ଗୋଗ୍ରା ହଟ୍ ସ୍ପ୍ରିଙ୍ଗସରୁ ସେପ୍ଟେମ୍ବର 12 ସୁଦ୍ଧା ହଟିବ ଚୀନ୍ ସେନା

ଦୁଇ ଦେଶ ମଧ୍ୟରେ ଅନେକ ରାଉଣ୍ଡ ସାମରିକ ଏବଂ କୂଟନୈତିକ ଆଲୋଚନା ପରେ ଏଥିରେ ସହମତି ପ୍ରକାଶ ପାଇଛି । ସେପ୍ଟେମ୍ବର 8 ରୁ ଆରମ୍ଭ ହୋଇଥିବା ଏହି ସୈନ୍ୟ ପ୍ରତ୍ୟାହାର ପ୍ରକ୍ରିୟା ସେପ୍ଟେମ୍ବର 12 ସୁଦ୍ଧା ଶେଷ ହେବ ।

ନୂଆଦିଲ୍ଲୀ : ଭାରତ ଓ ଚୀନ ମଧ୍ୟରେ ଲଦାଖରେ ଲାଗି ରହିଥିବା ବିବାଦର ସମାଧାନ ହେବାକୁ ଯାଉଛି । ବିବାଦର ପ୍ରମୁଖ ସ୍ଥାନ ପାଲଟିଥିବା ଗୋଗ୍ରା ହଟ୍ ସ୍ପ୍ରିଙ୍ଗ ବିଷୟରେ ଗୁରୁବାର ଦିନ ଏକ ଖୁସି ଖବର ଆସିଥିଲା ଯେତେବେଳେ ସେନା କହିଥିଲା ଯେ ଉଭୟ ଦେଶ ଏହି ଅଞ୍ଚଳରୁ ସୈନ୍ୟ ପ୍ରତ୍ୟାହାର ପ୍ରକ୍ରିୟା ଆରମ୍ଭ କରିଛନ୍ତି । ଦୁଇ ଦେଶ ମଧ୍ୟରେ ଅନେକ ରାଉଣ୍ଡ ସାମରିକ ଏବଂ କୂଟନୈତିକ ଆଲୋଚନା ପରେ ଏଥିରେ ସହମତି ପ୍ରକାଶ ପାଇଛି । ସେପ୍ଟେମ୍ବର 8 ରୁ ଆରମ୍ଭ ହୋଇଥିବା ଏହି ସୈନ୍ୟ ପ୍ରତ୍ୟାହାର ପ୍ରକ୍ରିୟା ସେପ୍ଟେମ୍ବର 12 ସୁଦ୍ଧା ଶେଷ ହେବ । ଭାରତୀୟ ବୈଦେଶିକ ମନ୍ତ୍ରଣାଳୟ ଏ ସମ୍ପର୍କରେ ସୂଚନା ଦେଇଛି ।

ଗୁରୁବାର ସୂଚନା ଦେଇ ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି ଯେ ଲଦାଖର ଗୋଗ୍ରା ହଟପ୍ରିଙ୍ଗ୍ସର ପାଟ୍ରୋଲିଂ ପଏଣ୍ଟ 15 (ପିପି 15) ରୁ ଉଭୟ ଦେଶ ସେମାନଙ୍କ ସୈନ୍ୟ ପ୍ରତ୍ୟାହାର ପ୍ରକ୍ରିୟା ଆରମ୍ଭ କରିଛନ୍ତି । ଚୀନ୍ ମଧ୍ୟ ଏହା ନିଶ୍ଚିତ କରିଛି । ଏହି ପ୍ରକ୍ରିୟା ସମ୍ପର୍କରେ ଏକ ବିବୃତ୍ତିରେ 9 ସେପ୍ଟେମ୍ବରରେ ବୈଦେଶିକ ବ୍ୟାପାର ମନ୍ତ୍ରଣାଳୟର ମୁଖପାତ୍ର କହିଛନ୍ତି । ବିବୃତ୍ତି ଅନୁଯାୟୀ, ଉଭୟ ଦେଶର କର୍ପସ କମାଣ୍ଡର ସ୍ତରର ବୈଠକ 17 ଜୁଲାଇ 2022 ରେ ଚୁସୁଲ ମୋଲଡୋ ସେକ୍ଟରରେ ଅନୁଷ୍ଠିତ ହୋଇଥିଲା । ସେବେଠାରୁ ଆଲୋଚନାରେ ସହମତ ହୋଇଥିବା ଲକ୍ଷ୍ୟ ହାସଲ କରିବାକୁ ଉଭୟ ପକ୍ଷ ପରସ୍ପର ସହ ନିରନ୍ତର ଯୋଗାଯୋଗରେ ରହିଆସିଛନ୍ତି ।

ଫଳସ୍ୱରୂପ, ଉଭୟ ପକ୍ଷ ବର୍ତ୍ତମାନ ଗୋଗ୍ରା ହଟ୍ ସ୍ପ୍ରିଙ୍ଗ୍ସର pp 15 ରୁ ନିଜ ନିଜର ସୈନ୍ୟ ପ୍ରତ୍ୟାହାର କରିବାକୁ ରାଜି ହୋଇଛନ୍ତି । ସମ୍ମତି ଆଧାରରେ, ଏହି ଅଞ୍ଚଳରୁ ପ୍ରତ୍ୟାହାର ପ୍ରକ୍ରିୟା 8 ସେପ୍ଟେମ୍ବର 2022 ରେ ସକାଳ 8.30 ରୁ ଆରମ୍ଭ ହୋଇଥିଲା ଏବଂ 12 ସେପ୍ଟେମ୍ବରରେ ଶେଷ ହେବ ।
ଏହି ବିବୃତ୍ତିରେ କୁହାଯାଇଛି ଯେ ଏହି ଅଞ୍ଚଳରେ ଉଭୟ ପକ୍ଷ ଦ୍ୱାରା କରାଯାଇଥିବା ସମସ୍ତ ଅସ୍ଥାୟୀ ନିର୍ମାଣ ଏବଂ ଅନ୍ୟାନ୍ୟ ଆନୁସଙ୍ଗିକ ନିର୍ମାଣଗୁଡିକ ଭାଙ୍ଗି ଦିଆଯିବ ଯାହା ପରସ୍ପର ଦ୍ୱାରା ଅନୁମୋଦନ ହେବ ।

English summary

Indo China Border Issu : Disengagement on gogra hot springs will be completed by 12 september