ଲକ୍ଷ୍ମୀପୁର ଖେରୀ ହିଂସା ମାମଲା : 9 ଦିନିଆ ନ୍ୟାୟିକ ହେପାଜତକୁ ଗଲେ ଅଙ୍କିତ ଦାସ
ଲକ୍ଷ୍ମୀପୁର ହିଂସା ମାମଲାରେ କେନ୍ଦ୍ର ଗୃହମନ୍ତ୍ରୀ ଅଜୟ ମିଶ୍ର ଟେନିଙ୍କ ପୁଅ ଆଶିଷ ମିଶ୍ରଙ୍କୁ ଗିରଫ କରିବା ପରେ ବର୍ତ୍ତମାନ ଅଙ୍କିତ ଦାସଙ୍କୁ ମଧ୍ୟ ଗିରଫ କରାଯାଇଛି ।
ଲକ୍ଷ୍ମୀପୁର : ଲକ୍ଷ୍ମୀପୁର ହିଂସା ମାମଲାରେ କେନ୍ଦ୍ର ଗୃହମନ୍ତ୍ରୀ ଅଜୟ ମିଶ୍ର ଟେନିଙ୍କ ପୁଅ ଆଶିଷ ମିଶ୍ରଙ୍କୁ ଗିରଫ କରିବା ପରେ ବର୍ତ୍ତମାନ ଅଙ୍କିତ ଦାସଙ୍କୁ ମଧ୍ୟ ଗିରଫ କରାଯାଇଛି । ଅଙ୍କିତ ଦାସଙ୍କୁ ଅକ୍ଟୋବର 22 ପର୍ଯ୍ୟନ୍ତ ନ୍ୟାୟିକ ହେପାଜତକୁ ପଠାଯାଇଛି । ବୁଧବାର ଦିନ ଅଙ୍କିତ ଦାସ କ୍ରାଇମ ବ୍ରାଞ୍ଚରେ ହାଜର ହୋଇଥିଲେ । ଲକ୍ଷ୍ନୌରେ ନୋଟିସ୍ ଲାଗିବା ପରେ ହିଁ ଅଙ୍କିତ ପକ୍ଷରୁ ଆତ୍ମସମର୍ପଣ କରିବା ନେଇ କୁହାଯାଇଥିଲା । ଅଙ୍କିତ ଦାସ ହେଉଛନ୍ତି ପୂର୍ବତନ କେନ୍ଦ୍ର ମନ୍ତ୍ରୀ ଅଖିଳେଶ ଦାସଙ୍କ ପୁତୁରା ।
ଲକ୍ଷ୍ମୀପୁର ହିଂସା ମାମଲାର ଯାଞ୍ଚ କରୁଥିବା ଏସଆଇଟି ଅଭିଯୁକ୍ତ ଅଙ୍କିତ ଦାସଙ୍କ ଲକ୍ଷ୍ନୌର ସଦର ପୁରାଣ କିଲା ବାସଭବନରେ ନୋଟିସ ଲଗାଇଥିଲା । ବୁଧବାର ଦିନ ଲକ୍ଷ୍ମପୁରର କ୍ରାଇମ ବ୍ରାଞ୍ଚ କାର୍ଯ୍ୟାଳୟରେ ତାଙ୍କ ବୟାନ ରେକର୍ଡ କରିବାକୁ ଏସଆଇଟି ଅଙ୍କିତ ଦାସଙ୍କୁ ନିର୍ଦ୍ଦେଶ ଦେଇଥିଲା । ଏହି ସମୟରେ ଅଙ୍କିତ ଦାସ ଲକ୍ଷ୍ମୀପୁର ଖେରୀରେ ପହଞ୍ଚି ଏସଆଇଟି ନିକଟରେ ଆତ୍ମସମର୍ପଣ କରିଥିଲେ, ପରେ ତାଙ୍କୁ ଏବଂ ତାଙ୍କ ଡ୍ରାଇଭର ଲତିଫଙ୍କୁ ଗିରଫ କରାଯାଇଥିଲା ।
ପୋଲିସ ଲାଇନରେ ଅବସ୍ଥିତ କ୍ରାଇମ ଶାଖା କାର୍ଯ୍ୟାଳୟରେ ଅଙ୍କିତ ଏବଂ ତାଙ୍କ ଡ୍ରାଇଭର ଲତିଫଙ୍କୁ ପଚରାଉଚରା କରାଯାଉଛି । ଏହି ମାମଲାରେ ଏପର୍ଯ୍ୟନ୍ତ କେନ୍ଦ୍ର ମନ୍ତ୍ରୀଙ୍କ ପୁଅ ଆଶିଷ ମିଶ୍ର ଛଦ୍ମନାମ ମୋନୁ ପରେ ତାଙ୍କ ବନ୍ଧୁ ଅଙ୍କିତ ଦାସଙ୍କ ଡ୍ରାଇଭର ଶେଖର ଭାରତୀଙ୍କୁ ମଙ୍ଗଳବାର ଦିନ ଏସଆଇଟି ଗିରଫ କରିଥିଲା । ଏହା ବ୍ୟତୀତ କୃଷକମାନେ ଏହି ମାମଲାରେ ଆଶିଷ ମିଶ୍ରଙ୍କ ସହ 15 ଜଣ ଅଜ୍ଞାତ ବ୍ୟକ୍ତିଙ୍କ ନାମ ରଖିଛନ୍ତି ।