେ ବିରୋଧ ପ୍ରଦର୍ଶନ କରୁଥିବା କୃଷକଙ୍କ ହତ୍ୟାରେ ମୁଖ୍ୟ ଅଭିଯୁକ୍ତ କେନ୍ଦ୍ର ମନ୍ତ୍ରୀ ଅଜୟ ମିଶ୍ରଙ୍କ ପୁଅ ଜେଲରୁ ମୁକୁଳିଛନ୍ତି ।

ନ୍ୟୁଜ୍ ଏଜେନ୍ସି ANIକୁ ଆଶିଷ ମିଶ୍ରଙ୍କ ଓକିଲ ଆବଧେଷ କୁମାର ସିଂହ କହିଛନ୍ତି, କୋର୍ଟ ତିନି - ତିନି ଲକ୍ଷ ଟଙ୍କାର ଦୁଇଟି ଜାମିନ ମାଗିଥିଲେ, କିନ୍ତୁ ସେ ସହର ଛାଡିବା ନେଇ କୌଣସି ପ୍ରତିବନ୍ଧକ ଲଗାଇ ନାହାଁନ୍ତି । ଜାମିନ ମିଳିବା ପରେ ଆଶିଷଙ୍କ ଓକିଲ ଦାବି କରିଛନ୍ତି ଯେ ମୋର ମହୋକିଲଙ୍କ ବିରୋଧରେ କୌଣସି ଦୃଢ ପ୍ରମାଣ ନାହିଁ ।

MoS Home Ajay Mishra Teni arrives at the residence of his son Ashish Mishra to meet him.

Ashish walked out of jail today after being released on bail in connection with Lakhimpur Kheri violence case of Uttar Pradesh. pic.twitter.com/M9azAOWuvW

— ANI (@ANI) February 15, 2022

ଅପରପକ୍ଷରେ ଏହି ମାମଲାକୁ ଦବାଇବା ପାଇଁ ପୋଲିସ ଉପରେ ଚାପ ପକାଯାଇଥିଲା ଏବଂ ଏହି କାରଣରୁ ଆଶିଷ ମିଶ୍ରଙ୍କୁ ଜାମିନ ମିଳିଥିଲା ବୋଲି କୃଷକମାନେ ଦାବି କରିଛନ୍ତି । କଂଗ୍ରେସ ନେତା ପ୍ରିୟଙ୍କା ଗାନ୍ଧୀ ଭଦ୍ରା ଏବଂ ଆରଏଲଡି ମୁଖ୍ୟ ଜୟନ୍ତ ଚୌଧୁରୀ ମଧ୍ୟ ତୃଣମୂଳ କଂଗ୍ରେସର ସାଂସଦ ମହୁଆ ମୋଇତ୍ରାଙ୍କ ଭଳି ଆକ୍ରମଣ କରି ଶାସକ ବିଜେପି ନିଜକୁ ରକ୍ଷା କରୁଛନ୍ତି ବୋଲି ଅଭିଯୋଗ କରିଛନ୍ତି ।

English summary

lakhimpur kheri incident ashish mishra released from jail