ଜାହାଙ୍ଗୀରପୁରୀ ହିଂସା : ପୋଲିସ ହାତରେ ଲାଗିଲେ 3 ଅଭିଯୁକ୍ତ, ସାମିଲ ଥିଲେ ଦୁଇ ଭାଇ
ଜାହାଙ୍ଗୀରପୁରୀ ହିଂସା ମାମଲାରେ ଦିଲ୍ଲୀ ପୋଲିସର କାର୍ଯ୍ୟାନୁଷ୍ଠାନ ଜାରି ରହିଛି । ଗୁରୁବାର ସକାଳେ ଏହି ମାମଲାରେ ଦୁଇ ଅଭିଯୁକ୍ତଙ୍କୁ ଗିରଫ କରାଯାଇଥିବାବେଳେ ଅପରାହ୍ନରେ ଅନ୍ୟ ଜଣେ ଅଭିଯୁକ୍ତଙ୍କୁ ଗିରଫ କରାଯାଇଥିଲା
ନୂଆଦିଲ୍ଲୀ : ଜାହାଙ୍ଗୀରପୁରୀ ହିଂସା ମାମଲାରେ ଦିଲ୍ଲୀ ପୋଲିସର କାର୍ଯ୍ୟାନୁଷ୍ଠାନ ଜାରି ରହିଛି । ଗୁରୁବାର ସକାଳେ ଏହି ମାମଲାରେ ଦୁଇ ଅଭିଯୁକ୍ତଙ୍କୁ ଗିରଫ କରାଯାଇଥିବାବେଳେ ଅପରାହ୍ନରେ ଅନ୍ୟ ଜଣେ ଅଭିଯୁକ୍ତଙ୍କୁ ଗିରଫ କରାଯାଇଥିଲା । ଦିଲ୍ଲୀ ପୋଲିସର ସୂଚନାନୁସାରେ, ପ୍ରଥମେ ଗିରଫ ହୋଇଥିବା ଦୁଇ ଅଭିଯୁକ୍ତ ଜାଫର ଏବଂ ବାବୁଦ୍ଦିନ ବୋଲି ଜଣା ପଡିଥିବା ବେଳେ ତୃତୀୟ ଅଭିଯୁକ୍ତର ସବିଶେଷ ତଥ୍ୟ ଏପର୍ଯ୍ୟନ୍ତ ଜଣାପଡି ନାହିଁ । ବର୍ତ୍ତମାନ ଦିଲ୍ଲୀ ପୋଲିସର ଟିମ୍ ଏହି ତିନିଜଣଙ୍କୁ ପଚରାଉଚରା କରୁଛନ୍ତି ।
ସୂଚନାନୁସାରେ, ଯେତେବେଳେ ଦିଲ୍ଲୀର ଜାହାଙ୍ଗୀରପୁରୀରେ ହନୁମାନ ଜୟନ୍ତୀ ଅବସରରେ ଶୋଭାଯାତ୍ରା କରାଯାଇଥିଲା, ସେତେବେଳେ ଜାଫର ଏବଂ ବାବୁଦ୍ଦିନ କାଚ ବୋତଲରେ ଆକ୍ରମଣ କରିଥିଲେ । ଏହା ବ୍ୟତୀତ ଦୁହେଁ ଭିଡ଼ ଆଗରେ ଖଣ୍ଡା ମଧ୍ୟ ହଲାଇଥିଲେ । ଦିଲ୍ଲୀ ପୋଲିସର କହିବା ଅନୁଯାୟୀ, ଉଭୟ ସଂପର୍କରେ ଭାଇ ଏବଂ ଜାହାଙ୍ଗୀରପୁରୀରେ ହୋଇଥିବା ହିଂସାରେ ସେମାନଙ୍କର ଗୁରୁତ୍ୱପୂର୍ଣ୍ଣ ଭୂମିକା ଥିଲା । ମୁଖ୍ୟ ଅଭିଯୁକ୍ତ ମହମ୍ମଦ ଅନସାର ସହ ଉଭୟଙ୍କ ସମ୍ପର୍କ ଥିବା କଥା ମଧ୍ୟ କୁହାଯାଉଛି ।
ଦିଲ୍ଲୀ ପୋଲିସର ସୂଚନାନୁସାରେ, ସେମାନଙ୍କ ପକ୍ଷରୁ ଅନେକ ଦଳ ଗଠନ କରାଯାଇଥିଲା, ଯାହା ଅଭିଯୁକ୍ତ ମାନଙ୍କୁ ଖୋଜୁଛି । ଏହି ମାମଲାରେ ଏପର୍ଯ୍ୟନ୍ତ 29 ଜଣଙ୍କୁ ଗିରଫ କରାଯାଇଛି । ସେଥିରେ 3 ନାବାଳକ ଅଛନ୍ତି । ହିଂସା ଘଟଣାର ମୁଖ୍ୟ ଅଭିଯୁକ୍ତ ଅନସାରକୁ ମଧ୍ୟ ଦିଲ୍ଲୀ ପୋଲିସ ଗିରଫ କରିଛି, ଯାହାକୁ କ୍ରାଇମ ବ୍ରାଞ୍ଚ ଦଳ କ୍ରମାଗତ ପଚରାଉଚରା କରୁଛନ୍ତି ।
ଏଥିସହ ହିଂସା ମାମଲାରେ ଏନଏସଏସ ଅଧୀନରେ ଗିରଫ ହୋଇଥିବା 5 ଅଭିଯୁକ୍ତଙ୍କୁ 8 ଦିନିଆ ପୋଲିସ ହେପାଜତକୁ ପଠାଯାଇଛି । ରୋହିଣୀ କୋର୍ଟ ଅନସାର, ସଲିମ ଚିକନା, ଇମାମ ଶେଖ, ଦିଲଶାଦ ଏବଂ ଅହିର ର ଆଠ ଦିନିଆ ପୋଲିସ ହେପାଜତକୁ ଅନୁମତି ଦେଇଛନ୍ତି । ପୋଲିସ ଅଧିକାରୀଙ୍କ ଅନୁଯାୟୀ, ସେମାନେ ସମସ୍ତ ଅଭିଯୁକ୍ତଙ୍କ କଲ୍ ବିବରଣୀ ଏବଂ ହ୍ୱାଟସ୍ ଆପ୍ ମେସେଜ୍ ଯାଞ୍ଚ କରୁଛନ୍ତି । ଏଥିରୁ ହିଂସା ସହ ଜଡିତ ଅନ୍ୟମାନଙ୍କର ପରିଚୟର ଖୁଲାସା କରିବ ବୋଲି ଆଶା କରାଯାଉଛି ।
Click it and Unblock the Notifications
Sign in with Google