କିପରି ଘଟିଲା ଜାହାଙ୍ଗୀରପୁରୀରେ ହିଂସା, ସ୍ଥାନୀୟ ଲୋକ ଜଣାଇଲେ ଏହି ଘଟଣାର କାରଣ
ହନୁମାନ ଜୟନ୍ତୀ ଅବସରରେ ଶୋଭାଯାତ୍ରା କରାଯାଉଥିବା ବେଳେ ଏହି ଘଟଣା ଘଟିଥିଲା ଯେଉଁଥିରେ କିଛି ଲୋକ ପଥର ଫିଙ୍ଗିବା ସହ ଗାଡିରେ ନିଆଁ ଲଗାଇ ଦେଇଥିଲେ । ଶନିବାର ସନ୍ଧ୍ୟା ପ୍ରାୟ 6 ଟାରେ ଏହି ହିଂସା ଘଟିଥିଲା ।
ନୂଆଦିଲ୍ଲୀ : ହନୁମାନ ଜୟନ୍ତୀ ଅବସରରେ ଦିଲ୍ଲୀର ଜାହାଙ୍ଗୀରପୁରୀ ଅଞ୍ଚଳରେ ଶନିବାର ଦୁଇ ସମ୍ପ୍ରଦାୟ ମଧ୍ୟରେ ହିଂସାତ୍ମକ ଘଟଣା ଘଟିଛି । ହନୁମାନ ଜୟନ୍ତୀ ଅବସରରେ ଶୋଭାଯାତ୍ରା କରାଯାଉଥିବା ବେଳେ ଏହି ଘଟଣା ଘଟିଥିଲା ଯେଉଁଥିରେ କିଛି ଲୋକ ପଥର ଫିଙ୍ଗିବା ସହ ଗାଡିରେ ନିଆଁ ଲଗାଇ ଦେଇଥିଲେ । ଶନିବାର ସନ୍ଧ୍ୟା ପ୍ରାୟ 6 ଟାରେ ଏହି ହିଂସା ଘଟିଥିଲା, ଏହି ହିଂସାରେ କିଛି ପୋଲିସ କର୍ମଚାରୀ ମଧ୍ୟ ଆହତ ହୋଇଛନ୍ତି । କିନ୍ତୁ ସର୍ବଶେଷରେ, ଏହି ପୁରା ଘଟଣା କିପରି ଆରମ୍ଭ ହେଲା ଏବଂ ଏହା ପଛରେ କେଉଁ ବ୍ୟକ୍ତିମାନଙ୍କ ସମ୍ପୃକ୍ତି ରହିଛି ତାହା ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ । ତେବେ ଦିଲ୍ଲୀ ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି । ଏହି ଘଟଣା ପରେ ସ୍ଥାନୀୟ ଲୋକ ଏହାକୁ ନେଇ ଖୋଲାଖୋଲି ଭାବେ କହିଥିଲେ ଏବଂ ଏହା ପଛରେ ଦୁଇଟି କାରଣ ସାମ୍ନାକୁ ଆସିଛି ।
କିଛି ସ୍ଥାନୀୟ ଲୋକ କହିଛନ୍ତି ଯେ ହନୁମାନ ଜୟନ୍ତୀ ଶୋଭାଯାତ୍ରା ସମୟରେ ସନ୍ଧ୍ୟା ପ୍ରାୟ 5.40 ରେ ହିଂସା ଆରମ୍ଭ ହୋଇଥିଲା । ଏହି ହନୁମାନ ଜୟନ୍ତୀ ଶୋଭାଯାତ୍ରା ଯେତେବେଳେ ଅନ୍ୟ ସମ୍ପ୍ରଦାୟର ଧାର୍ମିକ ସ୍ଥାନରେ ପହଞ୍ଚି ଥିଲା ସେତେବେଳେ ସେଠାରେ ନମାଜ ଅନୁଷ୍ଠିତ ହୋଇଥିଲା । ଅଭିଯୋଗ ହୋଇଛି ଯେ ଏହି ସମାବେଶରେ କିଛି ଲୋକ ଉଚ୍ଚ ସ୍ୱରରେ ସ୍ଲୋଗାନ ଦେବା ଆରମ୍ଭ କରି ସଙ୍ଗୀତ ବଜାଇବା ଆରମ୍ଭ କରିଥିଲେ ଏବଂ ଏଠାରେ ପତାକା ଲଗାଇବାକୁ ଚେଷ୍ଟା କରିଥିଲେ । ଯାହା ପରେ ଏଠାରେ ଦୁଇ ସମ୍ପ୍ରଦାୟ ମଧ୍ୟରେ ସଂଘର୍ଷ ଆରମ୍ଭ ହୋଇଥିଲା ।
