ରାତ୍ରିକାଳୀନ କର୍ଫ୍ୟୁ ପ୍ରତ୍ୟାହାର କଲେ କର୍ଣ୍ଣାଟକ ସରକାର
ରାଜ୍ୟରେ ରାତ୍ରିକାଳୀନ କର୍ଫ୍ୟୁ ଲାଗୁ କରିବା ନିଷ୍ପତ୍ତିକୁ କର୍ଣ୍ଣାଟକ ସରକାର ପ୍ରତ୍ୟାହାର କରି ନେଇଛନ୍ତି |
ନୂଆଦିଲ୍ଲୀ : ରାଜ୍ୟରେ ରାତ୍ରିକାଳୀନ କର୍ଫ୍ୟୁ ଲାଗୁ କରିବା ନିଷ୍ପତ୍ତିକୁ କର୍ଣ୍ଣାଟକ ସରକାର ପ୍ରତ୍ୟାହାର କରି ନେଇଛନ୍ତି | କର୍ଣ୍ଣାଟକ ମୁଖ୍ୟମନ୍ତ୍ରୀ ବି.ଏସ୍ ୟେଦୁରପ୍ପା କୋଭିଡ -19 ର ନୂତନ କରୋନା ଷ୍ଟ୍ରେନ୍ ସଂକ୍ରମଣକୁ ନିୟନ୍ତ୍ରଣ କରିବା ପାଇଁ ଜାନୁଆରୀ 2 ପର୍ଯ୍ୟନ୍ତ ରାତି କର୍ଫ୍ୟୁ ଲାଗୁ କରିବାକୁ ଘୋଷଣା କରିଥିଲେ | ଗୋଟିଏ ଦିନ ପରେ ଗୁରୁବାର ଦିନ ସରକାର ଏହି ନିଷ୍ପତ୍ତି ପ୍ରତ୍ୟାହାର କରି ନେଇଛନ୍ତି |
କୋଭିଡ 19 ପାଇଁ ରାଜ୍ୟ ବୈଷୟିକ ପରାମର୍ଶଦାତା କମିଟି ଏବଂ ଅଧିକାରୀଙ୍କ ସହ ଆଲୋଚନା ପରେ ଡିସେମ୍ବର 23 ରୁ ଜାନୁୟାରୀ 2 ପର୍ଯ୍ୟନ୍ତ ରାତ୍ରି କର୍ଫ୍ୟୁ ଲାଗୁ କରାଯିବ ବୋଲି ବୁଧବାର କର୍ଣ୍ଣାଟକର ମୁଖ୍ୟମନ୍ତ୍ରୀ ବି.ଏସ୍ ୟେଦୁରୁପ୍ପା ଘୋଷଣା କରିଥିଲେ | ରାତି 10ଟାରୁ ରୁ ସକାଳ 6ଟା ପର୍ଯ୍ୟନ୍ତ ଏହା ଲାଗୁ ହୋଇଥାନ୍ତା | ଏହି ନିଷ୍ପତ୍ତି ପ୍ରତ୍ୟାହାର କରିବା ପରେ ରାତିରେ ଏହି କଟକଣା ରହିବ ନାହିଁ |
Click it and Unblock the Notifications
Sign in with Google