କର୍ଣ୍ଣାଟକ ନିର୍ବାଚନ : କଂଗ୍ରେସର 5 ଗ୍ୟାରେଣ୍ଟି ଜବାବରେ ବିଜେପିର 3 ବଡ଼ ପ୍ରତିଶୃତି

Published: Monday, May 1, 2023, 14:25 [IST]

ବାଙ୍ଗଲୋର : କର୍ଣ୍ଣାଟକ ନିର୍ବାଚନ ପାଇଁ ମତଦାନ କୁ ଆଉ ବାକି ରହିଲା 9 ଦିନ । ଏହି ସମେରେ ରାଜ୍ୟରେ ବଢିବାରେ ଲାଗିଛି ନିର୍ବାଚନୀ ଉଷ୍ମତା । ନିର୍ବାଚନ ଜିତିବାକୁ ଦଳମାନେ ଜୋରଦାର ପ୍ରୟାସ କରିବା ସହ ଭୋଟରଙ୍କୁ ଆକର୍ଷିତ କରିବାକୁ ପ୍ରତିଶ୍ରୁତିର ବର୍ଷା କରୁଛନ୍ତି ।

ଭାରତୀୟ ଜନତା ପାର୍ଟି (ବିଜେପି) 2023 କର୍ଣ୍ଣାଟକ ବିଧାନସଭା ନିର୍ବାଚନରେ ଜିତି କ୍ଷମତାକୁ ଫେରିବାକୁ ଚାହୁଁଛି । ଏ ନେଇ ନିର୍ବାଚନର ନଅ ଦିନ ପୂର୍ବରୁ, ସୋମବାର, ମେ 1 ରେ, ବିଜେପି ନିର୍ବାଚନ ମେନିଫେଷ୍ଟୋ ପ୍ରକାଶ କରିଛି । କର୍ଣ୍ଣାଟକ ବିଧାନସଭା ନିର୍ବାଚନ ପାଇଁ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଏବଂ ମୁଖ୍ୟମନ୍ତ୍ରୀ ବସବରାଜ ବୋମ୍ମାଇ ମେନିଫେଷ୍ଟୋ ଜାରି କରିଛନ୍ତି । ଏଥିରେ ଦଳ ପକ୍ଷରୁ 16 ଟି ବଡ ନିର୍ବାଚନ ପ୍ରତିଶୃତି ଦିଆଯାଇଛି ।

ସେହପରି ଏହାପୂର୍ବରୁ କଂଗ୍ରେସ ପାଞ୍ଚଟି ବଡ ନିର୍ବାଚନ ପ୍ରତିଶ୍ରୁତି ଘୋଷଣା କରିଛି । ତେବେ ଆସନ୍ତୁ ଜାଣିବା କଂଗ୍ରେସର 5 ଗ୍ୟାରେଣ୍ଟିର ଜବାବରେ ଏହି ନିର୍ବାଚନରେ ବିଜେପି ଜନସାଧାରଣଙ୍କୁ ଦେଇଥିବା ପ୍ରତିଶୃତି କ'ଣ ରହିଛି

କଣ ରହିଛି ବିଜେପିର ପ୍ରତିଶ୍ରୁତି

ମନିଫେଷ୍ଟୋରେ ବିଜେପି ପ୍ରତିଶ୍ରୁତି ଦେଇଛି ଯେ ଯଦି କର୍ଣ୍ଣାଟକରେ ପୁନର୍ବାର ସରକାର ଗଠନ ହୁଏ ତେବେ ରାଜ୍ୟର ସମସ୍ତ ବଞ୍ଚିତ ପରିବାରକୁ ନିୟମିତ ଭାବେ 5 ଲିଟର ନନ୍ଦିନୀ କ୍ଷୀର ଦିଆଯିବ ।
ସରକାର ଗଠନ ଉପରେ ପ୍ରତ୍ୟେକ ଗରିବ ପରିବାରକୁ ଗୋଟିଏ ବର୍ଷରେ ତିନୋଟି ମାଗଣା ରନ୍ଧନ ଗ୍ୟାସ ସିଲିଣ୍ଡର ଦିଆଯିବ ।
ରାଜ୍ୟରେ ବିଜେପି ସରକାର ଆସିଲେ, ରାଜ୍ୟର ପ୍ରତ୍ୟେକ ୱାର୍ଡରେ ଅଟଳ ଆହାର କେନ୍ଦ୍ର ଖୋଲାଯିବ ।
ରାଜ୍ୟରେ ବିଜେପି ସରକାର ଆସିଲେ ଦଳିତ ଏବଂ ଆଦିବାସୀ ମହିଳାଙ୍କୁ 'ଓନେକ ଓବାୱା ସାମାଜିକ ନ୍ୟାୟ ପାଣ୍ଠି ଯୋଜନା' ଅଧୀନରେ 5 ବର୍ଷର ଫିକ୍ସ ଡିପୋଜିଟ୍ ପାଇଁ 10,000 ଟଙ୍କା ପ୍ରଦାନ କରାଯିବ ।

କଂଗ୍ରେସର ପ୍ରତିଶ୍ରୁତି

ସମସ୍ତ ପରିବାରକୁ 200 ୟୁନିଟ୍ ମାଗଣା ବିଦ୍ୟୁତ୍, ଅନ୍ନ ଭାଗ୍ୟ ଯୋଜନା ଅଧୀନରେ ବିପିଏଲ୍ ପରିବାରର ପ୍ରତ୍ୟେକ ସଦସ୍ୟଙ୍କୁ 10 କିଲୋଗ୍ରାମ ଚାଉଳ ମାଗଣାରେ ଘୋଷଣା କରିଥିଲା ।
ଗୃହ ଲକ୍ଷ୍ମୀ ଯୋଜନା ଅଧୀନରେ ପ୍ରତ୍ୟେକ ପରିବାରର ମହିଳା ମୁଖ୍ୟଙ୍କୁ ମାସିକ 2,000 ସହାୟତା ପ୍ରଦାନ କରାଯିବ ।
18-25 ବୟସ ସୀମା ମଧ୍ୟରେ ସ୍ନାତକ ଯୁବକମାନଙ୍କ ପାଇଁ ମାସକୁ 3000 ଏବଂ ଡିପ୍ଲୋମାଧାରୀଙ୍କ ପାଇଁ 1,500 ଟଙ୍କା ସହାୟତା ଦିଆଯିବ । ଏହି ସହାୟତା ଦୁଇ ବର୍ଷ ପାଇଁ ଦିଆଯିବ ।
ସମସ୍ତ ମହିଳା ସର୍ବସାଧାରଣ ପରିବହନ ବସ୍ ରେ ମାଗଣା ଯାତ୍ରା କରିପାରିବେ ।

Published On May 1, 2023