ଗାଧୋଇବା ବେଳେ ନାକ ବାଟେ ପଶି ମସ୍ତିଷ୍କ ଖାଇଗଲା ଏମିବା, 15 ବର୍ଷର ବାଳକର ମୃତ୍ୟୁ... ଜାଣନ୍ତୁ ଏହା କଣ...
ଥିରୁଅନନ୍ତପୁରମ୍ : କେରଳର ଆଲାପୁଜ୍ଜା ଜିଲ୍ଲାରେ ମସ୍ତିଷ୍କ ଖାଉଥିବା ଏମିବା ସଂକ୍ରମଣ ହେତୁ ଜଣେ ବାଳକ ମୃତ୍ୟୁ ହୋଇଛି । ଦୂଷିତ ପାଣିରେ ରହୁଥିବା ଏକ ମସ୍ତିଷ୍କ ଖିଆ ଏମିବା 15 ବର୍ଷର ବାଳକର ନାକ ଦେଇ ମସ୍ତିଷ୍କରେ ପ୍ରବେଶ କରି ସଂକ୍ରମିତ କରିଥିଲା । ନଦୀରେ ଗାଧୋଇବା ସମୟରେ ଏହି ଏମିବା ନାକ ବାଟ ଦେଇ ମସ୍ତଷ୍କକୁ ପ୍ରବେଶ କରିଥିଲା । ଏହି ଅମିବା ର ନାମ ହେଉଛି ନେଗଲେରିଆ ଫାଉଲେରୀ ଏବଂ ଏହାକୁ ସାଧାରଣ ଭାଷାରେ ମସ୍ତିଷ୍କଖିଆ ଏମିବା ମଧ୍ୟ କୁହାଯାଏ ।
ଗଣମାଧ୍ୟମ ରିପୋର୍ଟ ଅନୁଯାୟୀ, ଏମିବା ମସ୍ତିଷ୍କରେ ପ୍ରବେଶ କରିବା ପରେ ପ୍ରାଣ ହରାଇଥିବା 15 ବର୍ଷର ବାଳକର ନାମ ଗୁରୁ ଦତ୍ତ । ସେ ଦଶମ ଶ୍ରେଣୀର ଛାତ୍ର ଥିଲେ । ସେ ନଦୀରେ ଗାଧୋଇବାକୁ ଯାଇଥିଲେ । ଏହା ପରେ ଧୀରେ ଧୀରେ ସଂକ୍ରମଣର ଲକ୍ଷଣ ତାଙ୍କଠାରେ ଦେଖା ଦେଇଥିଲା । ତାଙ୍କର ପ୍ରାଥମିକ ଆମୋବିକ୍ ମେନିଙ୍ଗୋଏନ୍ସଫାଲାଇଟିସ୍ ସଂକ୍ରମଣ ହୋଇଥିଲା । ଏହି ସଂକ୍ରମଣ ହେତୁ ଗୁରୁ ଦତ୍ତ ଜ୍ୱରରେ ପଡ଼ିଥିଲେ । ଗୁରୁ ଦତ୍ତଙ୍କୁ ଜୁଲାଇ 1 ତାରିଖରୁ ଆଲାପୁଜ୍ଜା ମେଡିକାଲ କଲେଜ ହସ୍ପିଟାଲରେ ଭର୍ତ୍ତି କରାଯାଇଥିଲା । ପରେ ଜଣାପଡ଼ିଥିଲା ଯେ ଏକ ଝଣାରେ ଗାଧୋଇବା ସମୟରେ ନେଗଲେରିଆ ଫାଉଲେରୀ 'ଏମିବା' ସଂସ୍ପର୍ଶରେ ଆସିଥିଲେ ।
ଏହି ପ୍ରସଙ୍ଗରେ କେରଳ ସ୍ୱାସ୍ଥ୍ୟମନ୍ତ୍ରୀ ଦୂଷିତ ପାଣିରେ ନଗାଧୋଇବାକୁ ଲୋକଙ୍କୁ ପରାମର୍ଶ ଦେଇଛନ୍ତି । ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ଭେନା ଜର୍ଜ କହିଛନ୍ତି ଯେ ନିକଟସ୍ଥ ଆଲାପୁଜା ଜିଲ୍ଲାର ପାନଭାଲୀରୁ ଜଣେ 15 ବର୍ଷର ବାଳକ ପ୍ରାଥମିକ ଆମୋବିକ୍ ମେନିଙ୍ଗୋଏନ୍ସଫାଲାଇଟିସ୍ ନାମକ ଏକ ରୋଗରେ ସଂକ୍ରମିତ ହୋଇଛି ।
ବାଳକର ମୃତ୍ୟୁକୁ ନିଶ୍ଚିତ କରି ସ୍ୱାସ୍ଥ୍ୟମନ୍ତ୍ରୀ କହିଛନ୍ତି ଯେ ପୂର୍ବରୁ ମଧ୍ୟ ଏହି ବିରଳ ସଂକ୍ରମଣର ପାଞ୍ଚଟି ମାମଲା ରାଜ୍ୟରେ ଚିହ୍ନଟ ହୋଇଥିଲା । ପ୍ରଥମେ ଏଭଳି ମାମଲା 2016 ମସିହାରେ ଆଲାପୁଜା ର ତିରୁମାଲା ୱାର୍ଡରେ ସାମ୍ନାକୁ ଆସିଥିଲା । ତା'ପରେ 2019 ଏବଂ 2020 ବର୍ଷରେ, ମାଲାପୁରାମରେ ଦୁଇଟି ମାମଲା ନିଶ୍ଚିତ ହୋଇଥିଲା ଏବଂ 2020 ଏବଂ 22 ବର୍ଷରେ, କୋଜିକୋଡେ ଏବଂ ଥ୍ରିସୁରରେ ଗୋଟିଏ ମାମଲା ଦେଖିବାକୁ ମିଳିଥିଲା ।
ଏହି ବିପଜ୍ଜନକ ଏମିବା ସ୍ଥିର ପାଣିରେ ଦେଖାଯାଏ ଏବଂ ନାକର ପତଳା ଚର୍ମ ମାଧ୍ୟମରେ ମସ୍ତିଷ୍କରେ ପହଞ୍ଚେ । ଏହି ରୋଗର ଲକ୍ଷଣ ହେଉଛି ଜ୍ୱର, ମୁଣ୍ଡବିନ୍ଧା, ବାନ୍ତି ହେବ । ଏହା ଦୂଷିତ ପାଣିରେ ମିଳିଥାଏ ।
ନାକ ଦେଇ ମସ୍ତିଷ୍କରେ ପହଞ୍ଚିବା ମାତ୍ରେ ଏହା ମସ୍ତିଷ୍କର ଟିସୁ ନଷ୍ଟ କରିବା ଆରମ୍ଭ କରେ । ଯେଉଁଥିପାଇଁ ପ୍ରାଥମିକ ଆମୋବିକ୍ ମେନିଙ୍ଗୋଏନ୍ସଫାଲାଇଟିସ୍ ରୋଗ ହୁଏ । PAM ଏକ ବିରଳ ମସ୍ତିଷ୍କ ସଂକ୍ରମଣ ଅଟେ । ଏହି ସଂକ୍ରମଣ ମସ୍ତିଷ୍କରେ ବ୍ୟାପିବା ସହିତ ମସ୍ତିଷ୍କରେ ଫୁଲା ଆରମ୍ଭ ହୁଏ ଏବଂ ଜୀବନ ପ୍ରତି ବିପଦ ହୋଇଯାଏ ।
Click it and Unblock the Notifications
Sign in with Google