କେରଳ ଚଳନ୍ତା ଟ୍ରେନ୍ ରେ ନିଆଁ ଲାଗିବା ଘଟଣାରେ ବୁଲନ୍ଦସହରରୁ ଅଭିଯୁକ୍ତ ଗିରଫ

Updated: Tuesday, April 4, 2023, 17:30 [IST]

ଲକ୍ଷ୍ନୌ : କେରଳର କୋଝିଗଡ଼ରେ ଚଳନ୍ତା ଟ୍ରେନରେ ସହଯାତ୍ରୀଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇବା ଘଟଣାରେ ଅଭିଯୁକ୍ତ ଗିରଫ ହୋଇଛି । ଉତ୍ତରପ୍ରଦେଶର ବୁଲନ୍ଦସହରରୁ ଆଣ୍ଚି ଟେରରିଷ୍ଠ ସ୍କ୍ୱାର୍ଡ ଗାଜିଆବାଦ ଶାହରୁଖ ନାମକ ଜଣେ ବ୍ୟକ୍ତିଙ୍କୁ ଧରିଛି । ସ୍କେଚ୍ ଜରିଆରେ ତାକୁ ଧରିବା ପାଇଁ ସକ୍ଷମ ହୋଇଥିଲା ଏଟିଏସ୍ ।

ମିଳିଥିବା ସୂଚନା ଅନୁଯାୟୀ, ଚଳନ୍ତା ଟ୍ରେନରେ ସିଟକୁ ନେଇ ପରସ୍ପର ମଧ୍ୟରେ ବିବାଦ ପରେ ଜଣେ ବ୍ୟକ୍ତି ସହଯାତ୍ରୀଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଦେବାକୁ 3 ଜଣଙ୍କ ମୃତ୍ୟୁ ହୋଇଥିଲା । ଏଥିରେ 8 ଜଣ ଆହତ ହୋଇଥିଲେ ।

ଏହି ଘଟଣାରେ ବୁଲନ୍ଦସହରର ସ୍ୟାନାରୁ ଏଟିଏସ୍ ଶାହରୁଖ କୁ ଧରିବା ସହ ଗିରଫ କରିଛି । ପରେ ପଚରାଉଚରା ପାଇଁ ତାକୁ ଗାଜିଆବାଦ ନିଆଁଯାଇଛି । ତେବେ ଅଗ୍ନିକାଣ୍ଡରେ ଶାହରୁଖଙ୍କ ସମ୍ପୃକ୍ତି ଅଛି କି ନାଁ ନାହିଁ । ଯଦି ଅଛି ସେ ଏପରି କାହିଁକି କଲେ, ସେନେଇ ତଦନ୍ତରୁ ଜଣାପଡିବ ବୋଲି ସୂଚନା ମିଳିଛି ।