ଦେଶର 49 ତମ ପ୍ରଧାନ ବିଚାରପତି ଭାବରେ ନିଯୁକ୍ତ ହେଲେ ଜଷ୍ଟିସ୍ ୟୁୟୁ ଲଲିତ

ଦେଶର ପରବର୍ତ୍ତୀ ପ୍ରଧାନ ବିଚାରପତି ଭାବରେ ସୁପ୍ରିମକୋର୍ଟର ଜଷ୍ଟିସ୍ ୟୁୟୁ ଲଲିତଙ୍କୁ ନିଯୁକ୍ତ କରାଯାଇଛି । ବୁଧବାର ରାଷ୍ଟ୍ରପତି ଦ୍ରୌପଦୀ ମୁର୍ମୁ ତାଙ୍କ ନାମରେ ଏକ ସରକାରୀ ବିଜ୍ଞପ୍ତି ଜାରି କରିଛନ୍ତି ।

Updated: Wednesday, August 10, 2022, 18:38 [IST]

ନୂଆଦିଲ୍ଲୀ : ଦେଶର ପରବର୍ତ୍ତୀ ପ୍ରଧାନ ବିଚାରପତି ଭାବରେ ସୁପ୍ରିମକୋର୍ଟର ଜଷ୍ଟିସ୍ ୟୁୟୁ ଲଲିତଙ୍କୁ ନିଯୁକ୍ତ କରାଯାଇଛି । ବୁଧବାର ରାଷ୍ଟ୍ରପତି ଦ୍ରୌପଦୀ ମୁର୍ମୁ ତାଙ୍କ ନାମରେ ଏକ ସରକାରୀ ବିଜ୍ଞପ୍ତି ଜାରି କରିଛନ୍ତି ।

ଆପଣଙ୍କୁ କହି ରଖୁଛି, ଭାରତର ବର୍ତ୍ତମାନର ପ୍ରଧାନ ବିଚାରପତି ଏନ.ଭି ରମଣା ନିଜେ ୟୁୟୁ ଲଲିତଙ୍କ ନାମ ସୁପାରିଶ କରିଥିଲେ । ସୂଚନାଯୋଗ୍ୟ, ଏନ ବି ରମଣାଙ୍କ କାର୍ଯ୍ୟକାଳ ଅଗଷ୍ଟ 26 ରେ ଶେଷ ହେଉଛି । ଏହା ପରେ ଜଷ୍ଚିସ୍ ଲଲିତ ତାଙ୍କ ସ୍ଥାନ ନେବେ ।

ଆମେ ଆପଣଙ୍କୁ କହି ରଖୁଛି ଏନ ଭି ରମଣା କେନ୍ଦ୍ର ଆଇନ ମନ୍ତ୍ରଣାଳୟ ସମ୍ମୁଖରେ ୟୁୟୁ ଲଲିତଙ୍କ ନାମ ସୁପାରିଶ କରିଥିଲେ । ତାଙ୍କ ସୁପାରିଶକୁ ଆଧାର କରି ୟୁୟୁ ଲଲିତଙ୍କୁ ନୂତନ ମୁଖ୍ୟ ବିଚାରପତି ଭାବରେ ନିଯୁକ୍ତ କରାଯାଇଛି । ତେବେ ତାଙ୍କର କାର୍ଯ୍ୟକାଳ ମଧ୍ୟ ବେଶୀ ଦିନ ହେବ ନାହିଁ । ସେ ନଭେମ୍ବର 8 ରେ ନିଜ ପଦରୁ ଅବସର ନେବେ । ଏଭଳି ପରିସ୍ଥିତିରେ ୟୁୟୁ ଲଲିତ କେବଳ 74 ଦିନ ପର୍ଯ୍ୟନ୍ତ ଦେଶର ପ୍ରଧାନ ବିଚାରପତି ରହିବେ ।.

9 ନଭେମ୍ବର 1957 ରେ ଜନ୍ମ ହୋଇଥିବା ୟୁୟୁ ଲଲିତ ଜୁନ୍ 1983 ରେ ତାଙ୍କର ଆଇନଗତ କ୍ୟାରିଅର୍ ଆରମ୍ଭ କରିଥିଲେ । ଡିସେମ୍ବର 1985 ପର୍ଯ୍ୟନ୍ତ ବମ୍ବେ ହାଇକୋର୍ଟରେ କାର୍ଯ୍ୟ କରିଥିଲେ । ପରେ ସେ ଦିଲ୍ଲୀ ଯାଇଥିଲେ । ସେ ଅପ୍ରେଲ 2004 ରେ ସୁପ୍ରିମକୋର୍ଟଙ୍କ ଦ୍ୱାରା ସିନିୟର ଆଡଭୋକେଟ୍ ଭାବେ ନିଯୁକ୍ତି ପାଇଥିଲେ । ସୁପ୍ରିମକୋର୍ଟର ବିଚାରପତି ଭାବେ ନିଯୁକ୍ତି ପାଇଁ ସୁପାରିଶ କରାଯିବା ପୂର୍ବରୁ ୟୁୟୁ ଲଲିତ କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) ପାଇଁ ସ୍ୱତନ୍ତ୍ର ପବ୍ଲିକ୍ ପ୍ରସିକ୍ୟୁଟର୍ ଭାବେ କାର୍ଯ୍ୟ କରିଥିଲେ । ସେ 13 ଅଗଷ୍ଟ 2014 ରେ ସୁପ୍ରିମକୋର୍ଟର ବିଚାରପତି ଭାବରେ ନିଯୁକ୍ତ ହୋଇଥିଲେ ।

ସୁପ୍ରିମକୋର୍ଟର ବିଚାରପତିଙ୍କ କାର୍ଯ୍ୟକାଳ ମଧ୍ୟରେ ୟୁୟୁ ଲଲିତ ଅନେକ ଐତିହାସିକ ନିଷ୍ପତ୍ତି ଦେଇଛନ୍ତି । 2017 ରେ, ସୁପ୍ରିମକୋର୍ଟର ପାଞ୍ଚ ଜଣିଆ ସମ୍ବିଧାନ ବେଞ୍ଚ ତିନି ତଲାକ୍ କୁ ବେଆଇନ ଘୋଷଣା କରିଥିଲେ । ୟୁୟୁ ଲଲିତ ସେହି ବେଞ୍ଚର ଏକ ଅଂଶ ଥିଲେ ।
ଏହା ବ୍ୟତୀତ ଜଷ୍ଟିସ ଲଲିତଙ୍କ ନେତୃତ୍ୱରେ ଏକ ବେଞ୍ଚ ତ୍ରାୱଣକୋର ର ରାଜ ପରିବାର ସପକ୍ଷରେ କେରଳର ଐତିହାସିକ ଶ୍ରୀ ପଦ୍ମନାସ୍ୱାମୀ ମନ୍ଦିର ପରିଚାଳନା କରିବାର ଅଧିକାର ଦେଇଥିଲା । ଅଦାଲତ କହିଥିଲେ ଯେ ମନ୍ଦିରର ଅଧିକାର ବଂଶାନୁକ୍ରମିକ ହେବା ଉଚିତ୍ । ଶ୍ରୀ ପଦ୍ମନାସ୍ୱାମୀ ମନ୍ଦିର ଦେଶର ସବୁଠାରୁ ଧନୀ ମନ୍ଦିର ମଧ୍ୟରୁ ଅନ୍ୟତମ ।