କିନ୍ତୁ ଅନ୍ୟ ଏକ ଗୋଷ୍ଠା ଏହାକୁ ଏହାକୁ ଅସ୍ୱୀକାର କରୁଛନ୍ତି । ଅନ୍ୟ କେତେକ ସ୍ଥାନୀୟ ଲୋକ କହିଛନ୍ତି ଯେ ହନୁମାନ ଜୟନ୍ତୀ ରାଲିକୁ ଜାଣିଶୁଣି ଟାର୍ଗେଟ କରାଯାଇଥିଲା, ରାଲିରେ ଉଚ୍ଚ ସଙ୍ଗୀତକୁ ନେଇ ରାଲିକୁ ରୋକାଯାଇଥିଲା । ଏହି ଘଟଣା ସମ୍ପର୍କରେ ପୋଲିସ ପ୍ରାୟ 6.20 ସୂଚନା ପାଇଥିଲା । ସନ୍ଧ୍ୟା 7 ଟା ପର୍ଯ୍ୟନ୍ତ ଅତିରିକ୍ତ ପୋଲିସ ଫୋର୍ସ ଏଠାରେ ପହଞ୍ଚି କିଛି ଘଣ୍ଟା ମଧ୍ୟରେ ପରିସ୍ଥିତିକୁ ନିୟନ୍ତ୍ରଣକୁ ଆଣିଥିଲା । ରିପୋର୍ଟ ଅନୁଯାୟୀ, ଲୋକମାନେ ପଥର ଫିଙ୍ଗିବା ବ୍ୟତୀତ ଏଠାରେ ଗୁଳି ଚଳାଇଛନ୍ତି । ହିଂସା ସମୟରେ ଗୁଳି ଚଳାଯାଇଥିବା ପୋଲିସ ସନ୍ଦେହ କରୁଛି । ଯେଉଁଥିରେ ଜଣେ ପୋଲିସ କର୍ମଚାରୀଙ୍କୁ ଗୁଳି ଲାଗିଛି ।
ସ୍ଥାନୀୟ ଲୋକଙ୍କ କହିବାନୁସାରେ, ସଂଘର୍ଷ ସମୟରେ 6 ରାଉଣ୍ଡ ଗୁଳି ଚାଳନା କରାଯାଇଥିଲା । କିନ୍ତୁ ପୋଲିସ ଦ୍ୱାରା ଏହା ନିଶ୍ଚିତ ହୋଇନାହିଁ । ଏହି ଘଟଣାରେ ଏପର୍ଯ୍ୟନ୍ତ 15 ଜଣଙ୍କୁ ପୋଲିସ ଅଟକ ରଖିଛି, ଶନିବାର ରାତିରେ ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି । ଏହି ଘଟଣା ପରେ ପ୍ରାୟ 15 ଜଣଙ୍କୁ ଗିରଫ କରାଯିବା ପରେ ସେମାନଙ୍କୁ ପଚରାଉଚରା କରାଯାଉଛି । ଏଥିସହିତ ଏହି ଅଞ୍ଚଳ ଉପରେ ନଜର ରଖିବା ପାଇଁ ପୋଲିସ ଡ୍ରୋନ୍ ବ୍ୟବହାର କରୁଛି ଏବଂ କାହାର ଛାତ ଉପରେ ପଥର ରଖାଯାଇଛି କି ନାହିଁ ଜାଣିବାକୁ ଚେଷ୍ଟା କରୁଛି ।
Click it and Unblock the Notifications
Sign in with Google