ବିପଦରେ ଯୋଶୀମଠ, 12 ଦିନରେ 5.4 ସେ.ମି ଦବିଛି ଯୋଶୀମଠ ଭୂମି

ISRO ଜାରି କରିଥିବା ଏକ ରିପୋର୍ଟ ଆହୁରି ଭୟଭୀତ କରିଛି । ରିପୋର୍ଟ ଅନୁଯାୟୀ ଯୋଶୀମଠ ଗତ 12 ଦିନ ମଧ୍ୟରେ ପ୍ରାୟ 5.4 ସେମି ଜବି ଯାଇଛି । ଭୂମି ଦବିବା ଫଳରେ ଘର ଓ ରାସ୍ତାଗୁଡ଼ିକରେ ଫାଟ ସୃଷ୍ଟି ହୋଇଛି ।

Published: Friday, January 13, 2023, 12:57 [IST]

ଦେହରାଦୁନ୍ : ଉତ୍ତରାଖଣ୍ଡର ଯୋଶୀମଠର ଘର ଓ ହୋଟେଲରେ ଫାଟ ଦେଖାଯିବା ପରେ ସେଠାରେ ବିପଦ ବଢିବାରେ ଲାଗିଛି । 700 ରୁ ଅଧିକ ଘରେ ଫାଟ ହୋଇଥିବା ଦେଖିବାକୁ ମିଳିଛି । ଏହା ପରେ ପ୍ରଶାସନ ତତ୍ପର ହୋଇ ଉଠିଛି । ପ୍ରଶାସନ ପକ୍ଷରୁ ସେହି ଅଞ୍ଚଳର ଲୋକଙ୍କୁ ସ୍ଥାନାନ୍ତର କରାଯାଉଛି । ଏହା ସହିତ ସେଠାରେ ଅଧିକ ବିପଦସଙ୍କୁଳ ଅବସ୍ଥାରେ ଥିବା ହୋଟେଲ ଓ ଘର ଭଙ୍ଗାଯାଉଛି ।

ଏହି ସମୟରେ ISRO ଜାରି କରିଥିବା ଏକ ରିପୋର୍ଟ ଆହୁରି ଭୟଭୀତ କରିଛି । ରିପୋର୍ଟ ଅନୁଯାୟୀ ଯୋଶୀମଠ ଗତ 12 ଦିନ ମଧ୍ୟରେ ପ୍ରାୟ 5.4 ସେମି ଜବି ଯାଇଛି । ଭୂମି ଦବିବା ଫଳରେ ଘର ଓ ରାସ୍ତାଗୁଡ଼ିକରେ ଫାଟ ସୃଷ୍ଟି ହୋଇଛି ।

ISRO ର ନ୍ୟାସନାଲ ରିମୋଟ ସେନ୍ସିଂ କେନ୍ଦ୍ର ଯୋଶୀମଠର ସାଟେଲାଇଟ୍ ଫଟୋ ଜାରି କରିଛି । ବାହାରକୁ ଆସିଥିବା ଏହି ଫଟୋ ଆହୁରି ଚିନ୍ତା ବଢାଇଦେଇଛି । ISRO ର ଉପଗ୍ରହ ଫଟୋ ଅନୁଯାୟୀ, ଡିସେମ୍ବର 27 ରୁ ଜାନୁୟାରୀ 8 ମଧ୍ୟରେ ଯୋଶୀମଠ 5.4 ସେମି ତଳକୁ ଦବିଛି ।

ସାଟେଲାଇଟ୍ ଚିତ୍ରରେ ଦେଖିବାକୁ ମିଳିଛି ଯେ ଆର୍ମି ହେଲିପ୍ୟାଡ୍ ଏବଂ ନରସିଂହ ମନ୍ଦିର, ସବସିଡେନ୍ସ ଔଲି ରୋଡ୍ ତଥା ସେଣ୍ଟ୍ରାଲ୍ ଯୋଶୀମଠ ସବୁଠାରୁ ଅଧିକ ଦବୁଥିବା ଅଞ୍ଚଳ । ଅପ୍ରେଲ 2022 ରୁ ନଭେମ୍ବର 2022 ମଧ୍ୟରେ, ଯୋଶୀମଠ 9 ସେମି ଭୂମି ଦବିଛି । କିନ୍ତୁ ଗତ ଏକ ସପ୍ତାହ ମଧ୍ୟରେ ଭୂମି ଅତି ଶୀଘ୍ର ଦବିବାରେ ଲାଗିଛି । ଯୋଶୀମଠକୁ ଚାମୌଲି ଜିଲ୍ଲା ପ୍ରଶାସନ ପକ୍ଷରୁ ଭୂସ୍ଖଳନ କ୍ଷେତ୍ର ବୋଲି ଘୋଷଣା କରାଯାଇଛି ।

Published On January 13, 2023