କର୍ଣ୍ଣାଟକ ହିଜାବ ମାମଲା, ଆଜି ଆସିବ ସୁପ୍ରିମ କୋର୍ଟଙ୍କ ରାୟ

କର୍ଣ୍ଣାଟକ ହିଜାବ ମାମଲାରେ ଆଜି ରାୟ ଦେବେ ସୁପ୍ରିମ କୋର୍ଟ । ହାଇକୋର୍ଟଙ୍କ ରାୟ ବିରୋଧରେ ସୁପ୍ରିମ୍‌କୋର୍ଟରେ ହୋଇଥିବା ଶୁଣାଣିର ଆଜି ରାୟ ପ୍ରକାଶ ପାଇବ ।

Published: Thursday, October 13, 2022, 10:11 [IST]

ନୂଆଦିଲ୍ଲୀ : କର୍ଣ୍ଣାଟକ ହିଜାବ ମାମଲାରେ ଆଜି ରାୟ ଦେବେ ସୁପ୍ରିମ କୋର୍ଟ । ହାଇକୋର୍ଟଙ୍କ ରାୟ ବିରୋଧରେ ସୁପ୍ରିମ୍‌କୋର୍ଟରେ ହୋଇଥିବା ଶୁଣାଣିର ଆଜି ରାୟ ପ୍ରକାଶ ପାଇବ । ଜଷ୍ଟିସ୍ ହେମନ୍ତ ଗୁପ୍ତା ଓ ସୁଧାଂଶୁ ଧୁଲିଆଙ୍କ ଖଣ୍ଡପୀଠ ଆଜି ରାୟ ପ୍ରକାଶ କରିବେ ।

ସୁପ୍ରିମକୋର୍ଟର ଜଷ୍ଟିସ୍ ସୁଧାଂଶୁ ଧୁଲିଆ ଏବଂ ହେମନ୍ତ ଗୁପ୍ତାଙ୍କ ଏକ ବେଞ୍ଚ ଏହି ମାମଲାର ଶୁଣାଣି କରି ହିଜାବକୁ ସମର୍ଥନ କରୁଥିବା ଛାତ୍ର ପକ୍ଷ, କର୍ଣ୍ଣାଟକ ସରକାର ଏବଂ କଲେଜ ଶିକ୍ଷକଙ୍କ ପକ୍ଷ ଶୁଣିଛନ୍ତି । ଗୁରୁତ୍ୱପୂର୍ଣ୍ଣ କଥା ହେଉଛି ଏହି ମାମଲାର ଶୁଣାଣି କରୁଥିବା ସୁପ୍ରିମକୋର୍ଟର ଦୁଇ ବିଚାରପତିଙ୍କ ବେଞ୍ଚରେ ଜଷ୍ଟିସ ହେମନ୍ତ ଗୁପ୍ତା ଅକ୍ଟୋବର 16 ରେ ଅବସର ନେଉଛନ୍ତି ।

ଆପଣଙ୍କୁ କହି ରଖୁଛୁ ସେପ୍ଟେମ୍ବର 22 ତାରିଖରେ ସୁପ୍ରିମ କୋର୍ଟ ଏହି ମାମଲାର ଶୁଣାଣି କରି ରାୟ ସଂରକ୍ଷିତ ରଖିଥିଲେ । ଏହା ପରେ ଆଜି ଅର୍ଥାତ୍ 13 ଅକ୍ଟୋବର(ଗୁରୁବାର) ସୁପ୍ରିମ କୋର୍ଟ ନିଜର ରାୟ ଦେବେ ।

କର୍ଣ୍ଣାଟକ ସରକାରଙ୍କ ତରଫରୁ ପ୍ରତିନିଧିତ୍ୱ କରୁଥିବା ସଲିସିଟର ଜେନେରାଲ ତୁଷାର ମେହେଟ୍ଟା କହିଥିଲେ ଯେ, 2021 ପର୍ଯ୍ୟନ୍ତ କୌଣସି ଛାତ୍ରୀ ହିଜାବ ପିନ୍ଧି ସ୍କୁଲ ଆସୁ ନ ଥିଲେ । ବିଦ୍ୟାଳୟଗୁଡ଼ିକର ୟୁନିଫର୍ମ ପିନ୍ଧିବା ନିୟମକୁ କଡ଼ାକଡ଼ି ଭାବେ ପାଳନ କରାଯାଉଥିଲା ।

Published On October 13, 2022